完整藏文原文 · 德格版页 当前仅加载第 35 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱི་རབ་རིབ་ཀྱིས་དྲི་མ་ཅན་དུ་གྱུར་པ། ཉོན་མོངས་པ་སྣ་ཚོགས་ཀྱི་ནད་ཀྱི་ཡན་ལག་གིས་བཏབ་པ། མྱ་ངམ་ཆེན་པོར་འཁྱམས་པ། ལྟ་བའི་མྱ་ངམ་གྱིས་བསྐོར་བའོ། །ཞེས་དེ་ལྟར་བྱང་ཆུབ་སེམས་དཔའ་
D44.035.0316a01.01སེམས་ཅན་གྱི་ཁམས་ལ་རྟོག་པའི་ཚེ། སེམས་འདི་ལྟར་སྐྱེ་སྟེ། དེ་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་ཏེ། ཡེ་ཤེས་ཀྱི་སྣང་བ་བླ་ན་མེད་པ་ལ་ཞུགས་ནས། སེམས་ཅན་འདི་དག་ནི་ཡོངས་སུ་མ་སྨིན་ཅིང་
D44.035.0316a02.01རྣམ་པར་མ་དུལ་བར་བོར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་ནི། དུས་མ་ཡིན་གྱི་བདག་གིས་ནི་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་སེམས་ཅན་རྣམས་བྱང་ཆུབ་སེམས་དཔའི་
D44.035.0316a03.01སྤྱོད་པ་ལ་ཡོངས་སུ་སྨིན་པར་བྱའོ། །དུས་དེ་ལྟ་བུས་སེམས་ཅན་བྱང་ཆུབ་ཏུ་ཡོངས་སུ་མ་སྨིན་པ་རྣམས་ཡོངས་སུ་སྨིན་པར་བྱའོ། །མ་དུལ་བ་རྣམས་གདུལ་བར་བྱའོ། །སྙམ་མོ། །ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་
D44.035.0316a04.01དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་དྲུག་པ་ལྟ་བ་བཟང་པོ་ཞེས་བྱ་བ་སྟེ། བྱང་ཆུབ་སེམས་དཔའ་རྣམས་སྤྱོད་པ་དེ་དག་ལ་གནས་པས། ལྷ་དང་བདུད་དང་། ཚངས་པར་བཅས་པའི་འཇིག་རྟེན་དང་།
D44.035.0316a05.01དགེ་སྦྱོང་དང་། བྲམ་ཟེའི་སྐྱེ་དགུར་བཅས་པ་དང་། ལྷ་དང་དྲི་ཟ་དང་མི་དང་མི་མ་ཡིན་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་བལྟ་ན་མཛེས་ཤིང་། བྱང་ཆུབ་སེམས་དཔའ་དེ་མཐོང་བས་ཀྱང་། སེམས་ཅན་རྣམས་བླ་ན་མེད་པ་ཡང་དག་པར་
D44.035.0316a06.01རྫོགས་པའི་བྱང་ཆུབ་ཏུ་དོན་ཡོད་པར་འགྱུར་རོ། །ཐོས་པ་དང་བསྙེན་བཀུར་བས་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དོན་ཡོད་པར་འགྱུར་རོ། །དམིགས་པ་གང་གིས་ཀྱང་རུང་སྟེ། བྱང་ཆུབ་སེམས་དཔའ་དེ་དང་འགྲོགས་
D44.035.0316a07.01