完整藏文原文 · 德格版页 当前仅加载第 35 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་རྒྱ་མཚོ་རྣམས་ཀྱང་བསྟན་པ་མཛད་གྲང་། སེམས་ཅན་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་ཕ་རོལ་ཏུ་ཕྱིན་པ་རྒྱ་མཚོ་རྣམས་ཀྱང་བསྟན་པ་
D44.035.0066a01.01མཛད་གྲང་། སངས་རྒྱས་ཀྱི་རྣམ་པར་ཐར་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་སྤྲུལ་པ་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་ཤིན་ཏུ་བསྟན་པ་རྒྱ་མཚོ་
D44.035.0066a02.01རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་མཚན་རྒྱ་མཚོ་རྣམས་ཀྱང་བསྟན་པ་མཛད་གྲང་། སངས་རྒྱས་ཀྱི་སྐུ་ཚེའི་ཚད་རྒྱ་མཚོ་རྣམས་ཀྱང་བསྟན་པ་མཛད་གྲང་། དེ་ནས་བྱང་ཆུབ་སེམས་དཔའ་དེ་དག་གི་བྱིན་རླབས་ཀྱིས། མཆོད་པའི་དཀྱིལ་འཁོར་གྱི་སྤྲིན་དེ་
D44.035.0066a03.01དག་ལས་ཚིགས་སུ་བཅད་པ་འདི་དག་བྱུང་ངོ་། །མཐའ་ཡས་རྒྱ་ཆེན་བསྐལ་པར་རབ་སྤྱད་དེ། །བྱང་ཆུབ་ཤིང་དྲུང་རང་བྱུང་ཡང་དག་སྐྱེས། །ཕྱི་མཐའི་བསྐལ་པར་འགྲོ་བའི་སྤྲིན་གྱུར་པ། །དེ་བཞིན་གཤེགས་པས་སྐུ་ནི་བྱིན་གྱིས་བརླབས། །འགྲོ་བ་མ་
D44.035.0066a04.01ལུས་ཀུན་གྱི་ཐེ་ཙོམ་གཅོད། །མོས་པའི་སྟོབས་ནི་ཡངས་པ་རབ་ཏུ་བསྐྱེད། །སེམས་ཅན་སྡུག་བསྔལ་མཐའ་ཡས་ཞི་བར་མཛད། །སངས་རྒྱས་བདེ་ལ་འགྲོ་བ་ཐམས་ཅད་འགོད། །བྱང་ཆུབ་སེམས་དཔའ་མཐའ་ཡས་ཞིང་རྡུལ་སྙེད། །དེ་བཞིན་
D44.035.0066a05.01གཤེགས་པ་བལྟ་ཞིང་ཀུན་ནས་གནས། །དེ་དག་བསམ་པ་སྤྱོད་ཡུལ་ཇི་བཞིན་དུ། །ཐེ་ཙོམ་བསལ་བར་ཆོས་རྣམས་རབ་བསྟན་གསོལ། །རྒྱལ་བ་ཀུན་གྱི་ས་ནི་ཇི་ལྟ་བུ། །དེ་བཞིན་གཤེགས་པའི་ཡུལ་གྱི་རྒྱུད་རྣམས་དང་། །སངས་རྒྱས་བྱིན་རླབས་
D44.035.0066a06.01མཐའ་དང་དབུས་མེད་པ། །དེ་དག་ཚུལ་ནི་རྣམ་དག་བསྟན་དུ་གསོལ། །དེ་བཞིན་གཤེགས་པའི་སྤྱོད་ཡུལ་ཅི་ཡིས་འཇུག །རྒྱལ་བའི་མཁྱེན་ལ་ཇི་ལྟར་འཇུག་པ་དང་། །ཡེ་ཤེས་རྒྱ་ཆེན་མཐུ་སྟོབས་རྣམ་པར་སྦྱངས། །རྒྱལ་སྲས་ཀུན་ལ་ཡང་དག་
D44.035.0066a07.01