完整藏文原文 · 德格版页 当前仅加载第 35 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་མཉམ་མེད་བརྗོད། །གཟི་བརྗིད་འོད་ཀྱིས་རྣམ་ཐར་འདི་མཐོང་ངོ་། །རྒྱལ་བ་སངས་རྒྱས་ཀུན་ཏུ་རབ་འཕགས་པ། །ཕྱོགས་རྣམས་རྒྱས་པར་ཀུན་ནས་མཛེས་ཤིང་སྣང་། །རྒྱལ་བའི་སྐུ་ནི་མི་མཉམ་དཔག་ཏུ་མེད། །རི་རབ་འོད་མཆོག་
D44.035.0025a01.01རྣམ་ཐར་འདི་ཡིན་ནོ། །མཐའ་ཡས་སྲིད་པར་བསྐལ་པ་རྒྱ་མཚོར་ཡང་། །རྒྱལ་བས་འགྲོ་དོན་བརྟུལ་ཞུགས་སྤྱད་པས་ན། །དེ་ཕྱིར་སངས་རྒྱས་འོད་ནི་ནམ་མཁའ་བཞིན། །ཟླ་བའི་དཔལ་གྱིས་རྒྱལ་བའི་སྐུ་མཐོང་ངོ་། །རྒྱལ་བའི་གསུང་མཆོག་ཆགས་མེད་
D44.035.0025a02.01རྣམ་གྲོལ་བས། །ཕྱོགས་དང་ཞིང་རྣམས་ཐམས་ཅད་མ་ལུས་རྒྱན། །འགྲོ་བར་ཆོས་ཀྱི་རོ་རྣམས་བསགས་པའི་རྒྱུ། །འདི་དག་བརྩོན་འགྲུས་བཟང་པོས་རབ་ཏུ་ཤེས། །འོད་ཀྱི་དྲ་བ་བསམ་ཡས་བཏང་བས་ན། །ཕྱོགས་རྣམས་ཀུན་ཏུ་སེམས་ཅན་
D44.035.0025a03.01རྣམ་པར་སྤྱོད། །མོས་པ་རྒྱ་ཆེན་ཡངས་པ་རབ་ཏུ་བསྐྱེད། །ཕྲེང་བ་སྣང་བའི་དཔལ་གྱི་རྣམ་ཐར་ཏོ། །འགྲོ་བ་དག་ན་ཇི་སྙེད་འོད་ཡོད་པ། །དེ་དག་རྒྱལ་བའི་སྤུ་གཅིག་དཔེར་མི་རུང་། །སངས་རྒྱས་འོད་རྣམས་དེ་ལྟར་བསམ་མི་ཁྱབ། །འདི་ནི་སྣང་བའི་
D44.035.0025a04.01འོད་ཀྱི་རྣམ་ཐར་ཏོ། །རྒྱལ་བ་ཀུན་གྱི་ཆོས་ཉིད་འདི་འདྲ་སྟེ། །ཐམས་ཅད་ཕྱོགས་སུ་བྱང་ཆུབ་ཤིང་དབང་དྲུང་། །ལམ་ངན་སོང་ལ་ལམ་རྣམས་མངོན་དུ་སྟོན། །གཙུག་ཕུད་སྣ་ཚོགས་རྣམ་པར་སྣང་བས་མཐོང་། །འགྲོ་བ་གཏི་མུག་མུན་པར་ནུབ་གྱུར་པ། །
D44.035.0025a05.01སྡུག་བསྔལ་ཅན་ལ་རྒྱལ་བ་མིག་སྐྱེས་ཤིང་། །དེ་དག་ཡེ་ཤེས་སྒྲོན་མས་རབ་ཏུ་བསྟན། །རྣམ་ཐར་འདི་ནི་མིག་བཟང་སྣང་བས་མཐོང་། །ཐམས་ཅད་ཚུལ་གྱིས་རྣམ་ཐར་རང་བྱུང་བ། །གང་དུ་གང་ཚེ་མཆོད་པ་གཟིགས་པ་ན། །ཐར་པའི་འབྲས་བུ་རིམ་
D44.035.0025a06.01གྱིས་རབ་ཏུ་སྟོན། །འདི་ནི་སྣང་བའི་དཔལ་གྱི་ཚུལ་དང་ས། །ཆོས་རྣམས་གཅིག་གི་སྒོ་ནས་མཐའ་ཡས་པའི། །བསྐལ་པ་སྟོང་དུ་མི་མགོན་རབ་ཏུ་སྣང་། །ཆོས་ཀྱི་དོན་ཡངས་ཕྱོགས་རྣམས་ཀུན་ཏུ་སྟོན། །འདི་ནི་ཀུན་ཏུ་དཔལ་གྱི་རྣམ་ཐར་ཏོ། །དེ་ལ་དྲི་
D44.035.0025a07.01