完整藏文原文 · 德格版页 当前仅加载第 35 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
བརླབ་པ་དང་། ནོར་བུའི་རྒྱལ་པོ་འོད་འཕྲོ་བ་ཤིན་ཏུ་སྡུག་པའི་སྒྲོན་མས་སངས་རྒྱས་ཐམས་ཅད་ཀྱི་ཡུལ་རྗེས་སུ་སྒྲོག་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་སངས་རྒྱས་ཀྱི་ཞིང་བསམ་གྱིས་{མྱི་,མི་}
D44.035.0069a01.01ཁྱབ་པ་དང་། དེ་བཞིན་གཤེགས་པའི་གཞལ་མེད་ཁང་གི་གཟུགས་བརྙན་ཡང་དག་པར་སྟོན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་རིན་པོ་ཆེ་སྣ་ཚོགས་ཀྱི་ཚོན་གྱིས་དུས་གསུམ་གྱི་སངས་རྒྱས་ཀྱི་སྐུའི་གཟུགས་བརྙན་རྣམ་
D44.035.0069a02.01པར་སྣང་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། དེ་དག་ལ་{སྩོགས་,སོགས་}པ་ནོར་བུའི་རྒྱལ་པོའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་མོ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་བྱེད་ཅིང་། བཅོམ་ལྡན་འདས་གང་ན་བ་དེར་
D44.035.0069a03.01ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས། ལྷོ་ཕྱོགས་སུ་བརྟེན་ནས། ཨིན་དྲ་ནཱི་ལ་དང་། འཛམ་བུ་ནཱ་ད་དང་། པདྨ་རཱ་ག་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་མངོན་པར་སྤྲུལ་ནས། སྐྱིལ་མོ་ཀྲུང་བཅས་ཏེ་འཁོད་པར་གྱུར་ཏོ། །དེ་ནས་ཡང་འཇིག་རྟེན་
D44.035.0069a04.01གྱི་ཁམས་རྒྱ་མཚོ་འདི་དང་འདབ་ཆགས་སུ་ནུབ་ཕྱོགས་ན་འཇིག་རྟེན་གྱི་ཁམས་རྒྱ་མཚོ་རིན་པོ་ཆེའི་འོད་ཡིད་དུ་འོང་བར་རབ་ཏུ་སྣང་བ་ཞེས་བྱ་བ་ཡོད་དེ། འཇིག་རྟེན་གྱི་ཁམས་དེ་དག་ལས་འཇིག་རྟེན་གྱི་ཁམས་གོས་ཀྱི་སྟན་ཡོངས་སུ་འབྱུང་བ་ན། དེ་བཞིན་གཤེགས་
D44.035.0069a05.01པ་སྤོས་མངོན་དུ་སྣང་བའི་ཡོན་ཏན་རིན་པོ་ཆེས་བརྒྱན་པའི་འཁོར་གྱི་དཀྱིལ་འཁོར་རྒྱ་མཚོ་ནས། བྱང་ཆུབ་སེམས་དཔའ་སྤོས་འོད་འཕྲོ་བའི་རྒྱན་ཟླ་བའི་འོད་ཅེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་། ལྷན་
D44.035.0069a06.01ཅིག་ཏུ་བཅོམ་ལྡན་འདས་གང་ན་བ་དེར་འོང་བར་གྱུར་ཏེ། རིན་པོ་ཆེ་དང་སྤོས་དང་མེ་ཏོག་སྣ་ཚོགས་ཐམས་ཅད་ཀྱི་ཁང་པ་བརྩེགས་པའི་སྤྲིན་གྱི་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་། ནོར་བུའི་རྒྱལ་པོ་ཁ་དོག་མཐའ་ཡས་པས་བརྒྱན་པའི་ཁང་པ་བརྩེགས་
D44.035.0069a07.01