完整藏文原文 · 德格版页 当前仅加载第 35 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཆོས་ཀྱི་དབྱིངས་ཀྱི་སྤྱོད་པ་ཞེས་བྱ་བ་བྱང་ཆུབ་སེམས་དཔའ་ཐམས་ཅད་ཀྱི་ཆོས་ཀྱི་ཚུལ་དང་། ས་ཤིན་ཏུ་སྒྲོག་པའི་ལྷུན་ཅན་རབ་ཏུ་གནས་ཏེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་གཟི་བརྗིད་ཤིན་ཏུ་དག་པ་ཞེས་བྱ་བ་
D44.035.0129b01.01འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་མུ་ཏིག་བསྐྱིལ་བའི་དབྱིབས་སུ་འདུག་པ་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་མུ་ཏིག་གི་ཕྲེང་བའི་རྒྱ་མཚོ་ལ་རབ་ཏུ་གནས་པ། ནོར་བུའི་རྒྱལ་པོ་བྱང་ཆུབ་
D44.035.0129b02.01སེམས་དཔའི་གཙུག་ཕུད་རབ་ཏུ་སྣང་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཤིན་ཏུ་འཕགས་པས་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན་འཇིག་རྟེན་གྱི་ཁམས་ཡིད་
D44.035.0129b03.01དུ་འོང་བས་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབང་ཕྱུག་སྤྱོད་པའི་བློ་གྲོས་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་སེང་གེའི་ཁྲིས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀླུ་འབྲུག་
D44.035.0129b04.01ཆེན་པོས་གསལ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེའི་གདན་བརྟན་པ་ཡང་དག་པར་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེའི་ཁྲི་པདྨོ་གནོན་པའི་ལྟེ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དཔལ་གྱི་
D44.035.0129b05.01དབྱངས་པདྨོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་ཕུང་པོ་རྣམ་པར་སངས་རྒྱས་པའི་འོད་ཟེར་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རབ་ཏུ་རྣམ་པར་ཕྱེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ས་འཛིན་གཟི་བརྗིད་བཟང་པོའི་
D44.035.0129b06.01རྒྱན་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་དགའ་བ་དང་། བདེ་བའི་སྒྲ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་ཡང་དག་པར་གནས་པའི་ཆོས་ཀྱི་སྒྲོན་མའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མིག་འཕྲུལ་གྱི་ནོར་བུའི་
D44.035.0129b07.01