完整藏文原文 · 德格版页 当前仅加载第 35 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཁྱབ། །སངས་རྒྱས་ཚོགས་ཀྱི་ཏིང་འཛིན་སྒོ་དག་ནས། །ཡོན་ཏན་ཀུན་གྱི་རྣམ་འཕྲུལ་མཐའ་ཡང་ཡས། །དེ་དག་རྡུལ་ཕྲན་འཇུག་པའི་ཏིང་འཛིན་རྣམས། །རྡུལ་ཕྲན་ཀུན་ལ་མངོན་པར་བསྒྲུབ་བྱེད་ཅིང་། །རྡུལ་ཕྲན་རྩེ་གཅིག་
D44.035.0224a01.01བསམ་ཡས་ཞིང་རྣམས་ལ། །སྟོན་པར་བྱེད་ཀྱང་རྡུལ་ལ་འཕེལ་བ་{མྱེད,མེད}། །རྡུལ་གཅིག་རྩེ་ལའང་སངས་རྒྱས་བཞུགས་ཞིང་དང་། །སངས་རྒྱས་མི་བཞུགས་ཞིང་ཡང་དེ་བཞིན་སྟོན། །ལ་ལ་ཉོན་མོངས་རྣམ་དག་དོག་པ་དང་། །ཡངས་ཤིང་ཕྲ་དང་ཆེ་བའི་ཞིང་ཡང་སྟོན། །ཞིང་
D44.035.0224a02.01རྣམས་ལ་ལ་འཇིག་ཅིང་འདུ་བ་དང་། །ལ་ལ་སྤྱི་ཚུགས་རིམ་གྱིས་གནས་པར་སྟོན། །ལ་ལ་སྣྲེལ་ཞི་སྨྱིག་རྒྱུ་ལྟ་བུ་སྟེ། །དེ་བཞིན་གཞན་རྣམས་མིག་འཕྲུལ་ལྟ་བུར་སྟོན། །དེ་དག་རྡུལ་གཅིག་རྩེར་སྟོན་ཇི་བཞིན་དུ། །མ་ལུས་རྡུལ་རྣམས་ཀུན་ལ་དེ་བཞིན་ཏེ། །དྲང་སྲོང་ཏིང་
D44.035.0224a03.01འཛིན་རྣམ་འཕྲུལ་དེ་འདྲའོ། །མཐའ་ཡས་གྲགས་པའི་རྣམ་ཐར་དེ་འདྲའོ། །རྒྱལ་བ་མཆོད་པའི་རྣམ་འཕྲུལ་ཏིང་ངེ་འཛིན། །རྒྱལ་བ་ཀུན་ལ་མངོན་པར་སྒྲུབ་བྱེད་ཅིང་། །ལག་པའི་མཐིལ་གྱིས་སྟོང་གསུམ་རྒྱས་བཀང་ཞིང་། །སྐྱེས་བུ་ཆེན་པོ་རྣམས་ལ་མཆོད་པ་
D44.035.0224a04.01བྱེད། །ཕྱོགས་བཅུ་ཀུན་ན་མེ་ཏོག་ཕྲེང་བ་དང་། །སྤོས་དང་བྱུག་པ་རིན་ཆེན་རིན་ཆེ་བ། །དེ་དག་བྱང་ཆུབ་ཤིང་དྲུང་བཞུགས་པ་ཡི། །རྒྱལ་བ་མཆོད་ཕྱིར་ལག་པའི་མཐིལ་ནས་འགྱེད། །ན་བཟའ་ཕྱེ་མ་རིན་ཆེན་ཇི་སྙེད་དང་། །རྒྱལ་མཚན་བ་དན་གདུགས་དམ་སྣ་
D44.035.0224a05.01ཚོགས་དང་། །གསེར་གྱི་རྒྱན་དང་རིན་ཆེན་བླ་རེ་དག །ལག་མཐིལ་དེ་ནས་ཆར་དུ་མངོན་པར་འབེབས། །ཕྱོགས་རྣམས་མཐའ་ཡས་ཀུན་གྱི་ཡོ་བྱད་རྣམས། །དྲང་སྲོང་ཆེ་ལ་མཆོད་པ་གང་འོས་པ། །དེ་དག་ལག་མཐིལ་དེ་ནས་ཆར་དུ་འབེབས། །བྱང་ཆུབ་ཤིང་
D44.035.0224a06.01དྲུང་རྒྱལ་བ་མཆོད་པ་བྱེད། །རོལ་མོའི་རྣམ་པ་ཕྱོགས་ན་ཇི་སྙེད་པ། །རྔ་ཆེན་རྔ་དང་པི་ཝང་སྒྲ་སྙན་དང་། །རོལ་མོ་བརྡུང་དཀྲོལ་གླིང་བུ་སྒྲ་རབ་རྣམས། །དེ་དག་ལག་མཐིལ་དེ་ནས་སྒྲ་ཡང་སྒྲོག །ཕྱོགས་བཅུའི་དཔེ་མེད་ཇི་སྙེད་བཞུགས་པ་ཡི། །བདེ་གཤེགས་
D44.035.0224a07.01