完整藏文原文 · 德格版页 当前仅加载第 35 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་རྣམས་ཀྱིས་བརྗོད་མི་ཟད། །ཡིད་བཞིན་ནོར་བུ་དག་པ་ནི། །ཁ་དོག་ཀུན་ཏུ་རབ་ཏུ་སྣང་། །དེ་ལ་ཁ་དོག་ཡོད་པ་{མྱིན,མིན}། །སངས་རྒྱས་ཡོན་ཏན་དེ་བཞིན་ནོ། །ཇི་ལྟར་ནམ་མཁའ་དྲི་མེད་ཅིང་། །གཟུགས་མེད་བསྟན་དུ་མེད་ཡིན་ཡང་། །གཟུགས་
D44.035.0305a01.01རྣམས་ཐམས་ཅད་སྟོན་པར་བྱེད། །ནམ་མཁའ་སྣང་བ་གང་ཡང་མེད། །དེ་བཞིན་ཐམས་ཅད་གཟིགས་པ་རྣམས། །ཡོན་ཏན་ཀུན་དང་ལྡན་སྟོན་ཀྱང་། །དེ་ནི་སུས་ཀྱང་མཐོང་བ་མེད། །སེམས་ལའང་དེ་ནི་མི་དམིགས་སོ། །སངས་རྒྱས་སྒྲ་ནི་གྲག་མོད་ཀྱི། །
D44.035.0305a02.01དེ་བཞིན་གཤེགས་པ་སྒྲ་མ་ཡིན། །སྒྲ་ནི་མ་གཏོགས་གཞན་དུ་ཡང་། །སངས་རྒྱས་ཤེས་པར་མི་རུང་ངོ་། །ཇི་ལྟར་བདག་གི་མཐོང་ཚུལ་དུ། །འདི་ནི་ཤེས་བྱའི་གནས་མ་ཡིན། །སངས་རྒྱས་བྱང་ཆུབ་བླང་དུ་མེད། །དེ་ལ་རྣམ་པར་རྟོག་པ་མེད། །སངས་
D44.035.0305a03.01རྒྱས་ཆོས་རྣམས་གང་དག་ཀྱང་། །སུ་ལའང་སངས་རྒྱས་གསུང་པ་{མྱེད,མེད}། །སེམས་ཅན་བསམ་པ་ཇི་བཞིན་དུ། །དེ་ལ་དེ་འདྲ་སྟོན་པ་མཛད། །ཤིན་ཏུ་རྒྱས་པ་ཆེན་པོའི་མདོ་སངས་རྒྱས་ཕལ་པོ་ཆེ་ཞེས་བྱ་བ་ལས། རབ་མཚེ་མའི་གནས་སུ་བྱང་ཆུབ་སེམས་
D44.035.0305a04.01དཔའ་འདུས་པས། ཚིགས་སུ་བཅད་པ་བསྟན་པའི་ལེའུ་ཞེས་བྱ་བ་སྟེ། ཉི་ཤུ་ལྔ་པ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་ལྔ་པ།། །དེ་ནས་དེའི་ཚེ་བྱང་ཆུབ་སེམས་དཔའ་ཡོན་
D44.035.0305a05.01ཏན་དང་ལྡན་པ། སངས་རྒྱས་ཀྱི་མཐུས། བྱང་ཆུབ་སེམས་དཔའི་ཏིང་ངེ་འཛིན་ཤིན་ཏུ་རྣམ་པར་ཕྱེ་བའི་རྣམ་པར་འབྱེད་པ་ཞེས་བྱ་བ་ལ་མཉམ་པར་བཞག་པར་གྱུར་ཏོ། །དེ་ལྟར་བྱང་ཆུབ་སེམས་དཔའ་ཡོན་ཏན་དང་ལྡན་པ་བྱང་ཆུབ་སེམས་དཔའི་ཏིང་ངེ་འཛིན་
D44.035.0305a06.01རྣམ་པར་ཕྱེ་བ་རྣམ་པར་འབྱེད་པ་དེ་ལ་མཉམ་པར་བཞག་མ་ཐག་ཏུ། དེའི་ཚེ་ཕྱོགས་བཅུ་རེ་རེར་ཡང་། འཇིག་རྟེན་གྱི་ཁམས་སངས་རྒྱས་ཀྱི་ཞིང་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་ནས། དེ་བཞིན་གཤེགས་པའི་མཚན་ཡོན་ཏན་དང་
D44.035.0305a07.01