完整藏文原文 · 德格版页 当前仅加载第 35 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་སྟོབས་ཀྱི་ཤུགས་ཀྱང་སྐྱེ་བར་འགྱུར་རོ། །ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཉིད་དེ་ལྟ་བུ་དང་ལྡན་ཞིང་ཆོས་དེ་དག་ལ་གནས་ཏེ། ཤེས་རབ་ཀྱི་འོད་ཆེན་པོས་མ་རིག་པའི་མུན་པ་བསལ་ནས།
D44.035.0295a01.01བདུད་ཀྱི་དཀྲུགས་མའི་འཁོར་ཐམས་ཅད་བྱམས་པ་དང་། སྙིང་རྗེ་ཆེན་པོའི་སྟོབས་ཀྱིས་ཕམ་པར་བྱས་ཏེ། ཡེ་ཤེས་དང་བསོད་ནམས་ཀྱི་སྟོབས་ཀྱི་ཤུགས་ཀྱིས་ཕས་ཀྱི་རྒོལ་བ་ཐམས་ཅད་ཟིལ་གྱིས་མནན་ནས། རྡོ་རྗེ་ལྟ་བུའི་ཏིང་ངེ་འཛིན་ལ་འཇུག་པས། སེམས་
D44.035.0295a02.01ཀྱི་དྲི་མ་ཐམས་ཅད་དང་། ཉོན་མོངས་པའི་ཕྱོགས་ཐམས་ཅད་བསལ་ནས། སྐྱོ་བ་མེད་པའི་སྟོབས་དང་ཤུགས་ཀྱིས་དགེ་བའི་རྩ་བ་ཕུན་སུམ་ཚོགས་པ་ཐམས་ཅད་རབ་ཏུ་བསྒྲུབས་ཏེ། སྔོན་ཅད་སངས་རྒྱས་ཀྱི་ཞིང་ཡོངས་སུ་དག་པར་སྤྱོད་པའི་སྟོབས་དང་
D44.035.0295a03.01ཤུགས་ཀྱིས་མི་ཁོམ་པ་དང་། ངན་སོང་དང་ངན་འགྲོའི་ལམ་ཐམས་ཅད་རྣམ་པར་བཟློག་ནས། མངོན་པར་ཞེན་པ་མེད་པའི་སྟོབས་དང་ཤུགས་ཀྱིས་ཡེ་ཤེས་ཀྱི་དཀྱིལ་འཁོར་ཡོངས་སུ་སྦྱངས་ཏེ། རིམ་གྱིས་ཐབས་དང་ཤེས་རབ་ཀྱི་སྟོབས་དང་། ཤུགས་
D44.035.0295a04.01ཀྱིས་བྱང་ཆུབ་སེམས་དཔའི་ས་དང་ཕ་རོལ་ཏུ་ཕྱིན་པ་དང་། ཏིང་ངེ་འཛིན་དང་། མངོན་པར་ཤེས་པ་དང་། རིག་པ་དང་མི་འཇིགས་པ་ཡོངས་སུ་དག་པ་མངོན་པར་བསྒྲུབས་ནས། ཆོས་དཀར་པོ་ཐམས་ཅད་ཀྱི་སྟོབས་དང་ཤུགས་ཀྱིས་སངས་རྒྱས་ཐམས་ཅད་ཀྱི་
D44.035.0295a05.01མཚན་དང་དཔེ་བྱད་བཟང་པོ་དང་། སྐུ་དང་གསུང་དང་ཐུགས་ཀྱི་རྒྱན་ཡོངས་སུ་དག་པ་མངོན་པར་བསྒྲུབ་པ་རབ་ཏུ་རྒྱས་པར་བྱས་ཏེ། ཡེ་ཤེས་ཀྱིས་ཤེས་པར་བྱ་བའི་དབང་དང་། བྱིན་གྱི་རླབས་ཀྱིས་དེ་བཞིན་གཤེགས་པའི་སྟོབས་དང་། སངས་རྒྱས་ཀྱི་
D44.035.0295a06.01ཆོས་མ་འདྲེས་པ་ཐམས་ཅད་མཉམ་པ་ཉིད་ཁོང་དུ་ཆུད་པར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མྱུར་དུ་འཐོབ་ཅིང་ཐམས་ཅད་མཁྱེན་པའི་ཡེ་ཤེས་ཀྱི་ཡུལ་ཡང་སྨོན་ལམ་གྱི་ཁྱད་པར་ཇི་ལྟ་བ་བཞིན་དུ་འཐོབ་པར་འགྱུར་རོ། །སྔོན་གྱི་བྱིན་
D44.035.0295a07.01