完整藏文原文 · 德格版页 当前仅加载第 35 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་ཕྲ་བ་སྙེད་ཀྱིས་བསྐོར་བ། རིན་པོ་ཆེ་ཐམས་ཅད་ཀྱི་མེ་ཏོག་གི་ཟེ་བ་རྒྱ་མཚོ་ལ་རབ་ཏུ་གནས་པ། དབྱིབས་ཀུན་ནས་དཀྱིལ་འཁོར་དུ་འདུག་པ་མུ་ཏིག་གི་གྲོང་ཁྱེར་དཔལ་གྱི་སེང་གེའི་ཁྲི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་ཀྱི་
D44.035.0117b01.01རྒྱ་མཚོ་མཐའ་ཡས་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྤྲུལ་པའི་སྤོས་ཞིམ་པོ་དཔལ་གྱི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་
D44.035.0117b02.01གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་ཆེ་ཐམས་ཅད་ཀྱི་རྒྱན་དང་དྲིལ་བུའི་དྲ་བ་རྒྱ་མཚོ་ལ་རབ་ཏུ་གནས་པ། རྡོ་རྗེའི་དབྱིབས་ལྟར་འདུག་པ། རྒྱན་སྣ་ཚོགས་ཀྱི་འོད་ཀྱི་དཀྱིལ་འཁོར་གྱི་སྤྲིན་གྱིས་ཀུན་ནས་
D44.035.0117b03.01ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་མཚན་ཉིད་སྤྲུལ་པ་མེད་པར་ཀུན་ནས་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་གཞིའི་ཁ་དོག་དང་འོད་ཡིད་དུ་
D44.035.0117b04.01འོང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་སྤོས་ཆུ་ཁ་དོག་མཐའ་ཡས་པ་རིན་པོ་ཆེའི་ཚོན་དང་ལྡན་པའི་རྒྱ་མཚོ་ལ་རབ་ཏུ་གནས་པ། དབྱིབས་ནོར་བུའི་འཁོར་ལོ་ལྟར་འདུག་པ། མུ་
D44.035.0117b05.01ཏིག་ཉི་མའི་ཚུལ་ཀུན་ཏུ་སྣང་བའི་འོད་ཀྱི་ཁང་པ་བརྩེགས་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འཁོར་ལེགས་པར་འབྱུང་བ་རྣམ་པར་སྣང་མཛད་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་
D44.035.0117b06.01འདས་པ་ན། འཇིག་རྟེན་གྱི་ཁམས་དགེ་བའི་ལས་ཀྱིས་ཁྱབ་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ་སྤོས་དང་རྡོ་རྗེའི་རྒྱ་མཚོ་ལ་རབ་ཏུ་གནས་པ། པདྨོའི་དབྱིབས་ལྟར་འདུག་
D44.035.0117b07.01