完整藏文原文 · 德格版页 当前仅加载第 35 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་སྒོ་གཅིག །འོད་ཟེར་གངྒཱའི་བྱེ་སྙེད་ཡོངས་འབྱུང་བ། །དེ་བཞིན་མ་ལུས་སྤུ་རྣམས་ཐམས་ཅད་ནས། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །ཡོན་ཏན་གང་གིས་འོད་ཟེར་གྲུབ་འགྱུར་བའི། །ཡོན་ཏན་དེ་ལ་བསྟང་གྲོགས་སུས་བྱས་པ། །དེ་དག་འོད་ཟེར་དེ་དག་ཉིད་ཀྱང་འབྱུང་། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །
D44.035.0231b01.01དེ་དག་བསོད་ནམས་བསྟང་གྲོགས་བྱས་པ་ལ། །རྗེས་སུ་ཡི་རངས་སྨོན་ལམ་སུས་བཏབ་པ། །གང་གིས་མཐོང་སྟེ་དགེ་བ་བསགས་གྱུར་པ། །དེ་དག་ཀུན་ཀྱང་འོད་ཟེར་དེ་དག་ཤེས། །གང་གིས་བསོད་ནམས་བྱས་ཤིང་དགེ་བསགས་ཏེ། །སངས་རྒྱས་ཡང་དང་ཡང་དུ་མཆོད་བྱས་ཤིང་། །སངས་རྒྱས་ཡོན་ཏན་
D44.035.0231b02.01འདོད་ཅིང་དོན་གཉེར་བ། །དེ་དག་ཀུན་ལ་འོད་ཟེར་དེ་དག་བསྐུལ། །དམུས་ལོང་རྣམས་ཀྱིས་ཉི་མ་མི་མཐོང་ཡང་། །དེ་མེད་མ་ཡིན་འཇིག་རྟེན་ཀུན་ཏུ་འཆར། །མིག་དང་ལྡན་པས་ཤར་བར་ཤེས་གྱུར་ནས། །ཀུན་ཀྱང་རང་རང་སོ་སོའི་ལས་ལ་འཇུག །
D44.035.0231b03.01དེ་བཞིན་སྐྱེས་ཆེན་འོད་ཟེར་དེ་དག་ཀྱང་། །མེད་པ་མ་ཡིན་ཀུན་ཏུ་འཕྲོ་བ་སྟེ། །དེ་དག་མོས་པ་ལོག་པས་མནར་བ་ཡི། །ཕལ་གྱིས་མི་མཐོང་བློ་གྲོས་ཡངས་ལ་མོད། །རྒྱན་དང་ནོར་བུ་བཞོན་པ་གཞལ་མེད་ཁང་། །རིན་ཆེན་རོ་མཆོག་སྤོས་དང་བྱུག་པ་རྣམས། །
D44.035.0231b04.01དེ་དག་ཆེ་བར་གྱུར་ལ་ཡོད་མོད་ཀྱི། །ཉོན་མོངས་ཕོངས་པ་རྣམས་ལ་ཡོད་པ་མིན། །གང་གིས་འོད་ཟེར་བྱེ་བྲག་འདི་ཐོས་ཏེ། །དད་ལ་ཡིད་ཆེས་མོས་པ་སྐྱེས་གྱུར་ན། །བདག་ནི་ཡོན་ཏན་ཆེན་པོའི་རྒྱལ་མཚན་དུ། །མི་འགྱུར་སྙམ་དུ་ནེམ་ནུར་དེས་མི་བསྐྱེད། །དེ་དག་
D44.035.0231b05.01འཁོར་གྱི་རྒྱན་དུ་རྣམ་འཕྲུལ་བས། །ཏིང་འཛིན་དམ་པ་མངོན་པར་སྒྲུབ་བྱེད་ཅིང་། །ཕྱོགས་བཅུ་ཀུན་ཏུ་དཔེ་ཟླ་མེད་པ་ཡི། །རྒྱལ་སྲས་འཁོར་རྣམས་ཡོངས་སུ་སྟོན་པ་བྱེད། །དེ་དག་པདྨོ་མཛེས་པ་སྟོང་གསུམ་ཙམ། །འོད་ཀྱི་རྣམ་བརྒྱན་བྱིན་གྱིས་བརླབས་བྱས་ཤིང་། །
D44.035.0231b06.01ལུས་གཅིག་སྐྱིལ་མོ་ཀྲུང་གི་པདྨོ་དེ། །ཡོངས་སུ་རྒྱས་སྟོན་ཏིང་འཛིན་རྣམ་པར་འཕྲུལ། །དེ་དག་ཞིང་བཅུའི་རྡུལ་སྙེད་པད་མོ་གཞན། །འཁོར་དང་བཅས་པ་བྱིན་གྱིས་བརླབས་བྱས་ཤིང་། །རྒྱལ་སྲས་ཀུན་གྱིས་ཀུན་ནས་ཡོངས་བསྐོར་པ། །དེ་དག་ཏིང་འཛིན་
D44.035.0231b07.01