完整藏文原文 · 德格版页 当前仅加载第 35 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན་འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་རིན་པོ་ཆེ་འབྱུང་བ་ཞེས་བྱ་བ་ཡོད་དེ་དེ་ན་དེ་བཞིན་གཤེགས་པ་རིན་པོ་
D44.035.0133b01.01ཆེའི་སྤྲིན་སེང་གེའི་སྟོབས་ཤེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན་འཇིག་རྟེན་གྱི་ཁམས་གོས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་
D44.035.0133b02.01བཞིན་གཤེགས་པ་ཡེ་ཤེས་རྒྱ་མཚོའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བདུན་གྱི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ་འཇིག་རྟེན་གྱི་ཁམས་རིན་པོ་ཆེའི་ཕྲེང་བ་སེང་གེ་རྣམ་པར་སྣང་བ་ཞེས་བྱ་བ་ཡོད་དེ།
D44.035.0133b03.01དེ་ན་དེ་བཞིན་གཤེགས་པ་པདྨོ་ཤིན་ཏུ་སྤྲུལ་པའི་རྒྱལ་མཚན་ཞེས་བྱ་བ་བཞུགས་སོ། །སྤོས་ཆུའི་རྒྱ་མཚོ་རྡོ་རྗེའི་འོད་ཟེར་འབར་བ་འོད་འཕྲོ་བའི་སྒྲོན་མ་ཞེས་བྱ་བ་དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྒྱན་རྣམ་པར་བྲེས་པ་ཐམས་ཅད་ཀྱིས་རྣམ་པར་ཀླུབས་པའི་རྒྱལ་མཚན་ཞེས་བྱ་བ་ཡོད་དེ། དེ་ལ་འཇིག་
D44.035.0133b04.01རྟེན་གྱི་ཁམས་ཀྱི་རྒྱུད་རྒྱན་དམ་པ་རྣམ་པར་དག་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེ་ཐམས་ཅད་ཀྱི་མེ་ཏོག་གིས་རྣམ་པར་སྣང་བའི་རྒྱ་མཚོ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མཚན་གྱི་རྒྱན་དང་། དཔལ་རབ་ཏུ་
D44.035.0133b05.01འབྱུང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་པདྨོའི་ཟེ་བ་མེ་ཏོག་ཤིན་ཏུ་རྒྱས་པའི་རྒྱན་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བྱང་ཆུབ་སེམས་དཔའི་རྒྱན་རིན་པོ་ཆེའི་ཅོད་པན་ཤིན་ཏུ་འབར་བ་ཞེས་བྱ་བ་རབ་ཏུ་གནས་སོ། །དེ་དང་
D44.035.0133b06.01འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་གོས་ཀྱིས་ཡུན་རིང་པོ་ནས་བཀབ་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་མུ་ཏིག་རྣམ་པར་དག་པ་རིན་པོ་ཆེའི་དཀྱིལ་འཁོར་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་མེ་ཏོག་བཟང་པོ་ཡིད་
D44.035.0133b07.01