完整藏文原文 · 德格版页 当前仅加载第 35 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པར་མི་རུང་ངོ་། །ཤར་ཕྱོགས་སུ་ཇི་ལྟ་བ་དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། བྱང་ཤར་གྱི་ཕྱོགས་མཚམས་དང་། ཤར་ལྷོའི་ཕྱོགས་མཚམས་དང་། ལྷོ་ནུབ་ཀྱི་ཕྱོགས་མཚམས་དང་། ནུབ་བྱང་གི་ཕྱོགས་
D44.035.0263b01.01མཚམས་དང་། འོག་དང་སྟེང་གི་ཕྱོགས་རྣམས་བཅུ་པོ་ཐམས་ཅད་དུ་ཡང་དེ་བཞིན་དུ་རྒྱ་ཆེ་བས་ཏེ། སྐྱེས་བུ་དེ་དག་གིས་ཕྱོགས་བཅུར་ཇི་སྙེད་དུ་འདས་པ་དེ་དག་སྐྱེས་བུ་རེ་རེ་ཕྱོགས་བཅུར་རྣམ་པར་དགོད་པས་སེམས་བསྐྱེད་པ་གཅིག་གིས་བསྐལ་པ་
D44.035.0263b02.01གྲངས་མེད་པ་འདའ་བ་འདིའི་ཚུལ་དུ་བསྐལ་པ་གྲངས་མེད་པར་འདས་པ་དེ་དག །སྐྱེས་བུ་བརྒྱ་དག་གིས་འཇིག་རྟེན་གྱི་ཁམས་ཡོངས་སུ་དགོད་པའི་ཚུལ་དུ་ཕྱོགས་བཅུར་འཇིག་རྟེན་གྱི་ཁམས་གཅིག་ནས་གཅིག་ཏུ་བརྒྱུད་པ་ནི་མཐར་རྙེད་པར་རུང་ཡང་སྲིད་
D44.035.0263b03.01ཀྱི། བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་དང་པོ་བསྐྱེད་པའི་དགེ་བའི་རྩ་བ་ནི་མཐའ་མེད་དོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ཀྱི་སེམས་སྐྱེ་བ་ནི་འཇིག་རྟེན་གྱི་ཁམས་གཅིག་ཏུ་འགྲོ་
D44.035.0263b04.01བའམ། གྲངས་ཡོངས་སུ་ཤེས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེ་བ་མ་ཡིན་གྱིས། འདི་ལྟར་ཕྱོགས་བཅུ་ཚད་མེད་པར་ཡོངས་སུ་ཤེས་ནས་བྱང་ཆུབ་སེམས་དཔའ་རྣམས་ཀྱི་སེམས་སྐྱེ་སྟེ། འདི་ལྟར་འཇིག་རྟེན་གྱི་ཁམས་ཕྲ་བ་
D44.035.0263b05.01ཡངས་པར་ཡོངས་སུ་ཤེས་པ་དང་། འཇིག་རྟེན་གྱི་ཁམས་ཡངས་པ་ཕྲ་བར་ཡོངས་སུ་ཤེས་པ་དང་། འཇིག་རྟེན་གྱི་ཁམས་སྣྲེལ་ཞི་འཇིག་རྟེན་གྱི་ཁམས་སྤྱི་བོ་ཚུགས་སུ་རྒྱུ་བར་ཡོངས་སུ་ཤེས་པ་དང་། འཇིག་རྟེན་གྱི་ཁམས་སྤྱིའུ་ཚུགས་
D44.035.0263b06.01སུ་རྒྱུ་བ། འཇིག་རྟེན་གྱི་ཁམས་སྣྲེལ་ཞིར་ཡོངས་སུ་ཤེས་པ་དང་། འཇིག་རྟེན་གྱི་ཁམས་ཆུང་ངུ་འཇིག་རྟེན་གྱི་ཁམས་ཆེན་པོར་ཡོངས་སུ་ཤེས་པ་དང་། འཇིག་རྟེན་གྱི་ཁམས་ཆེན་པོ་འཇིག་རྟེན་གྱི་ཁམས་ཆུང་ངུར་ཡོངས་སུ་ཤེས་པ་དང་།
D44.035.0263b07.01