完整藏文原文 · 德格版页 当前仅加载第 35 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་སྒྲོན་མ་དེ་གྲུབ་པོ། །འོད་ཟེར་ཆོས་ཀྱི་རྣམ་འཕྲུལ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །མི་ཟད་གཟུགས་ཀྱི་བང་མཛོད་རྣམས་ཐོབ་ཅིང་། །དེ་བཞིན་གཤེགས་པ་ཀུན་གྱི་མཛོད་ཀྱང་འཛིན། །ཆོས་འཆད་རྣམས་ལ་ཡོངས་སུ་
D44.035.0228b01.01ཕན་བཏགས་ཏེ། །དྲང་སྲོང་རྣམས་ལ་ཆོས་ཀྱི་བསྲུང་བྱས་ཤིང་། །འགྲོ་བ་ཀུན་ལ་ཆོས་བཞིན་ཕན་བཏགས་པས། །འོད་ཟེར་ཆོས་ཀྱི་རྣམ་འཕྲུལ་དེ་གྲུབ་པོ། །འོད་ཟེར་གཏོང་དང་ལྡན་པ་རབ་བཀྱེ་ཞིང་། །སེམས་ཅན་འཇུངས་པ་ཇི་སྙེད་དེས་བསྐུལ་བ། །སྐྱིད་པ་མི་
D44.035.0228b02.01བརྟན་མི་རྟག་ཤེས་གྱུར་ནས། །དེ་དག་རྟག་ཏུ་སྦྱིན་མོས་དགའ་བར་འགྱུར། །འཇུངས་པ་གདུལ་དཀའི་སེམས་ཅན་མ་དུལ་དང་། །ནོར་རྣམས་རྨི་ལམ་སྤྲིན་ཚུལ་ཤེས་གྱུར་ནས། །དགའ་བའི་ཡིད་ཀྱིས་སྦྱིན་པ་རྣམ་སྤེལ་བས། །གཏོང་དང་ལྡན་པའི་འོད་ཟེར་དེས་
D44.035.0228b03.01བསྒྲུབ་པོ། །འོད་ཟེར་ཡོངས་སུ་གདུང་མེད་རབ་བཀྱེ་ཞིང་། །ཚུལ་ངན་སེམས་ཅན་ཅི་སྙེད་དེས་བསྐུལ་བ། །ཚུལ་ཁྲིམས་རྣམ་དག་རབ་ཏུ་གནས་གྱུར་ཏེ། །རང་བྱུང་འགྱུར་བར་བྱ་ཞེས་སེམས་བསྐྱེད་དོ། །དགེ་བའི་ལས་ལམ་ཡོངས་སུ་དག་པ་དང་། །ཚུལ་
D44.035.0228b04.01ཁྲིམས་བཟང་ལ་སེམས་ཅན་མང་བསྐུལ་ཞིང་། །བྱང་ཆུབ་སེམས་ལ་ཡང་དག་བསྐུལ་བྱས་པས། །ཡོངས་སུ་གདུང་མེད་འོད་ཟེར་དེ་གྲུབ་པོ། །བཟོད་པས་རྣམ་བརྒྱན་འོད་ཟེར་རབ་བཀྱེ་ཞིང་། །མི་བཟོད་སེམས་ཅན་ཇི་སྙེད་དེས་བསྐུལ་བ། །ཁྲོ་བའི་ཐ་
D44.035.0228b05.01བ་ང་རྒྱལ་ཡོངས་སྤངས་ཤིང་། །དེ་དག་བཟོད་མོས་རབ་ཏུ་དགའ་བར་འགྱུར། །སྡིག་སེམས་ལྡན་ལ་ཉེས་པ་བཟོད་བྱས་ཏེ། །བྱང་ཆུབ་དོན་དུ་འཁྲུག་པ་མ་བྱས་ཤིང་། །བཟོད་པའི་ཡོན་ཏན་རྟག་ཏུ་བརྗོད་བྱས་པས། །དེས་ནི་བཟོད་པས་རྣམ་བརྒྱན་དེ་གྲུབ་
D44.035.0228b06.01པོ། །འོད་ཟེར་བརྩོན་དང་ལྡན་པ་རབ་བཀྱེ་ཞིང་། །ལེ་ལོའི་སེམས་ཅན་ཇི་སྙེད་དེས་བསྐུལ་བ། །རིགས་པར་བརྩོན་ཞིང་དཀོན་མཆོག་གསུམ་རྣམས་ལ། །སྦྱོར་བ་སྐྱོ་མེད་མཆོད་པ་བྱེད་པར་འགྱུར། །རིགས་པར་བརྩོན་པར་དཀོན་མཆོག་གསུམ་རྣམས་ལ། །
D44.035.0228b07.01