完整藏文原文 · 德格版页 当前仅加载第 35 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་བརྒྱ་སྟོང་ཕྲག་བཅུས་ཤིན་ཏུ་སྦྱངས་པ། སྨོན་ལམ་བརྒྱ་སྟོང་ཕྲག་བཅུས་རྣམ་པར་དག་པར་བྱས་པ། སྤྱོད་པ་བརྒྱ་སྟོང་ཕྲག་བཅུས་ཀུན་ནས་བསླང་བ། ཆོས་བརྒྱ་སྟོང་ཕྲག་བཅུས་རབ་ཏུ་བརྟན་པ། རྣམ་པར་འཕྲུལ་པ་བརྒྱ་སྟོང་ཕྲག་བཅུ་དང་ལྡན་པ། ཡོན་ཏན་
D44.035.0298b01.01བརྒྱ་སྟོང་ཕྲག་བཅུས་ཤིན་ཏུ་འཕགས་པ། བརྗོད་པ་བརྒྱ་སྟོང་ཕྲག་བཅུས་ཤིན་ཏུ་བརྗོད་པ་བཤམས་སོ། །ཇི་ལྟར་གླིང་བཞི་པ་འདིར་རབ་མཚེ་མའི་གནས་ཀྱི་ལྷའི་རྒྱལ་པོ་རབ་མཚེ་མའི་ཁང་པ་ནོར་བུ་སྣ་ཚོགས་སུ་དེ་བཞིན་གཤེགས་པའི་གདན་བཏིང་བ། དེ་བཞིན་དུ་འཇིག་
D44.035.0298b02.01རྟེན་གྱི་ཁམས་ཐམས་ཅད་ཀྱི་གླིང་བཞི་པ་དག་གི །རབ་མཚེ་མའི་གནས་སུ་ཡང་། ཁང་པ་ནོར་བུ་སྣ་ཚོགས་སུ་ལྷའི་རྒྱལ་པོ་རབ་མཚེ་མ་རྣམས་ཀྱིས་དེ་བཞིན་གཤེགས་པའི་གདན་རྒྱན་འདི་འདྲ་བ་དང་། བཤམ་པའི་ཚུལ་འདི་འདྲ་བ་དག་ཀྱང་བཏིང་བར་གྱུར་ཏོ། །
D44.035.0298b03.01དེ་ནས་ལྷའི་རྒྱལ་པོ་རབ་མཚེ་མས་བཅོམ་ལྡན་འདས་ཀྱི་གདན་བཏིང་ནས། ཞེ་ས་དང་རིམ་གྲོར་བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཤེགས་སུ་
D44.035.0298b04.01གསོལ། བདེ་བར་གཤེགས་པ་གཤེགས་སུ་གསོལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བར་གཤེགས་སམ། དེ་ནས་བཅོམ་ལྡན་འདས་ལྷའི་རྒྱལ་པོ་རབ་མཚེམས་སྤྱན་དྲངས་པ་བཞིན་དུ་ཁང་པ་ནོར་བུ་སྣ་ཚོགས་
D44.035.0298b05.01སུ་གཤེགས་སོ། །ཇི་ལྟར་གླིང་བཞི་པ་འདི་རབ་མཚེ་མའི་གནས་སུ་ལྷའི་རྒྱལ་པོ་རབ་མཚེ་མའི་ཁང་པ་ནོར་བུ་སྣ་ཚོགས་སུ་གཤེགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་ཡང་རབ་མཚེ་མའི་གནས་སུ་ཁང་པ་ནོར་བུ་སྣ་ཚོགས་སུ་གཤེགས་པར་སྣང་ངོ་། །
D44.035.0298b06.01དེ་ནས་ལྷའི་རྒྱལ་པོ་རབ་མཚེ་མའི་ལྷའི་དབང་པོའི་གནས་ཐམས་ཅད་དུ་སྒྲ་བསྒྲགས་ཏེ། ལྷའི་རྒྱལ་པོ་རབ་མཚེམས་བཅོམ་ལྡན་འདས་ལ་གསོལ་བ་བཏབ་བོ། །དེ་ནས་ལྷའི་རྒྱལ་པོ་རབ་མཚེམས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D44.035.0298b07.01