完整藏文原文 · 德格版页 当前仅加载第 35 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
དམར་སེར་པོ་དང་། །སྔོ་དང་སྣ་ཚོགས་རྣམ་མང་རྒྱན་ཅན་གྱིས། །རྒྱལ་བའི་ཞིང་རྣམས་ཀུན་ནས་བརྒྱན་པ་བྱེད། །དེ་དག་བདེ་གཤེགས་དབུ་ལ་གདུགས་ཀྱི་མཆོག །རིན་ཆེན་དྲ་བ་སྣ་ཚོགས་རྒྱན་ལྡན་པ། །དར་གྱི་ལྡ་ལྡི་བ་དན་
D44.035.0225a01.01ཡོངས་སྦྱངས་ཤིང་། །དྲིལ་ཕྲེང་རྒྱལ་བའི་གསུང་སྒྲོག་འཛིན་པ་བྱེད། །དེ་དག་ལག་པའི་མཐིལ་ནས་བསམ་གྱིས་མི་ཁྱབ་པའི། །མཆོད་པ་རྒྱལ་བ་གཅིག་ལ་བྱེད་པ་ལྟར། །མ་ལུས་རྒྱལ་བ་རྣམས་ལའང་དེ་བཞིན་ཏེ། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །དེ་
D44.035.0225a02.01དག་འགྲོ་བ་ཡོངས་སྡུད་ཡེ་ཤེས་ཀྱིས། །རྣམ་པར་འཕྲུལ་པའི་ཏིང་འཛིན་མངོན་བསྒྲུབས་ཤིང་། །བྱ་བའི་ཚུལ་དང་ཡོན་ཏན་ཐམས་ཅད་དུ། །ཐབས་མང་སྟོང་གིས་སེམས་ཅན་འདུལ་བ་བྱེད། །ལ་ལ་དེ་བཞིན་གཤེགས་པ་མཆོད་སྒོ་དང་། །སྦྱིན་པ་བསམ་གྱིས་
D44.035.0225a03.01མི་ཁྱབ་གཏོང་བའི་སྒོ། །སྦྱངས་པའི་ཡོན་ཏན་ཀུན་གྱི་ཚུལ་ཁྲིམས་སྒོ། །བཟོད་པ་མི་ཟད་མི་སྒུལ་སྒོ་དག་དང་། །ལ་ལ་བརྟུལ་ཞུགས་དཀའ་ཐུབ་བརྩོན་འགྲུས་སྒོ། །བསམ་གཏན་རབ་ཏུ་ཞིར་གནས་སྒོ་དག་དང་། །དོན་དམ་རྣམ་པར་འབྱེད་པའི་ཤེས་རབ་སྒོ། །
D44.035.0225a04.01ཚུལ་རྣམས་ཀུན་ལྡན་ཐབས་ཀྱི་སྒོ་དག་དང་། །ཚངས་པའི་སྤྱོད་པ་དག་དང་མངོན་ཤེས་སྒོ། །བསྡུ་བའི་དངོས་པོས་ཕན་ཚོལ་སྒོ་དག་དང་། །བསོད་ནམས་ཡོངས་སུ་བསྩགས་དང་ཡེ་ཤེས་སྒོ། །བདེན་པ་རྟེན་པའི་རྣམ་ཐར་སྒོ་དག་དང་། །ལ་ལ་སྟོབས་དང་དབང་པོ་ལམ་གྱི་སྒོ། །
D44.035.0225a05.01ཉན་ཐོས་ཐེག་པ་རྣམ་གྲོལ་སྒོ་དག་དང་། །རང་རྒྱལ་ཐེག་པ་རྣམ་པར་དག་པའི་སྒོ། །ཐེག་པ་དམ་པ་རྣམ་འཕྲུལ་སྒོ་དག་དང་། །ལ་ལ་མི་རྟག་པ་དང་སྡུག་བསྔལ་སྒོ། །ལ་ལ་བདག་མེད་སྲོག་མེད་སྒོ་དག་དང་། །མི་སྡུག་འདུ་ཤེས་འདོད་ཆགས་བྲལ་བའི་སྒོ། །ལ་ལ་
D44.035.0225a06.01ཞི་འགོག་ཏིང་འཛིན་སྒོ་དག་ཏུ། །འགྲོ་བའི་སྤྱོད་སྒོ་ཇི་སྙེད་ཡོད་རྒྱུ་བ། །དེ་སྙེད་ཆོས་ཀྱི་སྒོ་ལ་རབ་ཞུགས་དེ། །དེ་དག་ཀུན་གྱི་ཆོས་ཉིད་སྒོ་དག་ནས། །བསམ་པ་ཇི་བཞིན་འཇིག་རྟེན་སེམས་ཅན་འདུལ། །གང་རྣམས་ཀུན་གྱི་སྒོ་ཡི་སྒོ་དག་ནས། །བསམ་པ་ཇི་
D44.035.0225a07.01