完整藏文原文 · 德格版页 当前仅加载第 35 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་ལ། །གང་དག་ཁ་དོག་རིགས་ཀྱིས་བལྟ་འདོད་པ། །མིག་ཉམས་ལོག་པར་ལྟ་བར་གྱུར་པ་སྟེ། །དེ་དག་རྒྱལ་བའི་ཆོས་ཉིད་མི་ཤེས་སོ། །དེ་བཞིན་གཤེགས་པའི་ཁ་དོག་དབྱིབས་དག་ནི། །འཇིག་རྟེན་ཀུན་ནའང་ཤེས་པར་
D44.035.0198a01.01ནུས་པ་མེད། །གང་གིས་བསྐལ་པ་བྱེ་བར་བསམ་བྱས་ཀྱང་། །མཐུ་ཆེན་རྣམས་ཀྱི་ཁ་དོག་མཐའ་མེད་དོ། །དེ་བཞིན་གཤེགས་ལ་མཚན་ཉིད་མི་མངའ་སྟེ། །ཆོས་རྣམས་ཐམས་ཅད་མཚན་ཉིད་མེད་ཅིང་དབེན། །ཡན་ལག་ཀུན་ལྡན་བལྟ་ན་མཉམ་མེད་པ། །བསམ་
D44.035.0198a02.01པ་ཇི་བཞིན་ཀུན་ན་རབ་ཏུ་སྣང་། །སངས་རྒྱས་ཆོས་རྣམས་གཞལ་དུ་ཡོད་པ་མིན། །གང་རྣམས་ཅི་ཡང་འདི་ཡི་ཚུལ་བཤད་དེ། །ལྡན་པ་མ་ཡིན་མི་ལྡན་མ་ཡིན་པས། །སངས་རྒྱས་ཆོས་རྣམས་རང་བཞིན་རབ་ཏུ་དབེན། །དེ་བཞིན་གཤེགས་པ་ཕུང་པོ་
D44.035.0198a03.01འཇིག་པ་མེད། །འབྱུང་དང་འཇིག་པར་སྤྲོ་བར་མི་མཛད་དེ། །མངའ་བརྙེས་མངའ་བསྒྱུར་རྣམ་པར་གདོན་མི་ཟ། །བརྗོད་དུ་མེད་པར་བསྟན་པ་རྣམ་པར་སྤྱོད། །ལུས་དང་སེམས་ཀྱང་མཉམ་པར་རབ་གྱུར་ཅིང་། །ནང་དང་ཕྱི་ཡིས་རྣམ་པར་དབེན་པས་ན། །གཉིས་
D44.035.0198a04.01པོ་བགྲང་དུ་མི་རུང་ཤེས་པ་རྣམས། །ཆགས་མེད་བཅིངས་མེད་བདེ་བར་གཤེགས་པར་འགྱུར། །གྱ་ནོམ་སྣང་ཞིང་ཐུགས་གསལ་འོད་མཛད་པ། །སྤྱོད་ཡུལ་ཡོངས་དག་ཀུན་ཏུ་སྣང་གྱུར་ཏེ། །ཐམས་ཅད་མཁྱེན་པ་ཀུན་གཟིགས་ཀུན་ན་བཞུགས། །སྐྱེ་དགུའི་
D44.035.0198a05.01དོན་ཀྱང་རྒྱ་ཆེན་ཡངས་པ་མཛད། །གཅིག་ཏུ་གྱུར་ཅིང་མང་པོར་རབ་ཏུ་གྱུར། །མང་པོར་གྱུར་ཅིང་གཅིག་ཏུ་དེ་བཞིན་འགྱུར། །འགྲོ་བའི་ཁམས་ནི་དུ་མར་ཐུགས་ཆུད་ཅིང་། །ཐམས་ཅད་ཚུལ་དང་འདྲ་བར་རབ་ཏུ་འགྱུར། །སྐུ་མེད་དེ་ལ་ཆགས་པ་གང་ཡང་མེད། །
D44.035.0198a06.01བྱོན་པ་མེད་ཅིང་བསྩགས་པ་ཡོད་མིན་ཡང་། །ཁ་དོག་མཐའ་ཡས་རྣམ་པར་དགོད་བྱས་ཤིང་། །འགྲོ་བ་སྣ་ཚོགས་ལུས་སུ་དེ་དག་སྣང་། །འཇིག་རྟེན་ཐམས་ཅད་སེམས་ཀྱིས་བརྟགས་པ་ཡིན། །སེམས་ནི་རྟོག་པ་ནམ་ཡང་མ་ཡིན་ཏེ། །བདེ་གཤེགས་ཡེ་ཤེས་
D44.035.0198a07.01