完整藏文原文 · 德格版页 当前仅加载第 35 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །སྐྱེ་དགུའི་སེང་གེ་དོན་ཡོད་གཤེགས་པ་སྟེ། །ལ་ལས་འཆག་ཅིང་གཤེགས་པར་ཤིན་ཏུ་མཐོང་། །ཕྱོགས་བཅུ་ཀུན་ཏུ་རྣམ་པར་སྣང་བ་དེ། །ལ་ལ་མཐོན་ཐིང་སྤྱན་དུ་དེ་བཞིན་མཐོང་། །འདོད་པའི་ཡོན་ཏན་ལྡན་པའི་
D44.035.0195a01.01སྐྱེ་དགུ་རྣམས། །གཟིགས་ནས་བཞད་པར་དེ་བཞིན་ལ་ལས་མཐོང་། །གཟི་བརྗིད་མཚུངས་མེད་མངའ་ལ་ལ་ལ་ཡིས། །སེང་གེའི་ང་རོར་གསུང་བ་དེ་བཞིན་མཐོང་། །ཟིལ་གྱིས་མི་ནོན་མ་ལོག་གསུང་མངའ་བ། །སྐུ་ཡི་ཐ་མར་སྟོན་པ་ལ་ལས་མཐོང་། །བཅིངས་
D44.035.0195a02.01པ་ཀུན་ལས་རྣམ་པར་གྲོལ་བ་དེ། །ལ་ལས་ཁབ་ནས་འབྱུང་བར་རབ་ཏུ་མཐོང་། །སྔོན་གྱི་རྒྱལ་བའི་སངས་རྒྱས་སྤྱོད་པ་རྣམས། །གཟིགས་ཤིང་ཞི་བ་དེར་གཞོལ་ལ་ལས་མཐོང་། །ལ་ལས་བྱང་ཆུབ་སྙིང་པོ་དམ་པ་ལ། །ཆོས་རྣམས་ཐམས་ཅད་མངོན་པར་སངས་
D44.035.0195a03.01རྒྱས་ཤིང་། །ཡོན་ཏན་ཐམས་ཅད་ཕ་རོལ་ཕྱིན་པ་དང་། །མུན་པ་རྡུལ་བསྩལ་ཉོན་མོངས་སྦྱངས་པ་མཐོང་། །ལ་ལས་ཆོས་ཀྱི་འཁོར་ལོ་སྐོར་བ་ཡང་། །ཐུགས་རྗེ་ཆེན་པོ་བརྙེས་པ་དེ་མཐོང་ངོ་། །ལ་ལས་སྐྱེ་དགུ་ཚད་མེད་རྣམ་འདུལ་བར། སྐྱེས་བུའི་དམ་པ་དེ་ནི་དེ་
D44.035.0195a04.01བཞིན་མཐོང་། །ལ་ལས་གཟི་བརྗིད་མཚུངས་པ་མེད་པ་དེ། །འཇིག་རྟེན་ཐམས་ཅད་ཟིལ་གྱིས་མནན་མཛད་དེ། །རྫུ་འཕྲུལ་ཆགས་མེད་བླ་མེད་སྟོབས་མངའ་བ། །སེང་གེའི་ང་རོ་སྒྲོག་པར་དེ་བཞིན་མཐོང་། །ལ་ལས་རབ་ཏུ་ཞི་བའི་ཐུགས་མངའ་བ། །འཇིག་རྟེན་སྒྲོན་
D44.035.0195a05.01མ་མྱ་ངན་འདས་པར་མཐོང་། །རྣམ་པར་འཕྲུལ་པ་དེ་དག་མཐོང་ནས་ཀྱང་། །སྟོབས་བཅུའི་སྟོབས་མངའ་དེ་དག་རབ་ཏུ་ཤེས། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་འདས་ཏེ་ཤར་ཕྱོགས་ལོགས་སུ་འཇིག་རྟེན་གྱི་ཁམས་སྟོང་སྣང་བར་བྱས་པ་ནས་གཞུང་དེ་
D44.035.0195a06.01བཞིན་དུ་སྟེང་གི་ཕྱོགས་ཀྱི་འཇིག་རྟེན་གྱི་ཁམས་སྟོང་གི་བར་དུ་སྣང་བར་བྱས་ཏེ། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅི་ཡང་
D44.035.0195a07.01