完整藏文原文 · 德格版页 当前仅加载第 35 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་བཞི་བཅུ་ཡོད་དེ་དེ་དག་གིས་སེམས་ཅན་རྣམས་བསམ་པ་ཅི་ལྟ་བ་བཞིན་དུ་འདུལ་ལོ། །ཤར་ཕྱོགས་ཀྱི་འཇིག་རྟེན་གྱི་ཁམས་ན་ཇི་ལྟ་བ་དེ་བཞིན་དུ། ལྷོ་ཕྱོགས་དང་། དེ་བཞིན་དུ་ནུབ་ཕྱོགས་དང་།
D44.035.0191a01.01དེ་བཞིན་དུ་བྱང་ཕྱོགས་དང་། དེ་བཞིན་དུ་བྱང་ཤར་གྱི་ཕྱོགས་མཚམས་དང་། དེ་བཞིན་དུ་ཤར་ལྷོའི་ཕྱོགས་མཚམས་དང་། དེ་བཞིན་དུ་ལྷོ་ནུབ་ཀྱི་ཕྱོགས་མཚམས་དང་། དེ་བཞིན་དུ་ནུབ་བྱང་གི་ཕྱོགས་མཚམས་དང་། དེ་བཞིན་དུ་འོག་གི་ཕྱོགས་དང་། དེ་བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་
D44.035.0191a02.01ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་གྲངས་མེད་པ་བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་མེད་པ་ས་མཚམས་མེད་པ་གཞལ་དུ་མེད་པ་བརྗོད་དུ་མེད་པ་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་དབྱིངས་ཀྱི་མཐས་གཏུགས་པ་དག་ན་ཡང་། འཕགས་
D44.035.0191a03.01པའི་བདེན་པ་ཡོངས་སུ་བསྟན་པ་ཡོད་དོ། །འཇིག་རྟེན་གྱི་ཁམས་རེ་རེ་ན་ཡང་འཕགས་པའི་བདེན་པ་རྣམས་ཀྱི་{མྱིང་,མིང་}བྱེ་བ་བརྒྱ་སྟོང་ཕྲག་བཞི་བཅུ་བཞི་བཅུ་ཡོད་དེ་དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །འཇིག་རྟེན་གྱི་ཁམས་གཅིག་ན་ཇི་ལྟ་བ་དེ་བཞིན་དུ་
D44.035.0191a04.01འཇིག་རྟེན་གྱི་ཁམས་ཐམས་ཅད་ཤར་ཕྱོགས་ནས་སྟེང་གི་ཕྱོགས་ཤེས་བྱ་བ་ནས། ཕྱོགས་བཅུ་མ་ལུས་པའི་འཇིག་རྟེན་གྱི་ཁམས་ཀྱི་བར་དག་ལ་ཡང་འཕགས་པའི་བདེན་པ་རྣམས་ཡོངས་སུ་བསྟན་པ་ཡོད་དོ། འཇིག་རྟེན་གྱི་ཁམས་རེ་རེ་ན་ཡང་སྡུག་བསྔལ་འཕགས་
D44.035.0191a05.01པའི་བདེན་པའི་མིང་བྱེ་བ་བརྒྱ་སྟོང་ཕྲག་བཅུ་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀུན་འབྱུང་བའི་བདེན་པའི་མིང་དང་། འགོག་པའི་བདེན་པའི་མིང་དང་། ལམ་གྱི་བདེན་པའི་མིང་དག་ཀྱང་དེ་བཞིན་ནོ། །འཕགས་པའི་བདེན་པའི་
D44.035.0191a06.01ལེའུ་ཞེས་བྱ་བ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་ཀྱི་ཞབས་ཀྱི་མཐིལ་གཉིས་ནས་འོད་ཟེར་བྱེ་བ་ཕྲག་བརྒྱ་བཀྱེ་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བར་བྱས་ནས་འཛམ་བུའི་གླིང་བྱེ་བ་ཕྲག་བརྒྱ་བསྟན་ཏོ། །ཤར་གྱི་ལུས་
D44.035.0191a07.01