完整藏文原文 · 德格版页 当前仅加载第 35 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོའི་ཞིང་ཡང་ཤིན་ཏུ་སྦྱངས། །སྙན་དང་ཤངས་མང་རྒྱ་མཚོ་དང་། །ཕྱག་ཞབས་དབུ་ཡང་དེ་བཞིན་ཏེ། །རྒྱལ་སྲིད་བཙུན་མོའི་འཁོར་བཏང་ཞིང་། །ཞིང་གི་རྒྱ་མཚོ་ཡོངས་སུ་སྦྱངས། །ཞིང་རྣམས་སོ་སོ་རེ་རེ་
D44.035.0152a01.01ལ། །བསྐལ་པ་བྱེ་བ་བསམ་ཡས་སུ། །བྱང་ཆུབ་སྤྱོད་པ་རབ་སྤྱོད་དེ། །ཞིང་གི་རྒྱ་མཚོ་རབ་ཏུ་སྦྱངས། །ཀུན་ཏུ་བཟང་པོའི་སྨོན་ལམ་གྱིས། །སྤྱོད་པ་རྒྱ་མཚོ་ཀུན་སྤྱད་ནས། །སངས་རྒྱས་རྒྱ་མཚོ་ཀུན་དྲུང་དུ། །ཞིང་གི་རྒྱ་མཚོ་རབ་ཏུ་
D44.035.0152a02.01སྦྱངས། །ཇི་ལྟར་ཉི་མའི་འོད་སྣང་བས། །ཉི་མའི་དཀྱིལ་འཁོར་མཐོང་བ་བཞིན། །སངས་རྒྱས་ཡེ་ཤེས་འོད་སྣང་བས། །སྔོན་གྱི་སྤྱོད་པ་རྣམས་ཀྱང་མཐོང་། །བྱང་ཆུབ་འཚང་རྒྱ་ཞི་བ་ཡིན། །ཆོས་ཀྱི་དབྱིངས་ནི་ཀུན་གང་བའི། །ཞིང་གི་
D44.035.0152a03.01རྒྱ་མཚོ་དག་པའི་རྣམས། །དྲི་མེད་འོད་ཅན་ཀུན་ཀྱང་མཐོང་། །སངས་རྒྱས་ཀུན་གྱི་བྱིན་རླབས་ཀྱིས། །བྱང་ཆུབ་སྤྱད་པ་སྤྱོད་པའི་ཚེ། །ཞིང་གི་རྒྱ་མཚོ་ཡངས་པའི་རྣམས། །དེ་ལྟར་བདག་གིས་སྦྱང་བར་བྱ། །ཀྱེ་རྒྱལ་བའི་སྲས་དག་དེའི་ཚེ་
D44.035.0152a04.01བྱང་ཆུབ་སེམས་དཔའ་གཟི་བརྗིད་ཆེན་པོས། བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཐམས་ཅད་ཀྱི་རི་བོ་རི་རབ་དཔལ་གྱི་སྤྲིན་དེ་མཐོང་བ་དང་། བསྙེན་བཀུར་བ་དང་། མཆོད་པས་དེ་བཞིན་གཤེགས་པ་ལས་མངོན་པར་ཁོང་དུ་ཆུད་དེ། འཇིག་
D44.035.0152a05.01རྟེན་ཐམས་ཅད་ནི་སྣང་བར་བྱེད། སྔོན་གྱི་སྦྱོར་བ་རྒྱ་མཚོ་ནི་རབ་ཏུ་བརྗོད། བྱང་ཆུབ་སེམས་དཔའི་སྤྱོད་པ་རྒྱ་མཚོའི་ཚུལ་ནི་རབ་ཏུ་སྒྲོག །སངས་རྒྱས་ཐམས་ཅད་ཀྱི་ཡོན་ཏན་རྒྱ་མཚོའི་ཚུལ་ནི་ཤིན་ཏུ་བརྗོད། །ཆོས་ཀྱི་དབྱིངས་ཐམས་ཅད་ལ་ཡང་
D44.035.0152a06.01དག་པར་གཞོལ་བའི་ཡེ་ཤེས་ཀྱི་སྒོ་ཡོངས་སུ་སྦྱང་བ་ནི་ཤིན་ཏུ་སྟོན། སྙིང་པོ་བྱང་ཆུབ་ཐམས་ཅད་ལ་མངོན་པར་འཚང་རྒྱ་བའི་རྣམ་པར་འཕྲུལ་པ་ནི་རབ་ཏུ་བརྗོད། སངས་རྒྱས་ཀྱི་སྟོབས་དང་མི་བསྙེངས་པ་དང་། ཡེ་ཤེས་ཐ་མི་དད་པ་ནི་ཤིན་ཏུ་
D44.035.0152a07.01