完整藏文原文 · 德格版页 当前仅加载第 35 函德格 339b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་གཏོང་བ་དང་ལྡན་པ་ཡིན། ཤིན་ཏུ་གཏོང་བ་དང་ལྡན་པ་ཡིན་ཏེ། ཀྱེ་རྒྱལ་བའི་སྲས་དག །ཇི་ལྟར་ན་བྱང་ཆུབ་སེམས་དཔའ་གཏོང་བ་དང་ལྡན་པ་ཡིན་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་རང་བཞིན་གྱིས་བགོ་བཤའ་བྱེད་
D44.035.0339b01.01པའི་ངང་ཚུལ་ཅན་ཡིན་ཏེ། དེ་རྟག་ཏུ་བགོ་བཤའ་བྱས་ཤིང་བདག་ཀྱང་ཤས་ཀྱིས་སྤྱོད་པ་ཡིན་ཏེ། བདག་བདེ་བར་བྱ་བ་དང་། བདག་ཡོངས་སུ་སྦྱང་བ་དང་། བདག་རིམ་གྲོར་བྱ་བའི་ཕྱིར། ཡོ་བྱད་ཇི་སྙེད་དུ་བསྩགས་པ་དེ་དག་ཐམས་ཅད་ཀྱང་བགོ་
D44.035.0339b02.01བཤའ་བྱས་ཤིང་སྤྱོད་ཀྱི། མ་བགོས་པར་ནི་མ་ཡིན་ནོ། །དེ་དག་སྤྱོད་པའི་ཚེ་ཡང་སེམས་འདི་སྙམ་དུ་བསྐྱེད་དེ། ལུས་འདི་ལ་སྲིན་བུའི་རིགས་རྣམ་པ་སྣ་ཚོགས་བརྒྱད་ཅུ་གནས་ཏེ། དེ་དག་ཀྱང་བདག་གི་ལུས་འདི་བདེ་བས་ནི་བདེ་བར་འགྱུར།
D44.035.0339b03.01བདག་གི་ལུས་འདི་སྡུག་བསྔལ་བས་ནི་སྡུག་བསྔལ་བར་འགྱུར་རོ། །ཞེས་དེ་གང་ཅི་ལ་སྤྱོད་པ་དེ་དག་ཐམས་ཅད་ཀྱང་མྱོང་བ་མེད་པའི་སེམས་ཀྱིས་དེ་དག་མི་འཆི་བ་དང་། དེ་དག་བདེ་བར་བྱ་བའི་ཕྱིར་གཏོང་ངོ་། །གཞན་ཡང་དེ་འདི་སྙམ་དུ་སེམས་ཏེ། ཡུན་རིང་
D44.035.0339b04.01པོ་ནས་ཟས་དང་ལུས་བདེ་བ་ལ་ཆགས་པར་གྱུར་གྱིས། ད་ནི་བདག་གིས་ལུས་ལ་ཆགས་པ་ལས་རྣམ་པར་འདའ་བར་བྱའོ། །ཞེས་བྱ་བ་འདི་ནི་གཏོང་བའོ། །བྱང་ཆུབ་སེམས་དཔའི་ཡོངས་སུ་གཏོང་བ་གང་ཞེ་ན། འདི་ལ་བྱང་ཆུབ་སེམས་དཔའ་ལ།
D44.035.0339b05.01ཟས་སམ། སྐོམ་མམ། བཟའ་བ་འམ། བཅའ་བའམ། བལྡག་པ་འམ། བཏུང་བའམ། གཞིབ་པའམ། མྱང་བ་འམ། གོས་སམ། ཕྲེང་བ་འམ། བྱུག་པ་འམ། རྒྱན་ཏམ་ཅི་ཡང་རུང་སྟེ། གང་སྤྱད་ན་ནི་འཚོའི། མ་སྤྱད་ན་ནི་འཆི་
D44.035.0339b06.01བར་འགྱུར་བ་ཞིག་ཉེ་བར་གནས་པར་གྱུར་ལ། དེའི་ཚེ་སློང་བ་ཞིག་འོངས་ཏེ། དེ་ལ་ཅི་ནས་ཀྱང་ཟད་པར་འགྱུར་བ་དང་། ལྷག་མ་མེད་པར་བསླངས་ཀྱང་དེ་ལ་བྱང་ཆུབ་སེམས་དཔའ་འདི་སྙམ་དུ་སེམས་ཏེ། སྔོན་གྱི་མཐའ་དེ་དག་དུ་བདག་བཀྲེས་
D44.035.0339b07.01