完整藏文原文 · 德格版页 当前仅加载第 35 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཇི་ལྟ་བ་བཞིན་དུ་ཇི་ལྟར་འཇུག་ཅེ་ན། སྦྱོར་བ་ཇི་ལྟ་བུར་རྒྱུ་བ་དང་། རྒྱུ་དང་རྐྱེན་ཇི་ལྟ་བ་དང་། སེམས་དང་སེམས་ལས་བྱུང་བའི་སྦྱོར་བ་ཇི་ལྟ་བ་ལས། སེམས་ཅན་རྣམས་ཀྱི་བསམ་པ་ཇི་ལྟ་བ་བཞིན་དུ་འཇུག་སྟེ། དེ་དག་དེ་ལྟར་བསམ་པ་ལ་ཞུགས་
D44.035.0291a01.01པ་རྣམས་སེམས་ཅན་རྣམས་ཀྱི་བསམ་པ་ཇི་ལྟ་བ་བཞིན་དུ་ཤེས་ཤིང་ཆོས་ཡང་དག་པར་སྟོན་ཏེ། དེ་དག་འདོད་ཆགས་ཀྱི་བསམ་པ་རྣམ་པར་བཟློག་པའི་ཕྱིར་མི་སྡུག་པ་ཡང་དག་པར་སྟོན་ཏོ། །ཞེ་སྡང་གི་བསམ་པ་རྣམ་པར་བཟློག་པའི་ཕྱིར། བྱམས་པ་ཆེན་
D44.035.0291a02.01པོའི་སྦྱོར་བ་ཡང་དག་པར་སྟོན་ཏོ། །གཏི་མུག་གི་བསམ་པ་རྣམ་པར་བཟློག་པའི་ཕྱིར་ཆོས་རྣམ་པར་འབྱེད་པ་ལ་མཁས་པ་ཡང་དག་པར་སྟོན་ཏོ། །ཆ་མཉམ་པ་རྣམ་པར་བཟློག་པའི་ཕྱིར་ཡེ་ཤེས་ཀྱི་ཁྱད་པར་དང་ལྡན་པའི་ཆོས་ཀྱི་སྒོ་ཡང་དག་པར་སྟོན་ཏོ། །
D44.035.0291a03.01འཁོར་བའི་བསམ་པ་རྣམ་པར་བཟློག་པའི་ཕྱིར། སྡུག་བསྔལ་རྣམ་པ་གསུམ་དང་ལྡན་པ་ཡང་དག་པར་སྟོན་ཏོ། །གནས་ཀྱི་བསམ་པ་རྣམ་པར་བཟློག་པའི་ཕྱིར་གནས་མེད་པའི་ཆོས་ཀྱི་སྒོ་ཡང་དག་པར་སྟོན་ཏོ། །ཞུམ་པའི་བསམ་པ་རྣམ་པར་བཟློག་པའི་
D44.035.0291a04.01ཕྱིར། རྒྱ་ཆེན་པོའི་ཡུལ་ཡང་དག་པར་སྟོན་ཏོ། །བདག་གི་ང་རྒྱལ་གྱིས་བཅོམ་པའི་བསམ་པ་རྣམ་པར་བཟློག་པའི་ཕྱིར། ཆོས་ཀྱི་མཉམ་པ་ཉིད་ཡང་དག་པར་སྟོན་ཏོ། །གཡོ་དང་སྒྱུས་མི་མཉམ་པའི་བསམ་པ་རྣམ་པར་བཟློག་པའི་ཕྱིར། བྱང་
D44.035.0291a05.01ཆུབ་སེམས་དཔའི་བསམ་པ་མཉམ་པ་ཉིད་དང་། ཞི་བའི་གནས་ཀྱི་བསམ་པ་མངོན་པར་བསྒྲུབ་པ་ཡང་དག་པར་སྟོན་ཏོ། །དེ་དག་ནི་དེ་ལྟར་སེམས་ཅན་རྣམས་ལ་བསམ་པ་ཇི་ལྟ་བ་བཞིན་དུ་ཆོས་ཀྱི་གཏེར་ཡང་དག་པར་སྟོན་ཏོ། །དེ་ཡང་དོན་དབྱེར་མེད་པ་ཡང་
D44.035.0291a06.01དག་པར་སྟོན་ཏེ། ཡི་གེའི་མཚམས་འབྱོར་བར་སྦྱར་བས་ཡང་དག་པར་སྟོན་ཏོ། །ཤེས་པ་རྣམ་པར་དབྱེ་བས་ཡང་དག་པར་སྟོན་ཏོ། །བསྟན་པ་སྔ་ཕྱི་མ་འདྲེས་པས་ཡང་དག་པར་སྟོན་ཏོ། །ཆོས་ཀྱི་ཚུལ་དང་ཚུལ་མ་ཡིན་པའི་བྱེ་བྲག་དབྱེར་མེད་པས་
D44.035.0291a07.01