完整藏文原文 · 德格版页 当前仅加载第 35 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དུ་འབྱུང་ཞིང་འཁྱིལ་བའི་རྒྱན་ཅེས་བྱ་བའི་འོད་ཟེར་དང་། འདི་ལྟ་སྟེ་རིན་པོ་ཆེ་རྡོ་རྗེ་དྲི་མ་མེད་པ་མང་པོའི་རྒྱལ་མཚན་ཞེས་བྱ་བའི་འོད་ཟེར་དང་། འདི་ལྟ་སྟེ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བའི་རྒྱན་ཅེས་བྱ་བའི་འོད་ཟེར་དང་།
D44.035.0067a01.01འདི་ལྟ་སྟེ་སངས་རྒྱས་ཐམས་ཅད་ཀྱི་མཚན་གྱི་འཁོར་ལོའི་སྒྲ་རབ་ཏུ་སྒྲོག་པ་ཞེས་བྱ་བའི་འོད་ཟེར་དང་། དེ་དག་ལ་{སྩོགས་,སོགས་}པ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འོད་ཟེར་རབ་ཏུ་བཀྱེ་སྟེ། འོད་ཟེར་དེ་དག་རེ་རེ་ཞིང་འཁོར་གྱི་འོད་ཟེར་སངས་རྒྱས་ཀྱི་ཞིང་གི་རྡུལ་ཤིན་ཏུ་
D44.035.0067a02.01ཕྲ་བ་སྙེད་དོ། །འོད་ཟེར་དེ་དག་རེ་རེ་ཞིང་ཡང་རིན་པོ་ཆེ་ཐམས་ཅད་ཀྱི་ཁ་དོག་ཤིན་ཏུ་སྟོན་པ་དག་སྟེ། དེ་དག་རབ་ཏུ་འཕྲོས་ནས་ཕྱོགས་བཅུར་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་རབ་ཏུ་སྣང་བར་བྱས་ཏེ། བྱང་ཆུབ་སེམས་དཔའ་
D44.035.0067a03.01དེ་དག་གིས་ཀྱང་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ནས། འོད་ཟེར་གྱི་སྒོ་དེ་དག་ཐམས་ཅད་ཀྱི་མཐུས་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་འཇིག་རྟེན་གྱི་ཁམས་རྒྱ་མཚོ་དང་། བྱང་ཆུབ་སེམས་དཔའི་འཁོར་
D44.035.0067a04.01གྱི་དཀྱིལ་འཁོར་ཐམས་ཅད་མཐོང་བར་གྱུར་ཏོ། །འོད་ཟེར་དེ་དག་ཐམས་ཅད་ཀྱི་སྒོ་ནས་ཀྱང་སངས་རྒྱས་ཀྱི་བྱིན་གྱི་རླབས་ཀྱིས་ཚིགས་སུ་བཅད་པ་འདི་དག་བྱུང་བར་གྱུར་ཏོ། །བསྐལ་པ་རྒྱ་མཚོ་མཐའ་ཡས་སྤྱོད་སྤྱད་དེ། །ཕྱོགས་རྣམས་རྒྱ་མཚོར་སངས་རྒྱས་
D44.035.0067a05.01ཀུན་ཀྱང་མཆོད། །སེམས་ཅན་རྒྱ་མཚོ་རྣམ་པར་དག་བྱས་ནས། །རྣམ་པར་སྣང་མཛད་བྱང་ཆུབ་མངོན་སངས་རྒྱས། །ཕྱོགས་རྣམས་ཀུན་ཏུ་སྣང་ཞིང་མངོན་པར་མཛེས། །སྤུ་རྣམས་ཀུན་ནས་སྤྲུལ་པའི་སྤྲིན་ཀྱང་འགྱེད། །དེས་ནི་སེམས་ཅན་སྣོད་བཞིན་
D44.035.0067a06.01བསྐུལ་བྱས་ནས། །བྱང་ཆུབ་སྦྱོར་བ་ཆགས་མེད་རྣམ་པར་དག །སྲིད་པའི་རྒྱུད་ན་སྔན་ཅད་འཁོར་བའི་ཚེ། །རྒྱལ་བས་སེམས་ཅན་ཡོངས་སུ་སྨིན་མཛད་པ། །དེ་དག་སྐད་ཅིག་གཅིག་གིས་རབ་ཏུ་བགྲོལ། །སངས་རྒྱས་རྣམ་འཕྲུལ་འདི་དག་མཐའ་ཡས་
D44.035.0067a07.01