完整藏文原文 · 德格版页 当前仅加载第 35 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་དང་། ཡེ་ཤེས་དཔལ་དང་། བཟང་པོའི་དཔལ་ཞེས་བྱ་བ་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་གསེར་གྱི་མདོག་དང་། ཡིད་དུ་འོང་བའི་མདོག་དང་།
D44.035.0194b01.01པདྨོའི་མདོག་དང་། ཙམ་པ་ཀའི་མདོག་དང་། ཨུཏྤ་ལའི་མདོག་དང་། ས་ལེ་སྦྲམ་གྱི་མདོག་དང་། རིན་པོ་ཆེའི་མདོག་དང་། རྡོ་རྗེའི་མདོག་དང་། ཤེལ་གྱི་མདོག་དང་འདྲ་བའི་མདོག་ཅེས་བྱ་བ་དག་ནས་འོངས་པའོ། །བྱང་ཆུབ་སེམས་དཔའ་དེ་དག་ཐམས་
D44.035.0194b02.01ཅད་ཀྱང་དེ་བཞིན་གཤེགས་པ་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པའི་སྤྱད་པ་སྤྱོད་དེ། འདི་ལྟར་རིག་བྱེད་མི་གཡོ་བ་དང་། རིག་བྱེད་མི་སྐྱོད་པ་དང་། རིག་བྱེད་བཅིངས་པ་མེད་པ་དང་། རིག་བྱེད་ཀུན་སྤྱོད་པ་དང་། རིག་བྱེད་བསྒྲིབས་པ་མེད་པ་དང་།
D44.035.0194b03.01རིག་བྱེད་མཐའ་རྒལ་དང་། རིག་བྱེད་དམ་པ་དང་། རིག་བྱེད་དབང་ཕྱུག་དང་། རིག་བྱེད་ཚངས་པ་དང་། རིག་བྱེད་སྣ་ཚོགས་ཞེས་བྱ་བ་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་། བྱང་ཆུབ་སེམས་དཔའ་རེ་རེ་ཞིང་། བྱང་ཆུབ་སེམས་དཔའ་
D44.035.0194b04.01སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་ཏེ། གཅིག་ཇི་ལྟ་བ་དེ་བཞིན་ཐམས་ཅད་དོ། །ཐམས་ཅད་ན་ཡང་བྱང་ཆུབ་སེམས་དཔའ་འཇམ་དཔལ་ཞེས་བྱ་བ་ཤ་སྟག་དོན་འདི་ཉིད་བརྗོད་དེ། །གཅིག་ན་ཇི་ལྟ་བ་དེ་བཞིན་ཐམས་ཅད་ན་ཡང་
D44.035.0194b05.01བརྗོད་དེ། དེའི་ཚེ་ཚིགས་སུ་བཅད་པ་འདི་དག་ཀྱང་སོ་སོ་ནས་སྨྲ་བར་གྱུར་ཏོ། །བཅོམ་ལྡན་འདས་ཀྱི་སྒྱུ་མའི་རང་བཞིན་དུ། །ཐུགས་སུ་ཆུད་པས་བསྒྲིབས་པ་མེད་གཟིགས་ཏེ། །ཟིལ་གྱིས་མི་ནོན་ཆགས་པ་མི་མངའ་བར། །སྐྱེ་དགུ་རབ་ཏུ་འདུལ་བར་ཤིན་ཏུ་
D44.035.0194b06.01སྣང་། །ལ་ལས་གསེར་གྱི་རི་བོ་འདྲ་བ་དེ། །སྐུ་ཆེར་སྐྱེ་བར་གྱུར་པ་རབ་ཏུ་མཐོང་། །སྐྱེས་བུ་ཟླ་བ་རྣམ་པར་མཛེས་པ་དེ། །ཐ་མའི་སྐུ་ཡང་འཛིན་པར་ལ་ལས་མཐོང་། །ཡོན་ཏན་ཚད་ལས་འདས་པ་ཀུན་མངའ་ཞིང་། །དགོངས་པ་མཁྱེན་བཞིན་ཤིན་ཏུ་མཁས་
D44.035.0194b07.01