完整藏文原文 · 德格版页 当前仅加载第 35 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲུལ་མཐུ་ཡིས་འབྱུང་། །བསྐལ་པའི་ཚུལ་རྣམས་ཀུན་གྱི་འདི་ནི་རྒྱན་ཡངས་ཡིན། །ཞིང་དང་བསྐལ་པ་རྒྱ་མཚོ་ཚུལ་ནི་གཅིག་གིས་དག །ཞིང་གི་རྡུལ་རྣམས་ཀུན་ཀྱང་ཚད་མེད་གཞལ་དུ་མེད། །སྐད་ཅིག་ཡུད་ཙམ་ཉི་མའི་གྲངས་
D44.035.0100a01.01ཀྱིས་བསྐལ་པར་འགྱུར། །འདི་དག་ཐམས་ཅད་སེམས་ཅན་འདུ་ཤེས་རྣམ་པར་བྱུང་། །ཀྱེ་རྒྱལ་བའི་སྲས་དག་དེ་ལ་འཇིག་རྟེན་གྱི་ཁམས་རྒྱ་མཚོའི་བསྐལ་པ་མཐའ་ཡས་པའི་རྒྱུད་ཀྱི་ཚུལ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ།
D44.035.0100a02.01འདི་ལྟར་ཆོས་ཉིད་རབ་ཏུ་ཐོབ་པས་འཇིག་རྟེན་གྱི་ཁམས་རྒྱ་མཚོ་དག་བསྐལ་པས་འཇིག་ཅིང་འདུ་བ་ལ་རབ་ཏུ་འཇུག་པར་གནས་པ་དང་། འཇིག་རྟེན་གྱི་ཁམས་རྒྱ་མཚོར་གཏོགས་པའི་སེམས་ཅན་རྣམས་ཀྱི་ཉོན་མོངས་པས་བསྐལ་པ་མཐའ་ཡས་པ་ཀུན་ནས་གནས་པ་དང་།
D44.035.0100a03.01འདི་ལྟ་སྟེ་འཇིག་རྟེན་གྱི་ཁམས་རྒྱ་མཚོར་གཏོགས་པའི་སེམས་ཅན་རྣམས་ཀྱི་བསོད་ནམས་རྒྱ་མཚོ་རྒྱ་ཆེན་པོ་{སྩོགས་,སོགས་}པ་རྣམ་པར་དག་པས་འཇིག་རྟེན་གྱི་ཁམས་རྒྱ་མཚོ་ཀུན་ནས་ཉོན་མོངས་ལ་རྣམ་པར་དག་པར་གནས་པ་དང་། འདི་ལྟ་སྟེ་བྱང་ཆུབ་སེམས་དཔའ་མོས་པ་སྣ་
D44.035.0100a04.01ཚོགས་ཀྱི་སྤྱོད་པ་རྣམས་སྐྱེ་བས་འཇིག་རྟེན་གྱི་ཁམས་རྒྱ་མཚོ་རྣམ་པར་དག་ལ་ཀུན་ནས་ཉོན་མོངས་པར་གནས་པ་དང་། འདི་ལྟ་སྟེ་སེམས་ཅན་རྒྱ་མཚོ་རྒྱ་ཆེན་པོ་བྱང་ཆུབ་ཀྱི་སེམས་ལ་གནས་པས་འཇིག་རྟེན་གྱི་ཁམས་རྒྱ་མཚོ་ཤིན་དུ་དག་པར་གནས་པ་དང་། འདི་ལྟ་
D44.035.0100a05.01སྟེ་བྱང་ཆུབ་སེམས་དཔའ་རྣམས་འཇིག་རྟེན་གྱི་ཁམས་གཞན་དང་གཞན་དུ་འདོད་པས་བསྐལ་པ་རྒྱན་ཐ་དད་པའི་ཚུལ་དུ་གནས་པ་དང་འདི་ལྟ་སྟེ། ཕྱོགས་བཅུའི་བྱང་ཆུབ་སེམས་དཔའ་རྣམས་འཇིག་རྟེན་གྱི་ཁམས་རྒྱ་མཚོར་འདུས་པས་བསྐལ་པ་མཐའ་ཡས་པ་རྒྱན་ཤིན་ཏུ་
D44.035.0100a06.01མང་པོར་ཀུན་ནས་གནས་པ་དང་། འདི་ལྟ་སྟེ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བས་འཇིག་རྟེན་གྱི་ཁམས་རྒྱ་མཚོ་དག་གི་རྒྱན་ནུབ་པར་འགྱུར་བ་དང་། འདི་ལྟ་སྟེ་སངས་རྒྱས་འབྱུང་བའི་ཚེ་འཇིག་རྟེན་གྱི་ཁམས་རྒྱ་མཚོ་རྣམས་རྒྱན་གྱིས་
D44.035.0100a07.01