完整藏文原文 · 德格版页 当前仅加载第 35 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
སྨོན་ལམ་རྒྱ་མཚོ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ཡོངས་སུ་དག་པར་བྱས་སོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་དེ་ནི་རླུང་གི་དཀྱིལ་འཁོར་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་ཀྱིས་ཤིན་ཏུ་
D44.035.0102b01.01བཟུང་བ་སྟེ། དེ་ལ་རླུང་གི་དཀྱིལ་འཁོར་ཐམས་ཅད་ཀྱི་འོག་མ་ནི་གཞི་ཀུན་ནས་རྟོན་པ་ཞེས་བྱ་སྟེ། རིན་པོ་ཆེ་ཐམས་ཅད་ཀྱི་འོད་འཕྲོ་བ་འབར་བས་བརྒྱན་པའི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་རིན་པོ་ཆེ་སྣ་ཚོགས་ཀྱི་རྒྱན་འབྱུང་བ་ཞེས་བྱ་བ་ཡོད་དེ།
D44.035.0102b02.01ནོར་བུའི་རྒྱལ་པོ་འོད་རྣམ་པར་དག་པའི་རྒྱལ་མཚན་གྱི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་རིན་པོ་ཆེའི་མཐུ་ཞེས་བྱ་བ་ཡོད་དེ། རིན་པོ་ཆེ་ཐམས་ཅད་ཀྱི་དྲིལ་བུའི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་འོད་འཕྲོ་བ་མཉམ་པར་སྟོན་པ་ཞེས་བྱ་བ་
D44.035.0102b03.01ཡོད་དེ། ནོར་བུའི་རྒྱལ་པོ་ཉི་མ་སྣང་བའི་རྒྱལ་མཚན་གྱི་འཁོར་ལོའི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་རྒྱན་ཀུན་ནས་རྣམ་པར་བྲེས་པ་ཞེས་བྱ་བ་ཡོད་དེ། འོད་ཟེར་གྱི་འོད་ཀྱི་དཀྱིལ་འཁོར་གྱི་མེ་ཏོག་གི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་
D44.035.0102b04.01འཁོར་གཞི་ཀུན་ནས་དྲི་མ་མེད་ཅིང་ཡོངས་སུ་དག་པ་ཞེས་བྱ་བ་ཡོད་དེ། མེ་ཏོག་ཐམས་ཅད་འོད་འཕྲོ་བའི་སེང་གེའི་ཁྲིའི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་ཕྱོགས་སུ་སྒྲ་སྒྲོག་ཅིང་ཀུན་ཏུ་རྒྱུ་བ་ཞེས་བྱ་བ་ཡོད་དེ། མུ་ཏིག་དང་མན་ཤེལ་གྱི་རྒྱལ་
D44.035.0102b05.01མཚན་སྣ་ཚོགས་ཀྱི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་རིན་པོ་ཆེ་ཐམས་ཅད་འཛིན་པ་ཞེས་བྱ་བ་ཡོད་དེ། ནོར་བུའི་རྒྱལ་པོའི་ཤིང་དང་མེ་ཏོག་སྣ་ཚོགས་ཀྱི་གློང་གི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་ཀུན་ནས་འཛིན་པའི་ཤུགས་
D44.035.0102b06.01ཤེས་བྱ་བ་ཡོད་དེ། སྤོས་ཀྱི་ནོར་བུ་ཐམས་ཅད་ཀྱི་རི་རབ་ཀྱི་སྤྲིན་གྱི་གཞིས་རྟོན་ཏོ། །དེའི་སྟེང་ན་རླུང་གི་དཀྱིལ་འཁོར་གྱི་ཁྱིམ་ཀུན་ཏུ་རྒྱུ་བ་ཞེས་བྱ་བ་ཡོད་དེ། རིན་པོ་ཆེ་ཐམས་ཅད་ཀྱི་ཁ་དོག་དང་སྤོས་ཀྱི་ཁང་པ་བརྩེགས་པའི་སྤྲིན་གྱི་གཞིས་རྟོན་ཏོ། །ཀྱེ་རྒྱལ་
D44.035.0102b07.01