完整藏文原文 · 德格版页 当前仅加载第 35 函德格 330a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་རྣམ་པར་དབྱེ་བའི་ཕ་རོལ་ཕྱིན་པའི་རྣམས། །མི་ཟད་ས་ལ་ཞུགས་པའི་དག །ཕམ་མེད་བློ་གྲོས་དེ་དག་སྤྱོད་འདིའོ། །ཡོན་ཏན་ཁྲག་ཁྲིག་ཚད་མེད་པ། །བྱང་ཆུབ་རབ་ལ་གཞོལ་ཞིང་སྤྱད་པ་སྤྱོད་པ་དག །ཡོན་
D44.035.0330a01.01ཏན་ཐམས་ཅད་མཐར་ཕྱིན་པ། །ལེགས་པ་མི་ཟད་དེ་དག་སྤྱོད་འདིའོ། །འཇིག་རྟེན་འདས་པ་སྨྲ་བའི་རྣམས། །སྨྲ་བའི་དམ་པ་སྨྲ་བའི་སེང་གེར་གྱུར་པ་དག །འགྲོ་བ་དག་བྱའི་མཐར་ཕྱིན་པ། །རྣམ་དག་སེམས་ལྡན་དེ་དག་སྤྱོད་འདིའོ། །སངས་
D44.035.0330a02.01རྒྱས་རྣམས་ཀྱི་དབང་བསྐུར་བས། །ཆོས་ཀྱི་དམ་པ་རབ་ལ་མངོན་པར་དབང་བསྐུར་ཞིང་། །ཆོས་ཀྱི་ཚུལ་གྱི་རྗེས་སུ་སོང་བ་རྣམས། །ཡིད་ཡངས་ལྡན་པ་དེ་དག་སྤྱོད་འདིའོ། །འགྲོ་བའི་སྲིད་པ་ཀུན་སྲུང་ཞིང་། །སེམས་ཅན་ཐམས་ཅད་རྣམ་
D44.035.0330a03.01པར་བསྒོམ་པའི་ཡིད་ལྡན་པ། །ཤིན་ཏུ་རྟོགས་པའི་མཛོད་འཆང་རྣམས། །ཆོས་ཀྱི་རི་བོ་དེ་དག་སྤྱོད་འདིའོ། །དབྱངས་ཀྱི་ཡན་ལག་གཅིག་གིས་ཀྱང་། །འཁོར་རྣམས་བརྗོད་དུ་མེད་པ་ཤེས་པར་བྱེད་པ་དག །དབྱངས་ཀྱི་ཚུལ་ལ་ཞུགས་
D44.035.0330a04.01པ་རྣམས། །ཆགས་མེད་མཐོང་བ་དེ་དག་སྤྱོད་འདིའོ། །གང་ཞིག་ཚིག་ལམ་རྗེས་སོང་ཞིང་། །ཡེ་ཤེས་ཤིན་དུ་འཕགས་པས་རྣམ་པར་མི་རྟོག་པ། །རྣམ་པར་རྟོག་མེད་སྤྱོད་ཡུལ་ཅན། །རང་བཞིན་མེད་མཐོང་དེ་དག་སྤྱོད་འདིའོ། །ཆོས་ཀྱི་
D44.035.0330a05.01རྒྱ་མཚོར་གནས་འཆའ་ཞིང་། །ཆོས་རྣམས་ཐམས་ཅད་རྒྱུ་ཡིས་རབ་ཏུ་འདེབས་བྱེད་པ། མཚན་ཉིད་མེད་པའི་ཚུལ་ལྡན་རྣམས། །དཔལ་གྱི་ཚུལ་ཅན་དེ་དག་སྤྱོད་འདིའོ། །བདེ་བར་གཤེགས་པའི་ཞིང་གཅིག་ཏུ། །བསམ་གྱིས་མི་
D44.035.0330a06.01ཁྱབ་པ་ཡི་དུས་རྣམས་ཆུད་བྱེད་ཅིང་། །བསྐལ་པ་གྲངས་མེད་འཛུད་བྱེད་པ། །སྐྱོ་མེད་བརྩོན་པ་དེ་དག་སྤྱོད་འདིའོ། །ཐ་དད་མཚན་ཅན་མི་ཡི་དབང་། །སྐྲ་ཡི་རྩེ་མོ་གཅིག་ལ་སངས་རྒྱས་བརྗོད་ཡས་པ། །གང་གིས་དེ་དག་མཐོང་གྱུར་
D44.035.0330a07.01