完整藏文原文 · 德格版页 当前仅加载第 35 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྤྱོད་ཡུལ་ཚད་མེད་ཅི་འདྲ་བ། །དེ་ནི་རྒྱན་བཟང་ནམ་མཁའ་ལྡིང་གིས་མཐོང་། །རྒྱལ་བའི་སྤྱོད་ཡུལ་ཡངས་པ་བསམ་མི་ཁྱབ། །འགྲོ་བ་ཀུན་གྱིས་བསམ་པར་སླ་བ་མིན། །ཡེ་ཤེས་ཡོན་ཏན་རྒྱ་མཚོ་འཇིག་རྟེན་མགོན། །རྣམ་ཐར་འདི་ནི་མཁའ་ལྡིང་འགྲོ་
D44.035.0032b01.01འཛིན་གྱི། །དེ་བཞིན་གཤེགས་པའི་ཡེ་ཤེས་མཐའ་ཡས་འོད། །འགྲོ་བ་གཏི་མུག་དྲ་བ་མ་ལུས་སེལ། །རྒྱལ་བ་འཇིག་རྟེན་ཐམས་ཅད་ཀུན་གྱི་མགོན། །དེ་འདྲ་ཆོས་བསྟན་འཛིན་པ་འདབ་བཟང་སྟོན། །ཆོས་ཀྱི་གྲོང་ཁྱེར་མི་ཟད་ཐམས་ཅད་ནས། །
D44.035.0032b02.01སངས་རྒྱས་རྒྱ་ཆེན་འཇིག་རྟེན་ཀུན་ཏུ་སྟོན། །མཐའ་ཡས་ཆོས་ཀྱི་སྒོ་མོ་དུ་མ་ནས། །འདབ་བཟང་སྣ་ཚོགས་གཙུག་ཕུད་འདི་ལ་འཇུག །ཐམས་ཅད་སྟོབས་ལ་རང་བྱུང་རབ་ཏུ་ཞུགས། །རྒྱལ་བ་ཀུན་དང་སྐུ་གཅིག་ཆོས་ཀྱི་སྐུ། །དེ་བཞིན་ཉིད་དངོས་རྣམ་པར་
D44.035.0032b03.01རྟོག་མི་མངའ། །ཀུན་ཏུ་རྒྱུ་བའི་འདབ་བཟང་འདི་བརྗོད་དོ། །རྒྱལ་བའི་འོད་ཟེར་འཇིག་རྟེན་ཀུན་བཀྱེ་བ། །སྣ་ཚོགས་ཐབས་ཀྱིས་སེམས་ཅན་ཁམས་ཀྱང་འདུལ། །སྲིད་པ་སྔ་ཚེ་བསྡུས་པ་རྣམ་པར་སྤྱོད། །རྣམ་ཐར་འདི་ནི་མིག་བཟང་དམ་པའོ། །དྲི་མེད་རྒྱ་
D44.035.0032b04.01མཚོའི་ལས་ལ་གནས་པ་ཡིས། །ཞིང་གི་དབྱིངས་རྣམས་མ་ལུས་སངས་རྒྱས་གཟིགས། །དེ་དག་ཀུན་ཏུ་རྒྱལ་བ་ཆོས་ཆར་འབེབས། །རྒྱ་མཚོ་རྒྱུ་བའི་མཁའ་ལྡིང་འདི་ལྟར་ལྟ། །དེ་ལ་ལྷ་མ་ཡིན་གྱི་དབང་པོ་སྒྲ་གཅན་གྱི་རྣམ་པར་ཐར་པ་ནི། དབང་པོ་
D44.035.0032b05.01ཆེན་པོས་ཤིན་ཏུ་འཕགས་ཤིང་ཟིལ་གྱིས་མི་ནོན་པ་ཞེས་བྱའོ། །ལྷ་མ་ཡིན་གྱི་དབང་པོ་ཐགས་ཟངས་རིས་ཀྱི་རྣམ་པར་ཐར་པ་ནི། སྒོ་ཀུན་ནས་བྱིན་གྱིས་རློབས་པ་རྣམ་པར་གཞོག་པ་རབ་ཏུ་འབྱུང་བ་ཞེས་བྱའོ། །ལྷ་མ་ཡིན་གྱི་དབང་པོ་བདེ་བའི་མཆོག་གི་རྣམ་པར་
D44.035.0032b06.01ཐར་པ་ནི། འགྲོ་བ་ཐམས་ཅད་ཀྱི་སྡུག་བསྔལ་ཞི་བར་བྱེད་པ་རྡུལ་མེད་པ་ཞེས་བྱའོ། །ལྷ་མ་ཡིན་གྱི་དབང་པོ་མཚོན་ཆ་ཆེན་པོའི་རྣམ་པར་ཐར་པ་ནི། བརྟུལ་ཞུགས་དང་དཀའ་ཐུབ་ཐམས་ཅད་ལ་གནས་པའི་རྒྱན་ཅེས་བྱའོ། །ལྷ་མ་ཡིན་གྱི་དབང་པོ་སྟོབས་ཅན་
D44.035.0032b07.01