完整藏文原文 · 德格版页 当前仅加载第 35 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
འབེབས། །བདེ་གཤེགས་དེ་ཡི་འཁོར་ན་དགར་གནས་ཤིང་། །དགའ་སྒྲ་དབྱངས་ཀྱི་རྣམ་ཐར་དེ་མཐོང་ངོ་། །སངས་རྒྱས་དབྱངས་ནི་མཁའ་དང་མཉམ་པ་སྟེ། །དབྱངས་ཀྱི་ཡན་ལག་ཡོན་ཏན་ཀུན་དང་ལྡན། །འཇིག་རྟེན་ཀུན་བཀང་སེམས་ཅན་རྣམ་པར་འདུལ་
D44.035.0051b01.01ཙན་དན་ཤིང་གི་འོད་ནི་དེ་ལ་ཉན། །སྤུ་རྩེ་ཀུན་ནས་རྒྱལ་བ་རྣམ་འཕྲུལ་དང་། །དུས་གསུམ་གཤེགས་པའི་རྒྱལ་བའི་མཚན་རྣམས་ཀྱི། །སྒྲ་བསྒྲོགས་ཐོས་ཤིང་དགའ་བ་སྐྱེར་འགྱུར་ཏེ། །དེ་ནི་རྡོ་རྗེ་འོད་ཀྱི་ལྷས་མཐོང་ངོ་། །དེ་བཞིན་གཤེགས་སྐུ་བསམ་གྱིས་
D44.035.0051b02.01མི་ཁྱབ་སྟེ། །གོམ་པ་གོམ་པར་ཡོན་ཏན་རྒྱ་མཚོ་སྟོན། །དེ་དག་སེམས་ཅན་ཇི་ལྟར་མོས་པས་མཐོང་། །རྡུལ་གྱི་འོད་ཀྱི་ལྷས་ནི་དེ་མཐོང་ངོ་། །འཇིག་རྟེན་མགོན་པོ་རྣམ་འཕྲུལ་རྣམ་མང་གིས། །ཕྱོགས་བཅུར་སེམས་ཅན་ཡང་དག་སྐུལ་བ་མཛད། །མེ་ཏོག་
D44.035.0051b03.01འཁོར་མང་རྐང་པས་འགྲོ་བའི་ལྷ། །མཐོང་ཞིང་དགའ་བ་ཡངས་པ་རབ་ཏུ་འཐོབ། །དེ་ལ་ལུས་ཀྱི་རིས་སུ་གཏོགས་པའི་ལྷ་ཁྲེལ་དང་དགེ་བས་རྒྱས་པའི་འོད་ཀྱི་རྣམ་པར་ཐར་པ་ནི། དེ་བཞིན་གཤེགས་པ་རྣམས་ཀྱི་སྔོན་གྱི་སྨོན་ལམ་རྗེས་སུ་དྲན་པས་རྣམ་པར་དཔྱོད་པ་
D44.035.0051b04.01ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་འོད་ཟེར་ཕྱོགས་སུ་སྣང་བའི་རྣམ་པར་ཐར་པ་ནི། འཇིག་རྟེན་གྱི་ཁམས་མུ་མེད་པར་སངས་རྒྱས་ཀྱི་འོད་རྣམ་པར་སྟོན་པའི་རྒྱན་ཅེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྒྲས་འདུལ་བ་རྒྱ་མཚོའི་དཔལ་གྱི་རྣམ་
D44.035.0051b05.01པར་ཐར་པ་ནི་སངས་རྒྱས་ཀྱི་གསུང་འདུལ་བའི་སེམས་ཅན་ཐམས་ཅད་ལ་བརྗོད་ཅིང་ཡང་དག་པར་སྐུལ་བས་དགའ་བ་འབྱུང་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་རྒྱན་བཟང་པོའི་མེ་ཏོག་གཙུག་ཕུད་ཀྱི་རྣམ་པར་ཐར་པ་ནི། དེ་བཞིན་གཤེགས་པའི་སྐུ་ནམ་མཁའི་
D44.035.0051b06.01མཚན་ཉིད་ཀྱི་བྱིན་གྱི་རླབས་ཀུན་ནས་རབ་ཏུ་གནས་པ་འབྱུང་བ་ཞེས་བྱའོ། །ལུས་ཀྱི་རིས་སུ་གཏོགས་པའི་ལྷ་སྤྱོད་ཡུལ་མཐའ་ཡས་དཔལ་གྱི་རྣམ་པར་ཐར་པ་ནི། སངས་རྒྱས་ཐམས་ཅད་ཀྱི་ཡུལ་འགྲོ་བ་རྣམས་ལ་ཡང་དག་པར་སྟོན་པའི་མཐུ་ཞེས་བྱའོ། །
D44.035.0051b07.01