完整藏文原文 · 德格版页 当前仅加载第 35 函德格 382a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་མཐར་ཐུག་པ་ཐམས་ཅད་ཀྱི་ངན་སོང་ཀུན་གྱི་སྡུག་བསྔལ་ཐམས་ཅད་བླངས་ཏེ་ཉམས་སུ་མྱོང་བར་བྱ་བ་ལ་བདག་གིས་སྤྲོ་བར་བྱའོ། །བདག་གིས་སེམས་ཅན་ཐམས་ཅད་དགེ་བའི་རྩ་བ་ལས་མི་སྤང་བར་བྱའོ། །སེམས་ཅན་ཐམས་ཅད་
D44.035.0382a01.01ཡོངས་སུ་དགྲོལ་བའི་ཕྱིར་བདག་ངན་སོང་གཅིག་ནས་ཕྱི་མའི་མཐར་ཐུག་པའི་བསྐལ་པར་གནས་པར་སྤྲོ་བར་བྱའོ། །ངན་སོང་གཅིག་ཏུ་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་གཏོགས་པའི་ངན་སོང་ཐམས་ཅད་དུ་གནས་པར་སྤྲོ་བར་བྱའོ། །དེ་ཅིའི་ཕྱིར་
D44.035.0382a02.01ཞེ་ན། ཀྱི་ཧུད་སེམས་ཅན་འདི་དག་ཐམས་ཅད་སྡུག་བསྔལ་གྱི་གནས་སུ་ལྷུང་བབས་ནི་བདག་གཅིག་པུ་སྡུག་བསྔལ་མྱོང་བར་བླའི་བདག་གིས་དེར་བདག་ཉིད་གཏར་བཅུག་སྟེ། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་
D44.035.0382a03.01འཇིག་རྟེན་གྱི་དགོན་པ་ནས། འགྲོ་བ་ཐམས་ཅད་བླུས་ཏེ། བདག་གིས་སེམས་ཅན་ཐམས་ཅད་ཀྱི་དོན་དུ་སྡུག་བསྔལ་ཚོར་བའི་ཕུང་པོ་འདི་དག་ཐམས་ཅད་བདག་གིས་ལུས་འདིས་མྱོང་བར་བྱའོ། །བདག་གིས་ནི་སེམས་ཅན་ཐམས་ཅད་ཀྱི་གཉའ་བདེན་
D44.035.0382a04.01པར་སྨྲ་བ་དང་། ཡིད་ཆེས་ཤིང་མི་བསླུ་བར་སྤྲོ་བར་བྱའི་བདག་ལ་ནི་སེམས་ཅན་ཐམས་ཅད་ཀྱིས་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟ་སྟེ། འགྲོ་བ་ཐམས་ཅད་ཡོངས་སུ་དགྲོལ་བའི་ཕྱིར། བདག་གིས་ཐམས་ཅད་མཁྱེན་པའི་སེམས། སེམས་
D44.035.0382a05.01ཅན་ཐམས་ཅད་ལ་{དམྱིགས་,དམིགས་}པ་སྐྱེ་སྟེ། བདག་ཉིད་འདོད་པའི་ཕྱིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མ་ཞུགས་སོ། །འདོད་པའི་ཡོན་ཏན་ལྔ་ལ་དགའ་ཞིང་སྤྱོད་པའི་ཕྱིར་ཡང་མ་ཡིན་ནོ། །འདོད་པའི་ཡུལ་ལ་བསྙེན་པའི་ཕྱིར་ཡང་མ་ཡིན་
D44.035.0382a06.01ནོ། །འདོད་པའི་ཁམས་སུ་གཏོགས་པའི་དགའ་བ་མང་པོ་གཞན་བླང་བའི་ཕྱིར་ཡང་བྱང་ཆུབ་ཀྱི་སྤྱོད་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། འཇིག་རྟེན་གྱི་དགའ་བ་འདི་དག་ཐམས་ཅད་ནི་དགྲ་ཡིན་ནོ། །འདོད་པ་ལ་བསྟེན་པ་འདི་ནི་བདུད་ཀྱི་ཡུལ་ལོ། །
D44.035.0382a07.01