完整藏文原文 · 德格版页 当前仅加载第 35 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། དམིགས་པ་ཐམས་ཅད་ཀྱི་རྒྱན་གྱིས་བརྒྱན་པའི་ལྷུན་ཅན་རབ་ཏུ་གནས་ཏེ། དེ་དག་ལས་ཐམས་ཅད་ཀྱི་འོག་མ་ནི་དཔལ་འབྱུང་བའི་འོད་ཟེར་རྣམ་པར་སྣང་བ་ཞེས་བྱ་བའི་འཇིག་
D44.035.0112b01.01རྟེན་གྱི་ཁམས་ཏེ། དེ་ནི་རྡོ་རྗེ་ཐམས་ཅད་ཀྱི་རྒྱུན་དང་། འོད་ཀྱི་འཁོར་ལོའི་ས་མཚམས་ནོར་བུ་རིན་པོ་ཆེའི་ཟེ་བ་མང་པོ་ལ་རབ་ཏུ་གནས་པ། ནོར་བུའི་འཁོར་ཐམས་ཅད་དང་ནོར་བུའི་རིན་པོ་ཆེའི་མེ་ཏོག་གི་རྒྱན་ཐམས་ཅད་ཀྱིས་རབ་ཏུ་ཡོག་པར་གྱུར་པ་སྟེ། འཇིག་རྟེན་གྱི་ཁམས་
D44.035.0112b02.01སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། འཇིག་རྟེན་གྱི་ཁམས་དེ་དག་ཀྱང་གཞན་དང་གཞན་ལ་གནས་པ། རྒྱན་གཞན་དང་གཞན་ཅན་དག་སྟེ། དེ་ན་དེ་བཞིན་གཤེགས་པ་ཚུལ་རྣམ་པར་དག་ཅིང་དྲི་མ་མེད་པའི་མར་མེ་ཞེས་བྱ་བ་བཞུགས་སོ། །
D44.035.0112b03.01དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྤོས་སྣ་ཚོགས་ཀྱི་པདྨོ་དཔལ་གྱི་རྒྱན་ཅེས་བྱ་བ་རྒྱན་ཐམས་ཅད་ཀྱི་ས་མཚམས་ཅན་རིན་པོ་ཆེའི་པདྨོ་ཤིན་ཏུ་མང་བ་ལ་རབ་ཏུ་གནས་པ་སེང་གེའི་ཁྲིའི་
D44.035.0112b04.01དབྱིབས་ལྟར་འདུག་པ། མུ་ཏིག་གི་འབྲུ་རིན་པོ་ཆེ་ཐམས་ཅད་ཀྱི་ཁ་དོག་ལྟ་བུའི་བླ་རེའི་སྤྲིན་གྱིས་ཀུན་ནས་ཡོག་པ། ཀུན་ནས་ཉོན་མོངས་ཤིང་རྣམ་པར་དག་པ། འཇིག་རྟེན་གྱི་ཁམས་སངས་རྒྱས་ཀྱི་ཞིང་གཉིས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་
D44.035.0112b05.01ཡོད་དེ། དེ་ན་དེ་བཞིན་གཤེགས་པ་སེང་གེའི་འོད་ཟེར་མཆོག་གི་འོད་ཅེས་བྱ་བ་བཞུགས་སོ། །དེའི་སྟེང་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་འདས་པ་ན། འཇིག་རྟེན་གྱི་ཁམས་རིན་པོ་ཆེ་ཐམས་ཅད་ཀྱི་རྒྱན་ཀུན་ཏུ་སྣང་བ་
D44.035.0112b06.01ཞེས་བྱ་བ་སྤོས་ཀྱི་རླུང་གི་དཀྱིལ་འཁོར་གྱི་ས་མཚམས་ཅན་རིན་པོ་ཆེའི་མེ་ཏོག་གི་ཕྲེང་བ་སྣ་ཚོགས་ལ་རབ་ཏུ་གནས་པ། ནོར་བུའི་འཁོར་ལོ་གཟི་བརྗིད་བཟང་པོའི་ཉི་མའི་སྤྲིན་གྱིས་ཀུན་ནས་ཡོག་པ། ཡན་ལག་བརྒྱད་དུ་དམའ་བའི་དབྱིབས་ཅན་འཇིག་རྟེན་གྱི་ཁམས་
D44.035.0112b07.01