完整藏文原文 · 德格版页 当前仅加载第 35 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་ཇི་བཞིན་མ་ནོར་བར། །བསྐལ་པ་རྣམས་ནི་ཚད་མེད་པས། །ཇི་ལྟར་མཁས་པས་མཐོང་བ་བཞིན། །འཇིག་རྟེན་སྒྲོན་མས་རབ་ཏུ་གཟིགས། །འདུ་བྱེད་ཐམས་ཅད་སྐད་ཅིག་མ། །སོ་སོའི་སྐྱེ་བོ་དེ་དག་འགེངས། །ནམ་མཁའི་ཁམས་ནི་
D44.035.0243a01.01གཟུང་བྱས་ཤིང་། །དེ་དག་དེ་ཕྱིར་ཁོམ་པ་མེད། །ཁོམ་པ་མེད་ཅེས་བྱ་བ་ནི། །ཅི་ཡང་བརྗོད་པ་མེད་པ་སྟེ། །ཁོམ་པ་མེད་པའི་རང་བཞིན་གྱིས། །ཁོམ་པ་བསམ་གྱིས་{མྱི་,མི་}ཁྱབ་ཐོབ། །གང་ལ་དངོས་པོ་མེད་པ་ཡི། །མི་ཟད་ཁོམ་པ་མེད་པར་བཤད། །ཡོད་པའི་རང་བཞིན་ཤེས་གྱུར་ན། །
D44.035.0243a02.01དེས་ནི་གྲགས་ཆེན་མཐོང་བ་ཡིན། །མཐོང་བ་མེད་པ་མཐོང་ཞེས་བྱ། །ཡོད་པ་མེད་པའང་ཡོད་ཅེས་བྱ། །མཐོང་བ་དག་གམ་ཡོད་པ་ནི། །མ་བསྒོམས་ན་ནི་རྣམ་པར་བསྒོམས། །ཇི་ལྟར་ལྟ་བ་སུས་མཐོང་བ། །དེ་དག་གིས་ནི་ལྟ་བ་བཤིག །གང་ལས་སངས་རྒྱས་སྨོས་པ་ཡི། །དེ་དག་ཆོས་
D44.035.0243a03.01རྣམས་ཞིག་པ་མེད། །ཇི་ལྟར་ཐུབ་པས་བསྟན་པ་བཞིན། །སངས་རྒྱས་ཡོངས་སུ་སུས་མཐོང་བ། །དེ་ནི་འཇིག་རྟེན་སྣང་བར་བྱེད། །རྒྱལ་བ་རྣམ་པར་སྣང་མཛད་བཞིན། །ཆོས་རྣམས་ཀྱི་ནི་སྣང་བ་གཅིག །དེ་བཞིན་གཤེགས་པས་རབ་ཏུ་བསྟན། །དེས་ནི་བརྩོན་བློ་བརྟན་པ་དེ། །
D44.035.0243a04.01ཆོས་མང་བྱེ་བ་རབ་ཏུ་སྟོན། །ཡོད་དང་མེད་པ་ཤེས་བྱ་སྟེ། །གང་གིས་འདུ་ཤེས་རྣམ་བསྒོམས་པ། །དེས་ནི་སངས་རྒྱས་མཐོང་བ་སྟེ། །ཡང་དག་མཐའ་ལ་རབ་ཏུ་གནས། །དེ་ནས་བྱང་ཆུབ་སེམས་དཔའ་ཡེ་ཤེས་བློ་གྲོས་ཀྱིས་སངས་རྒྱས་ཀྱི་མཐུས་ཕྱོགས་བཅུར་རྣམ་པར་
D44.035.0243a05.01བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་བའི་བསྟན་པ་འདི་ཐོས་པས། །སྣང་བ་བདག་ཅག་ཤེས་པར་གྱུར། །ཕྱོགས་བཅུ་ཀུན་ཏུ་སྣང་བ་ཡི། །ཡང་དག་སངས་རྒྱས་དེས་ཀྱང་མཐོང་། །སེམས་ཅན་རང་བཞིན་ཡོད་གྱུར་པ། །དེ་ནི་སེམས་ཅན་གཡང་ས་
D44.035.0243a06.01སྟེ། །འདི་ལ་ཅི་ཡང་ཡོད་པ་མིན། །ཚིག་གི་ལམ་རྣམས་བསྡུས་པའོ། །བྱིས་པ་འཛིན་དང་བཅས་པ་རྣམས། །བདག་ལུས་ཡང་དག་འཛིན་པ་ལ། །སངས་རྒྱས་སྣང་བར་མི་འགྱུར་ཏེ། །དེ་བཞིན་གཤེགས་པ་གཟུང་བ་མེད། །ཡང་དག་སངས་རྒྱས་མ་མཐོང་ཞིང་། །གང་རྣམས་མིག་
D44.035.0243a07.01