完整藏文原文 · 德格版页 当前仅加载第 35 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དུ་ཡང་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་
D44.035.0202b01.01དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་ཅེས་བྱ་བ་ནས་འདྲ་བའི་མདོག་ཅེས་བྱ་བའི་བར་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པ་
D44.035.0202b02.01མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱོད་པ་སྤྱད་པ་དག་སྟེ། འདི་ལྟར་རིག་བྱེད་མི་གཡོ་བ་ཞེས་བྱ་བ་ནས། རིག་བྱེད་སྣ་ཚོགས་ཤེས་བྱ་བའི་བར་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་
D44.035.0202b03.01བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པ་དག་སྟེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། གཅིག་ན་ཇི་
D44.035.0202b04.01ལྟ་བ་དེ་བཞིན་ཐམས་ཅད་ན་ཡང་བརྗོད་དོ། །དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །བསྐལ་པ་གཞལ་ཡས་བསམ་གྱིས་མི་ཁྱབ་སེམས་ཀྱི་སྐད་ཅིག་ལ། གང་གིས་མཐོང་ཡང་བསྩགས་མེད་འགྲོ་དང་དངོས་པོའི་ཚུལ་མེད་པའི། །ལམ་
D44.035.0202b05.01དུ་འཇུག་པ་དེ་ནི་ཐམས་ཅད་ཀུན་གྱིས་ཤེས་འགྱུར་ཏེ། །སྟོབས་བཅུས་ཚུལ་འདི་ཇི་ལྟར་མཁྱེན་བཞིན་འཇིགས་མེད་སངས་རྒྱས་འགྱུར། །གྲགས་པ་སྙན་པར་ཕྱོགས་རྣམས་ཀུན་ཏུ་མཚུངས་མེད་གྲགས་གྱུར་ཅིང་། །བགེགས་རྣམས་ཀུན་ལས་འདས་ཏེ་ཆོས་ཉིད་
D44.035.0202b06.01འདི་ལ་དགར་སྤྱད་དེ། །ཚད་མེད་ཐམས་ཅད་སོ་སོར་ཞི་ཞིང་དོན་རྣམས་ཀུན་རྟོགས་པས། །དེ་ཕྱིར་ཕྱོགས་རྣམས་ཀུན་བཀང་བདེ་གཤེགས་ཆོས་ཉིད་འདི་སྟོན་ཏོ། །དགོངས་པ་ཇི་བཞིན་དེ་ནི་སྤྱོད་པའི་འབྲས་བུ་འཐུན་པ་སྟེ། །འཇིག་རྟེན་དོན་འགྱུར་དེ་བཞིན་གཤེགས་
D44.035.0202b07.01