完整藏文原文 · 德格版页 当前仅加载第 35 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་གྱིས་མི་ཁྱབ་པའི་རྣམ་པར་སྒྲུབ་པ་སྣ་ཚོགས་ཀྱི་དྲན་པས་མངོན་ཏུ་སྒྲུབ་པ་ཞེས་བྱའོ། །དེ་ནས་ལྷའི་རྒྱལ་པོ་རབ་འཕྲུལ་དགའ་སངས་རྒྱས་ཀྱི་མཐུས་འཕྲུལ་དགའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ།
D44.035.0019b01.01འཇིག་རྟེན་ལས་ཀྱི་རང་བཞིན་བསམ་མི་ཁྱབ། །ཐམས་ཅད་འགྲོ་བ་འདིར་ཡང་ཤིན་ཏུ་བསྟན། །རྒྱུ་དང་རང་བཞིན་རྒྱལ་བ་སེམས་ཅན་ཚུལ། །འཇིག་རྟེན་འདི་ཀུན་ལས་ཀྱིས་རྣམ་པར་བྲིས། །ཐམས་ཅད་ཚུལ་དུ་རང་བྱུང་དངོས་པོ་མེད། །ཕྱོགས་རྣམས་
D44.035.0019b02.01ཀུན་ནའང་བཟུང་བ་ཡོད་པ་མིན། །ཆོས་ཀྱི་སྐུ་ལ་དངོས་མེད་དེ་ཡང་བསྟན། །སྒྲ་ཞི་འོད་ཀྱིས་རྣམ་ཐར་འདི་ཡང་མཐོང་། །རྒྱལ་བས་བསྐལ་པ་རྒྱ་མཚོར་སྤྱད་པའི་ཚེ། །འཇིག་རྟེན་གཏི་མུག་མུན་པ་རྣམ་པར་ཟློག །དེ་བས་སངས་རྒྱས་ཤིན་ཏུ་དྲི་མེད་སྣང་། །
D44.035.0019b03.01རྣམ་ཐར་འདི་ནི་སྟོབས་ཀྱི་འོད་ཀྱིས་ཤེས། །ཇི་སྙེད་འཇིག་རྟེན་སྒྲ་དབྱངས་ཞི་བའི་རྣམས། །ཀུན་ཀྱང་སངས་རྒྱས་སྒྲ་ལས་ཉེ་བར་འབྱུང་། །ཕྱོགས་རྣམས་ཞིང་དབྱིངས་སྣ་ཚོགས་རྣམ་པར་སྒྲོག །འདི་ནི་སྣ་ཚོགས་དབང་གི་རྣམ་ཐར་ཏོ། །འགྲོ་བའི་བསོད་ནམས་
D44.035.0019b04.01མཐུ་རྣམས་ཀུན་བ{སྩོགས་,སོགས་}ཀྱང་། །རྒྱལ་བའི་མཚན་རབ་གཅིག་ཏུ་མི་འགྱུར་ཏེ། །རྒྱལ་བའི་བསོད་ནམས་ནམ་མཁའི་དཔེ་ལྟ་བུ། །དྲན་པའི་འོད་ཀྱིས་རྣམ་ཐར་འདི་མཐོང་ངོ་། །དུས་གསུམ་བསྐལ་པ་མཐའ་དང་མུ་མེད་པ། །སྤུ་གཅིག་རྩེ་ལ་རང་བྱུང་རྣམས་
D44.035.0019b05.01སྟོན་ཏོ། །དེ་དག་འབྱུང་འཇིག་ཇི་ལྟ་བ་ཡང་སྟོན། །འདི་ནི་འཕགས་པའི་དབྱངས་ཀྱིས་རབ་ཏུ་ཤེས། །ཕྱོགས་རྣམས་ནམ་མཁའི་མཐའ་ནི་རྙེད་པར་རུང་། །རྒྱལ་བའི་སྤུ་གཅིག་མཐའ་ནི་ཐུག་པ་མེད། །དེ་ལྟར་སངས་རྒྱས་ཆགས་མེད་བསམ་མི་ཁྱབ། །
D44.035.0019b06.01ཡིད་འོང་འོད་ཀྱི་གཙུག་གིས་དེ་མཐོང་ངོ་། །སྔོན་གྱི་རྒྱལ་བས་བསྐལ་པ་བསམ་ཡས་པར། །མི་སྐྱོའི་ཐུགས་ཀྱིས་བརྩོན་འགྲུས་རབ་བསྐྱེད་དེ། །ཕ་རོལ་ཕྱིན་པ་རྒྱ་ཆེན་རབ་ཏུ་བསྐང་། །དེ་ནི་དགའ་དང་ལྡན་པའི་རྣམ་ཐར་ཏོ། །འགྲོ་བ་རྣམས་ཀྱི་ལས་ཀྱི་རང་
D44.035.0019b07.01