完整藏文原文 · 德格版页 当前仅加载第 35 函德格 359b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མེ་ཏོག་ཁ་དོག་མཐའ་ཡས་པ་སྣ་ཚོགས་ཀྱི་སྤྲིན་དང་། ན་བཟའ་ཁ་དོག་རྣམ་པ་སྣ་ཚོགས་རྣམ་པ་ཐ་དད་པ་ཐམས་ཅད་ཀྱི་སྤྲིན་དང་། ཙན་དན་གྱི་དྲི་ཞིམ་པོ་མཐའ་ཡས་པར་འཕྲོ་བ་ཐམས་ཅད་ཀྱི་སྤྲིན་དང་། ལྷ་རྫས་ལས་འདས་པའི་
D44.035.0359b01.01རིན་པོ་ཆེ་ཐམས་ཅད་ཀྱི་གདུགས་རྣམ་པ་སྣ་ཚོགས་ཀྱི་སྤྲིན་དང་། སྤོས་དང་བདུག་པ་སྣ་ཚོགས་ཀྱི་ངད་ཀུན་ཏུ་ལྡང་བའི་སྤྲིན་དང་། ཕྲེང་བ་ཡིད་དུ་འོང་བ་ཐམས་ཅད་ཀྱི་སྤྲིན་དང་། ལྷ་རྫས་ལས་འདས་པའི་ལྷབ་ལྷུབ་རྣམ་པར་དག་པ་ཐམས་ཅད་
D44.035.0359b02.01ཀྱི་སྤྲིན་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་རང་གི་ལུས་གཏོང་བའི་སྤྲིན་དང་། སངས་རྒྱས་ཀྱི་ཡོན་ཏན་བརྗོད་པ་ལས་འདས་པས་བསྟོད་ཅིང་བསྔགས་པའི་བརྗོད་པ་ཟད་མི་ཤེས་པའི་སྤྲིན་དང་།
D44.035.0359b03.01དེ་བཞིན་གཤེགས་པའི་བསྟོད་པས་བརྗོད་པ་ཇི་ལྟ་བ་བཞིན་དུ་ཡང་དག་པར་བསྔགས་པའི་ཆོས་མ་ལོག་པ་ལས་བྱུང་བ། སངས་རྒྱས་ཀྱི་སྟོབས་མཐའ་དང་དབུས་མེད་པ་ལས་རྒྱུ་བས་འགྲོ་བ་ཐམས་ཅད་བདེ་བའི་ལམ་བསྟན་པ་དང་། ཚིག་རྣམ་
D44.035.0359b04.01པར་འབྱེད་པ་བརྗོད་དུ་མེད་པ་སྨོས་པས་ཆོས་ཚད་མེད་པ་ལ་གཞོལ་བའི་གཟུངས་ཀྱི་རྒྱུད་ཐམས་ཅད་ལས་བྱུང་བའི་ཐ་དད་པ་ཡང་དག་པར་ཤེས་པ་ལ་མཁས་པ་མི་ཟད་པ་དང་མི་འཇིགས་པས་ཡིད་དགའ་བར་གྱུར་པའི་རིམ་གྲོ་ངོམས་མི་ཤེས་པས།
D44.035.0359b05.01དེ་བཞིན་གཤེགས་པ་ལ་མངོན་པར་བསྟོད་པ། ཚིག་རྣམ་པར་དབྱེ་ཞིང་བརྗོད་པས། བྱང་ཆུབ་སེམས་དཔའ་དེ་དག་ཆོས་ཀྱི་དབྱིངས་ཀྱི་ལུས་ནམ་མཁའི་ཁམས་རྒྱས་པར་བྱེད་པ་བྱིན་གྱིས་བརླབས་ཏེ། སངས་རྒྱས་འདས་པ་དང་།
D44.035.0359b06.01མ་བྱོན་པ་དང་། ད་ལྟར་བྱུང་བ་ཐམས་ཅད་ཀྱིས་ཡོངས་སུ་གཟུང་བའི་ཡིད་ཀྱི་དབང་པོས་མངོན་པར་བསྟོད་དོ། །ལྷའི་རིས་གཞན་དང་གཞན་ནས་འདུས་པའི་ལྷའི་འཁོར་དེ་དག་ཐམས་ཅད་དང་། སངས་རྒྱས་ཀྱི་ཞིང་བརྗོད་དུ་མེད་པ་
D44.035.0359b07.01