完整藏文原文 · 德格版页 当前仅加载第 35 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་རྣམ་མང་དུ་མ་བྱེད་པར་སྣང་། །ཕྱོགས་བཅུའི་ཞིང་དུ་འཇུག་པ་དེ་འདྲ་སྟེ། །ཕྱོགས་རྣམས་ཀུན་ཏུ་མ་ལུས་དཔའ་བོ་རྣམས། །ལ་ལ་མཉམ་བཞག་ལ་ལ་རྣམ་པར་ལོངས། །འཇིག་རྟེན་སྒྲོན་མ་ཀུན་ལ་མཆོད་བྱེད་སྣང་། །དེ་དག་མིག་གི་ལམ་ལ་མཉམ་བཞག་ཅིང་། །
D44.035.0232b01.01བདག་ཉིད་ཆེ་བ་གཟུགས་ཀྱི་ལམ་ལས་ལྡང་། །འཇིག་རྟེན་ལྷར་བཅས་མོས་པར་འགྱུར་བ་ཡི། །བསམ་གྱིས་མི་ཁྱབ་གཟུགས་ཀྱང་སྟོན་པར་བྱེད། །གཟུགས་ཀྱི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པ་མིག་གི་ལམ་ལས་ལྡང་། །མིག་ནི་མ་སྐྱེས་མ་བྱུང་རང་བཞིན་
D44.035.0232b02.01ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་རྣ་བའི་ལམ་ལ་མཉམ་བཞག་ཅིང་། །བདག་ཉིད་ཆེ་བ་སྒྲ་ཡི་ལམ་ལས་ལྡང་། །སྒྲ་དབྱངས་ཐམས་ཅད་སྒྲ་བརྙན་བཞིན་དུ་ཤེས། །འཇིག་རྟེན་ལྷར་བཅས་དེ་ལ་མོས་པར་འགྱུར། །སྒྲ་ཡི་ལམ་ལ་མཉམ་པར་བཞག་བྱས་ཤིང་། །དྲན་དང་
D44.035.0232b03.01ལྡན་པ་རྣ་བའི་ལམ་ལས་ལྡང་། །རྣ་བ་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་སྣ་ཡི་ལམ་ལ་མཉམ་བཞག་ཅིང་། །བདག་ཉིད་ཆེ་བ་དྲི་ཡི་ལམ་ལས་ལྡང་། །དྲི་རབ་མཆོག་ལ་འཇུག་པར་རབ་ཏུ་ཞུགས། །འཇིག་རྟེན་ལྷར་བཅས་དེ་ལ་མོས་པར་
D44.035.0232b04.01འགྱུར། །དྲི་ཡི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པ་སྣ་ཡི་ལམ་ལས་ལྡང་། །སྣ་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་ལྕེ་ཡི་ལམ་ལ་མཉམ་བཞག་ཅིང་། །བྲོ་མཆོག་ཀུན་གྱི་ལམ་ལས་ལྡང་བར་བྱེད། །བདག་
D44.035.0232b05.01ཉིད་ཆེ་བ་དེ་དག་བློ་མཆོག་ཤེས། །འཇིག་རྟེན་ལྷར་བཅས་དེ་ལ་མོས་པར་འགྱུར། །བྲོ་བའི་མཆོག་ལ་མཉམ་པར་བཞག་བྱས་ཤིང་། །དྲན་དང་ལྡན་པ་ལྕེ་ཡི་ལམ་ལས་ལྡང་། །ལྕེ་ནི་མ་སྐྱེས་མ་བྱུང་རང་བཞིན་ཏེ། །སྟོང་པ་བྱེད་པ་མེད་པར་སྟོན་པར་བྱེད། །དེ་དག་ལུས་ཀྱི་
D44.035.0232b06.01ལམ་ལ་མཉམ་བཞག་ཅིང་། །བདག་ཉིད་ཆེ་བ་རེག་པའི་ལམ་ལས་ལྡང་། །འཇིག་རྟེན་བདེ་བ་བསྐྱེད་པའི་རེག་ལ་ཞུགས། །འཇིག་རྟེན་ལྷར་བཅས་དེ་ལ་མོས་པར་འགྱུར། །རེག་གི་ལམ་ལ་མཉམ་པར་བཞག་བྱས་ཤིང་། །དྲན་དང་ལྡན་པ་ལུས་ཀྱི་ལམ་ལས་
D44.035.0232b07.01