完整藏文原文 · 德格版页 当前仅加载第 35 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བླངས་པ་གྲགས་པའི་ཕྱིར་མ་ཡིན་གྱི། བྱང་ཆུབ་སེམས་དཔའ་ནི་སེམས་འདི་ལྟར་སྐྱེ་སྟེ། བདག་ཅག་གིས་སེམས་ཅན་ལ་མི་དགེ་བ་ཐམས་ཅད་སྤང་བའི་ཕྱིར་ཆོས་བསྟན་པར་བྱའོ། །འདོད་ཆགས་སྤང་བ་དང་།
D44.035.0310a01.01ཞེ་སྡང་སྤང་བ་དང་། གཏི་མུག་སྤང་བ་དང་། ང་རྒྱལ་སྤང་བ་དང་། འཆབ་པ་སྤང་བ་དང་། ཕྲག་དོག་སྤང་བ་དང་། སེར་སྣ་སྤང་བ་དང་། གཡོ་དང་སྒྱུ་སྤང་བ་དང་། བཟོད་པ་དང་ངེས་པ་ལ་གཞག་པའི་ཕྱིར། བདག་ཅག་གིས་སེམས་ཅན་ཐམས་ཅད་
D44.035.0310a02.01ལ་ཆོས་བསྟན་པར་བྱའོ། །ཞེས་ཏེ་ཀྱེ་རྒྱལ་བའི་སྲས་དག་བྱང་ཆུབ་སེམས་དཔའ་ནི་དེ་ལྟ་བུར་བཟོད་ཅིང་ངེས་པ་དང་ལྡན་པ་ཡིན་པས། དེ་ལ་གལ་ཏེ་སྲོག་ཆགས་བརྒྱ་སྟོང་བྱེ་བ་གྲངས་མེད་པ་ཞིག་འོངས་ལ་སྲོག་ཆགས་དེ་དག་རེ་རེ་ཞིང་ཡང་ཁ་བྱེ་བ་ཁྲག་ཁྲིག་
D44.035.0310a03.01བརྒྱ་སྟོང་གྲངས་མེད་པར་སྤྲུལ་ཏེ། དྲུང་དུ་ཕྱིན་ལ་ཁ་རེ་རེ་ནས་ཀྱང་མི་སྙན་པར་བརྗོད་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པས་མི་སྙན་ཅིང་ཡིད་དུ་མི་འོང་བ་དང་། མི་འདོད་པ་དང་། མི་སྡུག་པ་དང་། མི་དགའ་བ་དང་། མི་ཚུལ་བ་དང་། འཕགས་པ་མ་
D44.035.0310a04.01ཡིན་པ་དང་། འཕགས་པ་མ་ཡིན་པས་བརྗོད་པ་དང་། འཕགས་པ་མ་ཡིན་པས་བསྙེན་པ་དང་། ཡོངས་སུ་སྤང་བར་བྱ་བ་ཤ་སྟག་དུ་བརྗོད་དེ་ལག་པ་རེ་རེ་ཞིང་ཡང་འཐབ་ཆ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ཐོགས་ཏེ། བྱང་ཆུབ་སེམས་
D44.035.0310a05.01དཔའི་ལུས་ལ་གནོད་པར་བྱས་ལ་ཉིན་གཅིག་ཏུ་ཇི་ལྟ་བ་དེ་བཞིན་དུ་བསྐལ་པ་གྲངས་མེད་པར་ཡང་མཚམས་མེད་ཅིང་ངལ་མི་ཤེས། སྐྱོ་མི་ཤེས། རྒྱུན་མི་འཆད། གཏོང་བ་མེད། སྡོད་པ་མེད། གཅུགས་སུ་མེད། དབུགས་འབྱིན་པ་མེད། ཕྱིར་
D44.035.0310a06.01སྲི་བ་མེད་པར་བརྟགས་ཀྱང་། ཀྱེ་རྒྱལ་བའི་སྲས་དག་དེ་ལྟ་བུའི་འཇིགས་པ་ཆེན་པོ་མི་ཟད་པ། མ་རུངས་པ། སྐྱི་གཡའ་བ། སྡུག་བསྔལ་བ་ཉམས་སུ་འབབ་པ། ཚ་བ་རྩུབ་པས་ཕོག་སྟེ། སྲོག་ལ་བབ་པར་འཆི་མ་ཁད་ཀྱང་དེ་ལ་བྱང་ཆུབ་སེམས་
D44.035.0310a07.01