完整藏文原文 · 德格版页 当前仅加载第 35 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྒྱལ་མཚན་ཞེས་བྱའོ། །སྨན་གྱི་ལྷ་མུན་པ་རྣམ་པར་སེལ་ཅིང་རྣམ་པར་སྦྱོང་བའི་རྣམ་པར་ཐར་པ་ནི། འགྲོ་བ་མདོངས་པ་ལྟ་བུ་ཐམས་ཅད་ཀྱི། ཡེ་ཤེས་ཀྱི་མིག་རྣམ་པར་དག་པར་བྱེད་པ་ཞེས་བྱའོ། །སྨན་གྱི་ལྷ་སྒྲ་དབྱངས་ཀུན་ཏུ་འབྱུང་བའི་རྣམ་
D44.035.0044b01.01པར་ཐར་པ་ནི། སངས་རྒྱས་ཀྱི་ཆོས་རབ་ཏུ་བསྒྲགས་པས། དོན་གྱི་དབྱིངས་འབྱུང་བ་ཞེས་བྱའོ། །སྨན་གྱི་ལྷ་ཉི་མའི་འོད་འགྲོ་བའི་མཆོག་གི་རྒྱལ་མཚན་གྱི་རྣམ་པར་ཐར་པ་ནི། འགྲོ་བ་ཐམས་ཅད་ལ་དགེ་བའི་བཤེས་སུ་སྟོན་ཅིང་དགེ་བའི་རྩ་བས་ཡང་དག་པར་
D44.035.0044b02.01བསྐུལ་བ་ཞེས་བྱའོ། །སྨན་གྱི་ལྷ་ཕྱོགས་བཅུར་རྨོངས་པ་མེད་པའི་རྣམ་པར་ཐར་པ་ནི། མོས་པའི་ཚུལ་གྱིས་རྣམ་པར་དག་པའི་སྙིང་རྗེའི་སྙིང་པོ་ཞེས་བྱའོ། །སྨན་གྱི་ལྷ་མདངས་བཟང་པོ་ཀུན་ཏུ་འགྱེད་པའི་མིག་གི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་
D44.035.0044b03.01ནད་རབ་ཏུ་ཞི་བར་བྱེད་ཅིང་། སངས་རྒྱས་རྗེས་སུ་དྲན་པར་སྦྱོར་བ་ཞེས་བྱའོ། །དེ་ནས་སྨན་གྱི་ལྷ་ཕུན་སུམ་ཚོགས་པས་སངས་རྒྱས་ཀྱི་མཐུས། སྨན་གྱི་ལྷའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་
D44.035.0044b04.01དག་སྨྲས་སོ། །སངས་རྒྱས་ཡེ་ཤེས་བསམ་གྱིས་མི་ཁྱབ་ལྟོས། །འགྲོ་བ་ཀུན་གྱི་བསམ་པ་རབ་ཏུ་མཁྱེན། །ཐབས་ཀྱི་རྣམ་པ་སྣ་ཚོགས་སྒོ་དག་ནས། །སྡུག་བསྔལ་ཀུན་ལས་སེམས་ཅན་རབ་ཏུ་འགྲོལ། །སངས་རྒྱས་ཆོས་ཉིད་དེ་ལྟར་བསམ་
D44.035.0044b05.01མི་ཁྱབ། །དེ་ཡི་མཐུ་ནི་ཐམས་ཅད་དོན་ཀྱང་ཡོད། །སྐྱེ་དགུ་རྣམས་ཀྱི་སྡུག་བསྔལ་ཞི་བར་མཛད། །ཙན་དན་ཤུགས་དང་ལྡན་པའི་རྣམ་ཐར་ཏོ། །སྔན་ཅད་རྒྱལ་བའི་ཆོས་ཉིད་དག་ལ་ལྟོས། །བསྐལ་པ་རྒྱ་མཚོ་མཐའ་མེད་སྤྱོད་པ་ན། །སྲིད་པ་ཀུན་
D44.035.0044b06.01ལ་ཆགས་པ་གང་ཡང་མེད། །དེ་ལ་རྡུལ་མེད་འོད་ཀྱི་ལྷ་འཇུག་གོ །རྒྱལ་བ་བསྐལ་པ་སྟོང་ཕྲག་བརྒྱ་དག་ཏུ། །མཐོང་ཞིང་མཚན་ཉིད་དེ་བཞིན་ཤིན་ཏུ་དཀོན། །ཚུལ་རྣམས་ཀུན་ཏུ་རང་བྱུང་དོན་ཡོད་དེ། །དེ་ལ་རྒྱལ་མཚན་མཆོག་ནི་དེ་ལྟར་འཇུག །རྒྱལ་
D44.035.0044b07.01