完整藏文原文 · 德格版页 当前仅加载第 35 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བྱང་ཆུབ་སེམས་དཔའ་བརྩོན་འགྲུས་བློ་གྲོས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྣམ་པར་རྟོག་པ་སྤྱོད་པ་ཡི། །མིག་ནི་ཤིན་ཏུ་འཁྲུལ་བ་ཡིན། །འཁྲུལ་པར་མཐོང་བ་ལོག་པ་སྟེ། །སངས་རྒྱས་ལ་ནི་ལོག་
D44.035.0242b01.01མི་མངའ། །གང་གིས་ལོག་པར་ཤེས་གྱུར་ཏེ། །ཡང་དག་ཇི་བཞིན་མ་ནོར་ལ། །ཡང་དག་མ་ཡིན་བདེན་ཤེས་ན། །སངས་རྒྱས་དྲི་མེད་མཐོང་བ་ཡིན། །མཐོང་བ་དག་གིས་དྲི་མར་འགྱུར། །རྣམ་པར་མཐོང་ན་དེ་མེད་དེ། །སངས་རྒྱས་རྣམས་ནི་མཐོང་དང་བྲལ། །དེ་
D44.035.0242b02.01བས་རྣམ་པར་གཟིགས་ཤེས་བྱ། །དེ་ནི་འཇིག་རྟེན་སྤྱོད་པ་སྟེ། །འཇིག་རྟེན་དེ་ཡང་རྣམ་པར་བརྟགས། །འཇིག་རྟེན་འཇིག་པ་ཤེས་གྱུར་ན། །སྣང་བ་དག་ནི་སྐྱེ་བར་འགྱུར། །འཇིག་རྟེན་རྣམས་ཀྱི་སྣང་བ་ནི། །འཇིག་རྟེན་མཚན་ཉིད་སྣང་བ་སྟེ། །ཡང་དག་ཇི་བཞིན་བསམ་
D44.035.0242b03.01བྱས་ཤིང་། །དེ་ལྟར་མཐོང་བ་མཐོང་བའོ། །དེ་ལྟར་མཐོང་བ་ཉོན་མོངས་མེད། །དབང་དུ་གྱུར་ཅིང་ཟག་པ་མེད། །གང་གིས་ཐ་དད་མེད་མཐོང་བ། །དངོས་པོར་བརྟགས་པ་མ་ཡིན་ནོ། །རྟོག་དང་རྣམ་པར་རྟོག་པ་ནི། །སངས་རྒྱས་ཆོས་རྣམས་བརྗོད་པ་སྟེ། །དེ་དག་ཡོད་པ་མ་ཡིན་
D44.035.0242b04.01པས། །རང་བཞིན་དེ་ཕྱིར་སྦྱངས་པ་ཡིན། །དེ་དག་རང་བཞིན་རྣམ་པར་དག །ནམ་མཁའ་བཞིན་དུ་མཚན་ཉིད་མེད། །དེ་དག་ལ་ནི་སྟོན་པ་མེད། །མཁས་པ་རྣམས་ཀྱིས་དེ་ལྟར་ལྟོས། །ཆོས་རྣམས་ལ་ནི་མོས་{མྱེད་,མེད་}དེ། །ཆོས་ཀྱི་འདུ་ཤེས་རྣམ་བསྒོམས་ཤིང་། །
D44.035.0242b05.01ཤེས་པ་དེ་ཡང་མ་བསྒོམས་པ། །དེས་ནི་ཐུབ་ཆེན་མཐོང་བ་ཡིན། །ཇི་ལྟར་ཡོན་ཏན་བློས་བརྗོད་པ། །དེ་ལྟར་ཡང་དག་སངས་རྒྱས་མཐོང་། །དེ་མཐོང་བས་ན་འདུ་བྱེད་ཀུན། །རང་བཞིན་གྱིས་ནི་རྣམ་པར་ཞི། །དེ་ནས་བྱང་ཆུབ་སེམས་དཔའ་དགེ་བའི་བློ་གྲོས་ཀྱིས་
D44.035.0242b06.01སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཀྱེ་མ་སངས་རྒྱས་དཔལ་ཆེན་རྣམས། །དེ་བཞིན་གཤེགས་པ་ཚད་མེད་དོ། །རྣམ་གྲོལ་ཐུགས་ནི་སྡིག་མི་མངའ། །འཇིག་རྟེན་མཐར་ཕྱིན་བརྒལ་བའོ། །
D44.035.0242b07.01