完整藏文原文 · 德格版页 当前仅加载第 35 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཉེས་པར་འགྱུར་བ་དང་། བྱང་ཆུབ་སེམས་དཔའི་རྣམ་པར་དགོད་པ་ལས་འདས་པར་འགྱུར་བ་དང་། སྤྱོད་པའི་དཀྱིལ་འཁོར་ཆེན་པོ་ཡོངས་སུ་དག་པར་འགྱུར་བ་དང་། སྨོན་ལམ་ཆེན་པོ་ཡོངས་སུ་རྫོགས་པར་འགྱུར་བ་དང་། བྱང་ཆུབ་སེམས་དཔའི་
D44.035.0285b01.01གཏེར་ཆེན་པོ་རབ་ཏུ་ཐོབ་པར་འགྱུར་བ་དང་། སེམས་ཅན་རྣམས་ལ་སྣོད་ཇི་བཞིན་དུ་སྦྱིན་པ་བྱེད་པར་འགྱུར་བ་དང་། ཕ་རོལ་ཏུ་ཕྱིན་པའི་ཕྱོགས་ཡོངས་སུ་{མྱི་,མི་}གཏོང་བར་འགྱུར་བ་དང་། ཇི་ལྟར་དམ་བཅས་པའི་སེམས་ཅན་རྣམས་སྒྲོལ་བར་འགྱུར་བ་དང་།
D44.035.0285b02.01སངས་རྒྱས་དང་ཆོས་དང་དགེ་འདུན་གྱི་གདུང་མི་ཆད་པར་འགྱུར་བ་དང་། དགེ་བའི་རྩ་བ་དམིགས་པ་ཐམས་ཅད་དུ་སྦྱོར་བ་དོན་མེད་པར་མི་འགྱུར་བ་དང་། ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ཀྱིས་དེ་ལ་བརྩོན་པར་བྱས་པས་ཆོས་ཀྱི་ཡུལ་འདི་དག་
D44.035.0285b03.01ཡོངས་སུ་རྫོགས་པར་འགྱུར་བར་ཇི་ལྟར་བརྩམས་པར་བྱ་བ་དེ་ལེགས་པར་བཤད་པ་མཛོད་ཅིག །འཁོར་འདི་དག་ཐམས་ཅད་ནི་ཉན་པར་འདོད་དོ། །སེམས་ཅན་ཆེན་པོ་དེ་དག་གིས་བརྩོན་པའི་རྣམ་པ་ཇི་ལྟ་བུས་མ་རིག་པའི་མུན་ནག་ཐམས་ཅད་བསྩལ་ཏེ། བདུད་
D44.035.0285b04.01ཀྱི་དཀྲུགས་མའི་འཁོར་ཐམས་ཅད་ལས་ཤིན་ཏུ་རྒྱལ་བར་བྱས་ནས། ཕས་ཀྱི་རྒོལ་བ་ཐམས་ཅད་ཟིལ་གྱིས་མནན་ཏེ། སེམས་ཀྱི་དྲི་མ་ཀུན་ནས་ཉོན་མོངས་པའི་ཕྱོགས་ཐམས་ཅད་ཀུན་ནས་བསྩལ་ནས། དགེ་བའི་རྩ་བ་ཕུན་སུམ་ཚོགས་པ་ཐམས་ཅད་
D44.035.0285b05.01ཤིན་ཏུ་བསྒྲུབས་ཏེ། མི་ཁོམ་པ་དང་། ངན་སོང་དང་། ངན་འགྲོའི་ལམ་ཐམས་ཅད་རྣམ་པར་བཟློག་ནས། ཡེ་ཤེས་ཀྱི་དཀྱིལ་འཁོར་ཆེན་པོ་རྣམ་པར་བྱང་བར་བྱས་ཏེ། བྱང་ཆུབ་སེམས་དཔའི་ས་དང་། ཕ་རོལ་ཏུ་ཕྱིན་པ་དང་། གཟུངས་དང་། ཏིང་ངེ་
D44.035.0285b06.01འཛིན་དང་། མངོན་པར་ཤེས་པ་དང་། རིག་པ་དང་། མི་འཇིགས་པ་ཡོངས་སུ་དག་པ་རྣམས་མངོན་པར་བསྒྲུབས་ནས། སངས་རྒྱས་ཀྱི་ཞིང་ཐམས་ཅད་རྣམ་པར་དག་པ་དང་། མཚན་དང་དཔེ་བྱད་བཟང་པོ་དང་། སྐུ་དང་གསུང་དང་ཐུགས་ཀྱི་རྒྱན།
D44.035.0285b07.01