完整藏文原文 · 德格版页 当前仅加载第 35 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་པ་སྟོན་པ་ཞེས་བྱའོ། །ལོ་ཏོག་གི་ལྷ་གཙུག་ཕུད་ཁ་དོག་སྣ་ཚོགས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་མོས་པའི་མེ་ཏོག་ཡོངས་སུ་སྦྱོང་བ་ཞེས་བྱའོ། །ལོ་ཏོག་གི་ལྷ་ཡལ་ག་དྲི་མ་མེད་པར་གྲུབ་པའི་རྣམ་པར་ཐར་པ་ནི། སེམས་ཅན་ལ་ཕན་པའི་བྱམས་
D44.035.0043b01.01པ་དང་། བསོད་ནམས་རྒྱ་མཚོ་རྒྱ་ཆེན་པོ་རྣམ་པར་འཕེལ་བར་བྱེད་པ་ཞེས་བྱའོ། །ལོ་ཏོག་གི་ལྷ་སྤོས་སྣ་ཚོགས་ཤིན་ཏུ་གྲུབ་པའི་རྣམ་པར་ཐར་པ་ནི། ཆོས་ཐམས་ཅད་ལ་སྤྱོད་པ་ཀུན་ཏུ་གནོན་པས་རྩོམ་པ་ཞེས་བྱའོ། །ལོ་ཏོག་གི་ལྷ་བཟང་ཞིང་ཡིད་དུ་འོང་བར་སྣང་བའི་རྣམ་པར་
D44.035.0043b02.01ཐར་པ་ནི། འགྲོ་བ་ཐམས་ཅད་ཀྱི་ཞུམ་པ་དང་། ཡིད་དུ་མི་འོང་བ་རྣམ་པར་ཟློག་ཅིང་། ཆོས་ཀྱི་དབྱིངས་ཐམས་ཅད་ཡོངས་སུ་དག་པར་བྱེད་པ་ཞེས་བྱའོ། །ལོ་ཏོག་གི་ལྷ་ཁ་དོག་རྣམ་པར་དག་ཅིང་། འོད་དྲི་མ་མེད་པའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་དགེ་བའི་རྩ་བ་
D44.035.0043b03.01ལ་རྣམ་པར་ལྟ་ཞིང་ཆོས་ཀྱིས་འཁོར་གྱི་དབང་པོ་ཚིམ་པར་བྱེད་པ་ཞེས་བྱའོ། །དེ་ནས་ལོ་ཏོག་གི་ལྷ་དང་འཇམ་པའི་དཔལ་གྱིས་སངས་རྒྱས་ཀྱི་མཐུས་ལོ་ཏོག་གི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
D44.035.0043b04.01རང་བྱུང་ཡེ་ཤེས་སྒྲོན་མ་སྐྱེས་པ་ནི། །འགྲོ་བ་ཀུན་གྱི་སྐྱབས་དང་མགོན་གྱུར་ཏེ། །མ་ལུས་འགྲོ་བའི་བདེ་བ་ཡང་དག་སྐྱེད། །བསོད་ནམས་རྒྱ་མཚོ་སངས་རྒྱས་བླ་ན་མེད། །སངས་རྒྱས་མཉན་ན་དོན་ཡོད་ཡོན་ཏན་སྤྲིན། །འགྲོ་བ་ཀུན་གྱི་སྡུག་བསྔལ་ཞི་བར་
D44.035.0043b05.01མཛད། །ཆོས་རྒྱ་ཆེན་པོ་མི་ཟད་རབ་ཏུ་བསྐྱེད། །དུས་ཀྱི་དཀྱིལ་འཁོར་ལྷ་ནི་འདི་ལ་འཇུག །བདེ་གཤེགས་སྟོབས་ནི་མ་ལུས་ཡོངས་སུ་རྒྱས། །འགྲོ་བ་དག་ནི་ཆོས་ཀྱི་ལེགས་པས་མཛེས། །འགྲོ་བ་ཀུན་འདུལ་ཀུན་ཏུ་རྣམ་པར་སྣང་། །སྟོབས་དང་
D44.035.0043b06.01གཟུགས་ཀྱི་མཐུ་ཡིས་དེ་མཐོང་ངོ་། །སེམས་ཀྱི་སྐད་ཅིག་ཀུན་ལ་འགྲོ་མཉམ་པའི། །ཐུགས་རྗེས་རྒྱ་མཚོ་སྔན་ཅད་རྣམ་སྦྱངས་པས། །དེ་ཕྱིར་རྫུ་འཕྲུལ་རྣམས་ནི་མཐའ་ཡས་སོ། །དེ་ནི་མདངས་མཐོང་ལྷ་ཡིས་རབ་ཏུ་མཐོང་། །ཐབས་རྣམས་ཀུན་གྱི་སྒོ་རྣམས་
D44.035.0043b07.01