完整藏文原文 · 德格版页 当前仅加载第 35 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་བྱང་ཆུབ་ཏུ་སེམས་དང་པོ་བསྐྱེད་པའི་དགེ་བའི་རྩ་བ་ནི་མཐར་ཐུག་པར་མི་རུང་ངོ་། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་སེམས་ཅན་དེ་ཙམ་དག་གི་ལས་སྣ་ཚོགས་ཡོངས་སུ་ཤེས་པར་བྱ་བའི་དོན་དུ་བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་
D44.035.0269b01.01རྫོགས་པའི་བྱང་ཆུབ་ཏུ་སེམས་སྐྱེ་བ་མ་ཡིན་གྱི། འདི་ལྟར་འཇིག་རྟེན་གྱི་ཁམས་དང་། དུས་གསུམ་མ་ལུས་པ་ཐམས་ཅད་དུ་གཏོགས་པའི་སེམས་ཅན་རྣམས་ཀྱི་ལས་སྣ་ཚོགས་ཡོངས་སུ་ཤེས་པས་མངོན་པར་འཚང་རྒྱ་བར་བྱ་བའི་ཕྱིར། བྱང་ཆུབ་
D44.035.0269b02.01སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་ལས་སྣ་ཚོགས་མཐའ་དང་དབུས་མེད་པ་ལ་རབ་ཏུ་འཇུག་པ་དང་། ལས་ཀྱི་བྱེ་བྲག་ཐམས་ཅད་ལ་མཁས་པ་མངོན་པར་འཚང་རྒྱ་བར་བྱ་བའི་ཕྱིར། བྱང་ཆུབ་
D44.035.0269b03.01སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་སེམས་ཅན་གཅིག་གྲངས་མེད་ཅིང་། རྣམ་པ་ཐ་དད་པར་ཡང་དག་པར་འཇུག་པ་དང་། ལས་ཀྱི་ཚུལ་བརྗོད་པའི་སྣང་བ་རབ་ཏུ་འཐོབ་པ་དང་། ལས་
D44.035.0269b04.01ཐམས་ཅད་མ་ལུས་པ་གཅིག་ནས་གཅིག་ཏུ་བརྒྱུད་པ་དང་། ལས་དང་ལྡན་པའི་འགྲོ་བ་རྒྱ་མཚོ་མངོན་པར་འཚང་རྒྱ་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ་འདས་པ་
D44.035.0269b05.01དང་། མ་འོངས་པ་དང་། ད་ལྟར་བྱུང་བའི་ལས་དགེ་བ་དང་། མི་དགེ་བའི་རྣམ་པ་ཐ་དད་པ་ལ་རབ་ཏུ་འཇུག་ཅིང་དུས་གསུམ་ཐམས་ཅད་ཀྱི་ལས་སྣ་ཚོགས་དབང་གིས་ཡོངས་སུ་ཤེས་པར་བྱ་བ་དང་། ལས་ཇི་ལྟ་བ་བཞིན་དུ་མངོན་པར་འཚང་རྒྱ་བར་བྱ་བའི་ཕྱིར་
D44.035.0269b06.01བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེའོ། །འདི་ལྟ་སྟེ། སྐལ་པ་མཉམ་པའི་ལས་དང་། སྐལ་བ་མི་མཉམ་པའི་ལས་ཤེས་པའི་མཆོག་ཐོབ་པར་བྱ་བ་དང་། ལས་ཐམས་ཅད་ལས་གཅིག་ཏུ་ཡང་
D44.035.0269b07.01