完整藏文原文 · 德格版页 当前仅加载第 35 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་ལུས་ཀྱི་ནང་ན་འཁོད། །སྐད་ཅིག་སེམས་ཀྱིས་དུས་གསུམ་བྱུང་བ་ཡི། །ཞིང་འབྱུང་ཚུལ་དང་འཇུག་པ་ཀུན་ཀྱང་སྟོན། །སངས་རྒྱས་རྣམས་ཀྱིས་དུས་གསུམ་ཞིང་བསྟན་པ། །རྣམ་པར་སྣང་མཛད་རྒྱ་མཚོའི་ཞིང་{མྱི་,མི་}ཟད། །ཚུལ་གྱི་ཁྱད་པར་མཐའ་
D44.035.0092b01.01ཡས་སྣ་ཚོགས་པས། །རྡུལ་རྣམས་ཀུན་ལ་མཐའ་ཡས་རྒྱན་གྱི་རྣམས། །སངས་རྒྱས་སྐད་ཅིག་གཅིག་ལ་བྱིན་གྱིས་རློབ། །རྒྱན་གྱི་རྣམ་པ་ཚུལ་ཀུན་རབ་ཏུ་མཁྱེན། །ཀྱེ་རྒྱལ་བའི་སྲས་དག་དེ་ལ་གནས་པ་ཤིན་ཏུ་བསྟན་པ་ནི། འཇིག་རྟེན་གྱི་ཁམས་
D44.035.0092b02.01རྒྱ་མཚོ་རེ་རེ་ཞིང་ཡང་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དེ། འདི་ལྟར་འཇིག་རྟེན་གྱི་ཁམས་རྒྱ་མཚོ་ལ་ལ་ནི་རྒྱན་ཐམས་ཅད་ཀྱི་རྒྱ་མཚོ་ཀུན་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་ནམ་མཁའི་དབྱིངས་ཀྱི་གནས་ལ་རབ་ཏུ་གནས་སོ། །
D44.035.0092b03.01འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་ཆེ་ཐམས་ཅད་ཀྱི་འོད་ཟེར་གྱི་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་ཀྱི་འོད་ཀྱི་དཀྱིལ་འཁོར་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་རིན་པོ་
D44.035.0092b04.01ཆེ་ཐམས་ཅད་ཀྱི་ཁ་དོག་གི་མདོག་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སངས་རྒྱས་ཐམས་ཅད་ཀྱི་དབྱིངས་ཀྱི་དཀྱིལ་འཁོར་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་སྒྱུ་མ་ལྟ་བུའི་ལས་ཀྱི་བྱུང་བ་ལྷ་མ་ཡིན་དང་མཐུ་བོ་ཆེ་ལྟ་བུའི་
D44.035.0092b05.01ལག་ན་རྡོ་རྗེ་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་འཇིག་རྟེན་གྱི་ཁམས་དབང་པོ་ཐམས་ཅད་ཀྱི་ལུས་ཀྱི་གཟུགས་བརྙན་རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བྱང་ཆུབ་སེམས་དཔའ་ཐམས་ཅད་ཀྱི་ལུས་
D44.035.0092b06.01རྒྱ་མཚོ་ལ་རབ་ཏུ་གནས་སོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་སྨོན་ལམ་གྱི་བྱུང་བའི་རྒྱན་རྣམ་པ་ཐམས་ཅད་དང་ལྡན་པ་རྒྱ་མཚོ་ལ་རབ་ཏུ་གནས་ཏེ། དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་རབ་ཏུ་གནས་པ་ཤིན་ཏུ་བསྟན་པ་
D44.035.0092b07.01