完整藏文原文 · 德格版页 当前仅加载第 35 函德格 386a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་ཡས་ཡེ་ཤེས་ལ་ནི་རབ་ཏུ་གཞོག །དེ་དག་འགྲོ་བའི་དོན་དུ་མནར་མེད་པར། །བསྐལ་པ་བསམ་གྱིས་མི་ཁྱབ་གནས་པར་སྤྲོ། །དེ་དག་ཡིད་ནི་ཞུམ་པར་མི་འགྱུར་ཏེ། །དེ་དག་བསྔོ་རྟོགས་བསམ་པའི་ཡིད་དང་
D44.035.0386a01.01ལྡན། །གཟུགས་ཚོལ་མི་བྱེད་སྒྲ་དང་དྲི་མ་ཡིན། །རོ་དང་རེག་པ་དེ་བཞིན་མི་ཚོལ་ཏེ། །འགྲོ་བ་ཐམས་ཅད་ཡོངས་སུ་དགྲོལ་སེམས་ཀྱིས། །ཡེ་ཤེས་དམ་པའི་སྟོབས་ནི་རྟག་ཏུ་ཚོལ། །མཁས་པ་དེ་དག་ཡེ་ཤེས་མཁའ་འདྲ་བས། །
D44.035.0386a02.01མཐའ་དང་དབུས་མེད་སྤྱད་པ་སྤྱོད་པ་བྱེད། །རྒྱལ་བའི་ཆོས་ཀྱི་ཆོས་ཉིད་ཅི་འདྲ་བ། །མཐའ་ཡས་གྲགས་པའི་སྤྱོད་པ་དེ་འདྲའོ། །དེ་དག་གང་དང་གང་དུ་འདོང་བྱེད་པ། །འགྲོ་ལ་བདེ་བ་རྒྱ་ཆེན་རབ་ཏུ་སྒྲུབ། །རྟག་ཏུ་མཆོག་བརྩོན་དགའ་
D44.035.0386a03.01བ་བྱེད་པ་སྟེ། །བྱང་ཆུབ་སྤྱོད་པས་དགའ་བ་ཚོལ་བ་མེད། །གདུག་མེད་སེམས་ལ་གནས་ཤིང་ཞུགས་པ་རྣམས། །ཡེ་ཤེས་དམ་པ་མཆོག་ལ་རྗེས་སུ་སེམས། །དེ་དག་བདག་ལ་བདེ་བར་མི་འདོད་དེ། །འགྲོ་བ་ཀུན་ལ་བདེ་དང་དགའ་ཕྱིར་
D44.035.0386a04.01བརྩོན། །དེ་དག་ཡོངས་སུ་བསྔོ་བ་མཐར་ཕྱིན་དང་། །བསམ་པ་གདུག་མེད་རྣམ་པར་དག་ཡིད་ཀྱིས། །དུས་གསུམ་རྒྱལ་བ་གང་ན་བཞུགས་བཞུགས་པའི། །ཆོས་ཀྱི་གྲོང་རྡལ་དེ་ན་རབ་ཏུ་གནས། །གཟུགས་དང་ཚོར་བ་དག་ལ་མི་གནས་ཤིང་། །
D44.035.0386a05.01འདུ་ཤེས་འདུ་བྱེད་ཡིད་ལ་འདམ་ཡིན་ཏེ། །སྲིད་པ་གསུམ་ལས་ཡོངས་སུ་ཡིད་བསྐྱོད་དེ། །བསོད་ནམས་གཏེར་ལ་དེ་དག་ཡོངས་སུ་བསྔོ། །སེམས་ཅན་ཇི་སྙེད་རྒྱལ་བས་སད་བྱས་པ། །འགྲོ་བ་ཀུན་ནས་མ་ལུས་བསྡུ་བྱས་ཏེ། །སྐྱེས་བུ་དམ་
D44.035.0386a06.01པ་དེ་དག་དགྲོལ་བའི་ཕྱིར། །སྤྱོད་པའི་མཆོག་ལ་གང་ཞིག་བརྩོན་བྱེད་པ། །དེ་དག་རྣམ་པ་ཀུན་ཏུ་སེམས་བརྟན་ཏེ། །དེ་དག་བློ་གྲོས་ཡངས་པ་གཞལ་དུ་མེད། །དེ་དག་དྲན་པའི་དབང་པོ་མ་ཉམས་པ། །དེ་དག་མཉམ་གཞག་བསམ་པ་རྣམ་པར་
D44.035.0386a07.01