完整藏文原文 · 德格版页 当前仅加载第 35 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་སྤྱོད་པ་ཐམས་ཅད་རྣམ་སྤངས་ཏེ། །ཡོན་ཏན་ཀུན་ལ་རྣལ་འབྱོར་ཉམས་སུ་ལེན། །འདུས་བྱས་རྟག་ཏུ་བདེ་བ་མེད་པ་སྟེ། །སྡུག་བསྔལ་འཚེ་བ་མང་པོས་ཡོངས་སུ་གང་། །འགོག་པ་རྟག་ཏུ་བདེ་ཞིང་ཞི་དགའ་ཞེས། །
D44.035.0230a01.01བརྗོད་པས་འཆི་མེད་སྦྱིན་པ་དེ་ཐོབ་བོ། །འོད་ཟེར་ཁྱད་པར་ལྡན་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །ཚུལ་ཁྲིམས་ཁྱད་པར་ཏིང་འཛིན་ཁྱད་པར་དང་། །ཤེས་རབ་ཁྱད་པར་རྒྱལ་བ་རྣམས་ལས་ཉན། །ཚུལ་ཁྲིམས་འཕགས་པ་ཏིང་
D44.035.0230a02.01འཛིན་འཕགས་པ་སྟེ། །ཤེས་རབ་འཕགས་པ་ཐུབ་པའི་རྒྱལ་མཚན་ཞེས། །བྱང་ཆུབ་དོན་དུ་བསྔགས་ཤིང་བསྟོད་བྱས་པས། །དེས་ནི་འོད་ཟེར་ཁྱད་པར་ལྡན་པ་ཐོབ། །འོད་ཟེར་རིན་ཆེན་རྣམ་བརྒྱན་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །
D44.035.0230a03.01རིན་ཆེན་གཏེར་མང་མི་ཟད་ཐོབ་གྱུར་ཏེ། །དྲང་སྲོང་ཆེ་ལ་རིན་ཆེན་དམ་པས་མཆོད། །རྒྱལ་བ་རྣམས་དང་རྒྱལ་བའི་མཆོད་རྟེན་ལ། །རིན་ཆེན་ཕུལ་ཞིང་འགྲོ་བ་ཉོན་མོངས་ལ། །རིན་ཆེན་བསྡུད་དེ་རིན་ཆེན་སྦྱིན་བཏང་བས། །རིན་ཆེན་རྣམ་པར་བརྒྱན་པའི་འོད་ཟེར་གྲུབ། །
D44.035.0230a04.01འོད་ཟེར་སྤོས་མཆོག་སྣང་བ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །མི་ལ་མེད་པའི་སྤོས་དྲི་ཚོར་གྱུར་ནས། །སངས་རྒྱས་ཡོན་ཏན་རྣམས་ལ་ངེས་པར་འགྱུར། །མི་དང་ལྷ་ཡི་སྤོས་དང་བྱུག་པ་ཡིས། །མི་ཡི་གཙོ་ལ་མཆོད་པ་རབ་བྱས་ཏེ། །
D44.035.0230a05.01སྤོས་ཀྱིས་རྒྱལ་བའི་སྐུ་གཟུགས་མཆོད་རྟེན་དག །བྱས་པས་འོད་ཟེར་སྤོས་མཆོག་སྣང་བ་གྲུབ། །འོད་ཟེར་སྣ་ཚོགས་རྣམ་བརྒྱན་རབ་བཀྱེ་ཞིང་། །གདུགས་དང་རྒྱལ་མཚན་བ་དན་སྣ་ཚོགས་མཆོག །རོལ་མོ་སྒྲ་སྙན་སྤོས་དང་བདུག་སྤོས་ཀྱིས། །ཕོ་བྲང་དམ་པ་
D44.035.0230a06.01ཡོངས་བརྒྱན་མེ་ཏོག་འགེངས། །སྔོན་ཆད་རྒྱལ་བ་རོལ་མོས་བསྩུ་བྱས་ཏེ། །མེ་ཏོག་བྱུག་པ་བདུག་སྤོས་ཕྱེ་མ་དང་། །གདུགས་དང་རྒྱལ་མཚན་བ་དན་མཆོག་དག་གིས། །མཆོད་པ་བྱས་པས་སྣ་ཚོགས་རྒྱན་གྲུབ་བོ། །འོད་ཟེར་ཤིན་ཏུ་དང་བྱེད་རབ་བཀྱེ་ཞིང་། །
D44.035.0230a07.01