完整藏文原文 · 德格版页 当前仅加载第 35 函德格 325b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཡང་རབ་ཏུ་འཇུག་གོ །ཁམས་ཐ་དད་པ་དང་། ཁམས་དུ་མ་ལ་ཡང་རབ་ཏུ་འཇུག་གོ །མོས་པ་ཐ་དད་པ་དང་། མོས་པ་དུ་མ་ལ་ཡང་རབ་ཏུ་འཇུག་གོ །ཐམས་ཅད་དུ་འགྲོ་བའི་ལམ་གྱི་ཡེ་ཤེས་ལ་ཡང་རབ་ཏུ་འཇུག་གོ །བསམ་
D44.035.0325b01.01གཏན་དང་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་རྣམ་པར་དགོད་པ། སེམས་ཅན་རྣམས་ཀྱི་དུས་དང་དུས་མ་ཡིན་པའང་རབ་ཏུ་ཤེས་སོ། །འཇིག་རྟེན་
D44.035.0325b02.01གྱི་ཁམས་འབྱམ་ཀླས་པ་ཐམས་ཅད་སྔོན་གྱི་གནས་རྗེས་སུ་དྲན་པའི་ཤེས་པ་ལ་འང་རབ་ཏུ་འཇུག་གོ །ལྷའི་མིག་ཆགས་པ་མེད་པར་ཡང་མངོན་པར་སྒྲུབ་པོ། །ཟག་པ་ཟད་པར་ཤེས་པའང་རབ་ཏུ་ཤེས་ཏེ། བྱང་ཆུབ་སེམས་དཔའི་
D44.035.0325b03.01སྤྱོད་པ་ཉེ་བར་གཟུང་བ་འང་རྒྱུན་མི་གཅོད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་འགྲོ་བ་ཐམས་ཅད་རྣམ་པར་དག་པར་བྱ་བ་དང་། གདུལ་བའི་ཕྱིར་ཞུགས་པ་ཡིན་ཏེ། དེའི་ཕྱིར་ཞིང་སེམས་འདི་སྙམ་དུ་སྐྱེའོ། །འདི་ལྟར་
D44.035.0325b04.01འཇིག་རྟེན་ན་གནས་པ་ཡོངས་སུ་མ་གྲོལ་བར་བདག་རྣམ་པར་གྲོལ་བའི་ཚུལ་རབ་ཏུ་ཤེས་པར་བྱ་བ་དང་། སེམས་ཅན་ཐམས་ཅད་ཡོངས་སུ་མ་བཀྲོལ་ཅིང་སྨོན་ལམ་རྗེས་སུ་མ་བསྲུངས་པར་བླ་ན་མེད་པ་ཡང་དག་པར་རྫོགས་པའི་བྱང་
D44.035.0325b05.01ཆུབ་ཏུ་མངོན་པར་འཚང་རྒྱ་བར་བྱ་བ་འདི་ནི་བདག་ལ་མི་ཆ་ལ། དེ་བས་ན་ཅི་ནས་ཀྱང་སེམས་ཅན་འདི་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མཐས་གཏུགས་པར་འགྱུར་བ་དང་། གང་འདི་ཕུང་པོ་ལྷག་མ་མ་ལུས་
D44.035.0325b06.01པའི་མྱ་ངན་ལས་འདས་པའི་དབྱིངས་ཀྱི་མཐར་ཐུག་པར་གཞོལ་བར་འགྱུར་བ་དེ་ལྟར་བྱའོ། །དེ་ཅིའི་ཕྱིར་ཞེ་ན། བདག་ཅག་ནི་སེམས་ཅན་ཐམས་ཅད་ཀྱིས་གསོལ་བ་མ་བཏབ་པའི་དགེ་བའི་བཤེས་གཉེན་ཏེ། སེམས་ཅན་
D44.035.0325b07.01