完整藏文原文 · 德格版页 当前仅加载第 35 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་བློ་བརྟན་མཐུ་ཆེན་བདོག་པ་དག །དྲན་དང་ལྡན་ཞིང་བྱང་ཆུབ་སེམས་རབ་མི་གཏོང་བས། །ཕྱོགས་རྣམས་བཅུ་པོར་བདེ་གཤེགས་རྣམས་ནི་མཉེས་པར་བྱེད། །བརྩོན་འགྲུས་བརྩམས་པ་དྲན་ལྡན་མོས་པ་བརྟན་པ་ཅན། །
D44.035.0297a01.01འཇིག་རྟེན་ཀུན་ལ་རྟག་ཏུ་མི་གནས་མི་ལྡོག་པ། །ཟབ་པའི་ཆོས་ཞུགས་མྱ་ངན་མེད་པའི་ཚུལ་མཁས་རྣམས། །ཕྱོགས་རྣམས་བཅུ་པོར་བདེ་གཤེགས་རྣམས་ནི་མཉེས་པར་བྱེད། །བརྩོན་འགྲུས་བརྟན་པས་བདེ་གཤེགས་མཉེས་པར་བྱས་ནས་ཀྱང་། །དུས་
D44.035.0297a02.01གསུམ་བསོད་ནམས་ཚོགས་དང་ཡེ་ཤེས་ལྡན་པ་རྣམས། །ས་རྣམས་གནོན་བྱེད་སྤྱོད་མཆོག་ཉམས་པ་མེད་པར་བྱེད། །ཐུབ་པའི་སྨོན་ལམ་རྫོགས་བྱེད་སྟོན་པའང་དེ་བཞིན་བྱེད། །ཡེ་ཤེས་གཅིག་ལ་ཞུགས་པ་དེ་དག་ཐོབ་བྱ་བ། །ཐོབ་ནས་འགྲོ་བ་ཀུན་
D44.035.0297a03.01ལ་སྦྱིན་པ་རབ་ཏུ་གཏོང་། །བསམ་པ་དག་དང་ཁམས་དང་སྦྱོར་བ་ཤེས་བྱས་ནས། །དབང་པོ་ཇི་བཞིན་མཁས་པ་དེ་ལྟར་ཆོས་ཀྱང་སྟོན། །ཕ་རོལ་ཕྱིན་ལ་བརྩོན་པ་མཐུ་ཆེན་ལྡན་པ་རྣམས། །འགྲོ་བ་རྣམས་ལ་ཆོས་སྟོན་བདག་གི་དོན་མི་གཏོང་། །
D44.035.0297a04.01ཕ་རོལ་ཕྱིན་རྫོགས་གྲོལ་བ་མཐུ་ཆེན་ལྡན་པ་རྣམས། །ཁྱུ་མཆོག་མཐུ་ཡིས་འཁོར་བའི་མཚོ་ལས་སེམས་ཅན་སྒྲོལ། །དེ་ལྟར་ཉིན་མཚན་སྐྱོ་བ་མེད་པར་བརྩོན་བྱེད་ཅིང་། །དྲང་སྲོང་རྒྱལ་བ་ཆོས་རིགས་མི་གཅོད་ཞུགས་པ་ཡིས། །དཀར་པོའི་སྤྱོད་པ་
D44.035.0297a05.01གང་ཡང་རུང་སྟེ་སྤངས་པ་རྣམས། །ཐམས་ཅད་དོན་ཡོད་རྒྱལ་བ་རྣམས་ཀྱི་སར་འགྲོའོ། །དེ་དག་ཇི་སྤྱོད་ཐམས་ཅད་འགྲོ་བ་རྣམས་ལ་ཡང་། །རྣམ་སྨིན་དོན་ཡོད་ཉོན་མོངས་དྲི་མ་སྦྱོང་བར་འགྱུར། །འདི་འདྲའི་ཆོས་ལྡན་དེ་དག་མུན་པ་བསལ་བྱས་
D44.035.0297a06.01ཤིང་། །བདུད་འཁྲུགས་འཁོར་ལོ་ཕམ་བྱས་བྱང་ཆུབ་ཐོབ་པར་བྱེད། །དེ་ལྟར་བརྩོན་ཞིང་ཡེ་ཤེས་ཐོབ་པའི་བདེ་གཤེགས་སྲས། །བདེ་གཤེགས་རྣམས་ཀྱི་ཆོས་རབ་མཛོད་ཀྱང་རབ་ཏུ་སྟོན། །དེ་དག་ཆོས་སྨྲའི་བྱ་བ་ཀུན་ཀྱང་ཤིན་ཏུ་བྱེད། །བདུད་རྩི་མཆོག་
D44.035.0297a07.01