完整藏文原文 · 德格版页 当前仅加载第 35 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ཤིང་དང་ཟེ་བ་རྣམ་པ་སྣ་ཚོགས་སུ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རྡོ་རྗེ་སྣ་ཚོགས་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་
D44.035.0074b01.01གྱིས་བརླབ་པ་དང་། ནོར་བུའི་རྒྱལ་པོ་བྱང་ཆུབ་སེམས་དཔའི་སྤྱོད་པ་མཐའ་ཡས་པ་བརྗོད་ཅིང་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མུ་ཏིག་གི་སྒྲོན་མ་འོད་འཕྲོ་བའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་
D44.035.0074b02.01པ་དང་། དེ་དག་ལ་{སྩོགས་,སོགས་}པ་འོད་འཕྲོ་བའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་
D44.035.0074b03.01སྟེང་གི་ཕྱོགས་སུ་བརྟེན་ཏེ། སེང་གེའི་ཁྲི་སངས་རྒྱས་ཀྱི་གསུང་སྒྲོག་པའི་འོད་ཟེར་འབྱུང་བའི་པདྨོའི་སྙིང་པོ་ཅན་དག་མངོན་པར་སྤྲུལ་ནས་སྐྱིལ་མོ་ཀྲུང་བཅས་ཏེ་འཁོད་དོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་
D44.035.0074b04.01པ་ཆེན་པོའི་མདོ། བམ་པོ་དྲུག་པ། དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་རྒྱ་མཚོ་སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཤིན་ཏུ་ཕྲ་བ་རྙེད་ནས་ཀྱང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་བྱང་ཆུབ་སེམས་
D44.035.0074b05.01དཔའ་རེ་རེ་ཞིང་ཡང་བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་ཅིང་མདུན་དུ་བྱས་ཏེ། བྱང་ཆུབ་སེམས་དཔའ་རེ་རེ་ཞིང་ཡང་རྒྱན་རྣམ་པ་སྣ་ཚོགས་ཀྱི་མཆོད་པའི་སྤྲིན་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་
D44.035.0074b06.01སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་འོངས་པར་གྱུར་ཏེ། གང་ནས་འོངས་པའི་ཕྱོགས་སུ་བརྟེན་ཏེ། སེང་གེའི་ཁྲི་རིན་པོ་ཆེ་སྣ་ཚོགས་ཀྱི་སྙིང་པོ་ཅན་དག་མངོན་པར་སྤྲུལ་ཅིང་སྐྱིལ་མོ་ཀྲུང་བཅས་ཏེ་འཁོད་པར་གྱུར་ཏོ། །འཁོད་
D44.035.0074b07.01