完整藏文原文 · 德格版页 当前仅加载第 35 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུའང་ཆར་པ་སྣ་ཚོགས་སོ། །འཛམ་བུའི་གླིང་དུ་ཆུ་འདོང་རབ་གསལ་གྱི། །ཆར་རྣམས་སྣ་ཚོགས་ཤིན་ཏུ་ཕྲ་བར་འབེབས། །མེ་ཏོག་འབྲས་བུ་སྨན་དང་སྤོས་དང་ཤིང་། །ལོ་ལས་དེ་བཞིན་འཇིག་རྟེན་བདེ་འཕེལ་བྱེད། །དེ་ལྟར་སྤྲིན་རྣམས་བསམ་གྱིས་{མྱི་,མི་}ཁྱབ་དང་། །
D44.035.0237b01.01གློག་དང་འབྲུག་དང་ཆར་པ་རྣམས་བྱེད་ཀྱང་། །ཁྱིམ་ནས་མི་གཡོ་རྣམ་པར་རྟོག་པ་མེད། །ཀླུ་ཡི་འཕྲུལ་ཡང་དེ་ལྟར་བསམ་མི་ཁྱབ། །དེ་ལྟར་ཆུ་ཡི་རྒྱ་མཚོ་གནས་པ་ཡང་། །ཀླུ་ཡི་རྣམ་འཕྲུལ་བསམ་ཡས་སྟོན་བྱེད་ན། །ཆོས་ཀྱི་རྒྱ་མཚོར་ཞུགས་པའི་ཡོན་ཏན་བདག །
D44.035.0237b02.01མཐའ་ཡས་རྣམ་འཕྲུལ་མང་པོར་ཅིར་མི་སྟོན། །དཔེར་བྱ་དེ་དག་ཀུན་གྱིས་མགོ་སྨོས་ཙམ། །སྐྱེས་བུ་དེ་དག་བརྗོད་བྱས་ཡངས་པ་སྟེ། །དཔའ་བོ་དེ་དག་དཔེ་དང་རྣམ་པར་བྲལ། །དེ་དག་དེ་འདྲའི་རྣམ་ཐར་དབང་སྒྱུར་རོ། །མཐའ་ཡས་བློ་གྲོས་ཡངས་པའི་བློ་གྲོས་ཅན། །མ་ནོར་བློ་
D44.035.0237b03.01གྲོས་མཐའ་ཡས་བློ་གྲོས་ཅན། །ཡེ་ཤེས་མཆོག་དང་ཁྱད་པར་བློ་ལྡན་པའི། །རྣམ་ཐར་དམ་པ་དེ་འདྲའི་ཚུལ་དུ་བཤད། །གང་གིས་རྣམ་ཐར་འདི་དག་ཐོས་གྱུར་ནས། །ཡིད་ཆེས་འཛིན་ཅིང་འཇིག་རྟེན་སྒྲོག་པ་ནི། །ངོ་མཚར་རྨད་ཀྱི་ཆོས་དང་དེ་ལྡན་ཏེ། །མི་ཡུལ་ཀུན་ན་དེ་ནི་དགའ་བ་
D44.035.0237b04.01བྱེད། །འདི་འདྲའི་ཆོས་ལ་ཡིད་ཆེས་དད་བྱེད་པ། །སོ་སོའི་སྐྱེ་བོའི་ཚོགས་ནའང་ཤིན་ཏུ་དཀོན། །དགེ་བསྩགས་བསོད་ནམས་བྱས་པ་དེ་དག་ནི། །རྒྱུ་ཡི་སྟོབས་ཀྱིས་འདི་ལ་ཡིད་ཆེས་འགྱུར། །གང་རྣམས་ཉན་ཐོས་ཐེག་ལའང་ཡིད་ཆེས་པའི། །མི་རྣམས་འཇིག་རྟེན་ཀུན་ན་དཀོན་པ་སྟེ། །
D44.035.0237b05.01དེ་བས་རང་རྒྱལ་ཐེག་ལ་དད་པ་དཀོན། །ཐེག་ཆེན་དད་བྱེད་དེ་བས་ཤིན་ཏུ་དཀོན། །ཐེག་ཆེན་འདི་ལ་ཞུགས་པ་མེད་པ་སྟེ། །འདི་འདྲའི་ཆོས་ལ་དད་པ་ཤིན་ཏུ་དཀོན། །འཛིན་ཅིང་སྤེལ་བྱེད་སྨོས་ཀྱང་ཅི་དགོས་ཏེ། །ཡང་དག་མ་ནོར་འཇུག་པ་སྨོས་ཅི་དགོས། །ལ་ལ་སྟོང་གསུམ་
D44.035.0237b06.01རི་དང་རྒྱ་མཚོར་བཅས། །བསྐལ་པར་འཛིན་ཅིང་མགོ་ལ་ཁྱེར་བྱེད་ནའང་། །འདི་འདྲའི་ཆོས་ལ་དད་པར་བྱེད་པ་ལས། །དེ་འདྲ་དཀའ་བར་རྩི་བ་མ་ཡིན་ནོ། །ལ་ལས་སྟོང་གསུམ་རྡུལ་སྙེད་སེམས་ཅན་རྣམས། །བདེ་བ་ཀུན་གྱིས་བསྐལ་པར་བསྙེན་བཀུར་ནའང་། །
D44.035.0237b07.01