完整藏文原文 · 德格版页 当前仅加载第 35 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྙིང་པོ་བྱང་ཆུབ་ལ། །གཟུགས་བརྙན་སྣང་ཞིང་དྲི་མེད་འོད་མཆོག་འགྱེད། །བྱང་ཆུབ་ཤིང་གི་རྣམ་འཕྲུལ་འདི་དག་ལྟོས། །སྨོན་ལམ་སྒྲ་དང་དབྱངས་ཀྱི་མར་མེ་རྣམས། །རིན་ཆེན་སྣ་ཚོགས་ཡལ་ག་ཀུན་ནས་འབར། །སྲིད་པ་རྒྱ་མཚོ་ཀུན་ན་སྔན་ཅད་
D44.035.0061b01.01དུ། །རྒྱལ་བའི་སྤྱོད་པ་ཇི་ལྟར་བྱུང་བ་སྟོན། །བྱང་ཆུབ་ལྷ་རྣམས་ཞིང་གི་རྡུལ་སྙེད་དོ། །དེ་དག་ཐམས་ཅད་སྙིང་པོ་བྱང་ཆུབ་གནས། །ཐུབ་པའི་བྱང་ཆུབ་ཤིང་ལ་སྐད་ཅིག་ཅིང་། །རྣམ་ཐར་གཞན་དང་གཞན་མང་དེ་དག་སྟོན། །རང་བྱུང་སྤྱད་པ་ཐམས་ཅད་སྤྱོད་
D44.035.0061b02.01པའི་ཚེ། །སྔོན་ཆད་དེ་བཞིན་གཤེགས་པ་གང་མཆོད་པ། །དེ་དག་མཚན་བཅས་སྔོན་གྱི་སྦྱོར་བཅས་པ། །ཐམས་ཅད་རིན་ཆེན་སྒོ་ནས་རབ་ཏུ་འབྱུང་། །ཕྱོགས་བཅུའི་སེམས་ཅན་ཇི་སྙེད་སྣོད་གྱུར་པ། །དེ་དག་ཐམས་ཅད་འདི་ལས་སྒྲ་འབྱུང་སྟེ། །དེ་དག་
D44.035.0061b03.01ཅིས་འདུལ་རྣམ་དག་ཅི་འདྲ་བའང་། །སྙིང་པོ་བྱང་ཆུབ་འདི་ལས་ཀུན་བརྗོད་དོ། །བྱང་ཆུབ་ཤིང་རྣམས་མཐའ་ཡས་ཕྱོགས་ཀུན་ན། །བསམ་གྱིས་{མྱི་,མི་}ཁྱབ་རྒྱན་གྱི་སྤྲིན་ཅན་དག །མཐའ་ཡས་སྣ་ཚོགས་རྒྱན་པ་ཐམས་ཅད་ཀྱང་། །སྔན་ཅད་དེ་བཞིན་
D44.035.0061b04.01གཤེགས་པས་ཡོངས་སྦྱངས་པའོ། །དེ་ནས་བྱང་ཆུབ་སེམས་དཔའ་གསེར་གྱི་འོད་འཕྲོ་གཟི་བརྗིད་དཀྱིལ་འཁོར་གྱི་འོད་ཀྱིས་སངས་རྒྱས་ཀྱི་མཐུས། འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
D44.035.0061b05.01སྲིད་པའི་རྒྱ་མཚོར་བྱང་ཆུབ་སྤྱོད་མཛད་ཚེ། །མོས་པའི་དཀྱིལ་འཁོར་ཡོངས་སུ་སྨོན་དག་ཅིང་། །གནས་དང་གནས་མིན་སྟོབས་རྣམས་ཐུགས་ཆུད་པའི། །བདེ་གཤེགས་སྟོབས་རྣམས་རྣམ་པར་དག་པ་མཐོང་། །བསྐལ་པ་ཀུན་ཏུ་རྒྱ་མཚོའི་ལས་སྦྱངས་ཏེ། །
D44.035.0061b06.01མཉམ་ཉིད་ཆོས་བསྒོམས་ཇི་ལྟར་བསྒྲུབས་པ་རྣམས། །སངས་རྒྱས་འོད་ལས་དེ་བཞིན་ཕྱོགས་བཀང་ཞིང་། །ལས་རྣམས་རྒྱ་མཚོ་དེ་བཞིན་རབ་ཏུ་བརྗོད། །སྣ་ཚོགས་ཐབས་ཀྱིས་འབྱམ་ཀླས་སྟོབས་སྤྱོད་ཚེ། །བསྐལ་པ་སྔ་མར་འགྲོ་བའི་དབང་པོ་བཞིན། །
D44.035.0061b07.01