完整藏文原文 · 德格版页 当前仅加载第 35 函德格 308a 版页；藏文 NFD、目录标记与异常页序保留在来源切片中，重复版页行以稳定序号区分。
མི་མཐོང་། འབྲས་བུ་ཆུང་ངུ་ཡང་ཡང་དག་པར་རྗེས་སུ་མི་མཐོང་ངོ་། །དེ་འདས་པའི་དུས་ཀྱི་སེམས་ཅན་ཐམས་ཅད་ཀྱི་ལུས་ཞིག་པར་ཡིད་ལ་བྱེད་དོ། །མ་འོངས་པ་དང་ད་ལྟར་བྱུང་བའི་སེམས་ཅན་ཐམས་ཅད་ཀྱི་ལུས་འཇིག་པར་ཡིད་ལ་བྱེད་དོ། །
D44.035.0308a01.01དེ་འདི་སྙམ་དུ་སེམས་ཏེ། ཀྱེ་མ་སེམས་ཅན་འདི་དག་རང་གི་ལུས་གྲངས་མེད་པ་ཞིག་ནི་འགགས་ཏེ། འགག་ཅིང་འགག་པར་འགྱུར་ཡང་། སྙིང་པོ་མེད་པའི་ལུས་ལས་སྙིང་པོ་མི་ལེན་པ་ནི་ངོ་མཚར་ཆེའོ། །དེ་ལྟ་ཡིན་གྱིས་བདག་གིས་སེམས་ཅན་ཐམས་ཅད་
D44.035.0308a02.01བདེ་བས་རིམ་གྲོར་བྱ་བའི་ཕྱིར། དེ་བཞིན་གཤེགས་པའི་རྗེས་སུ་བསླབ་པར་བྱའོ། །ཐམས་ཅད་མཁྱེན་པའི་ཡེ་ཤེས་ཀྱང་མངོན་པར་སངས་རྒྱས་ཏེ། ཆོས་ཐམས་ཅད་རྣམ་པར་སྦྱང་བའི་ཕྱིར། ཆོས་ཉིད་མི་འཇིག་པ་ཉེ་བར་བཟུང་སྟེ། དུས་གསུམ་
D44.035.0308a03.01མཉམ་པ་ཉིད་དུ་མཐུན་པའི་ཚུལ་གྱིས་ཞི་བར་བྱས་པས་སེམས་ཅན་རྣམས་ལ་ཆོས་བསྟན་པར་བྱའོ། །སྙམ་དུ་སེམས་ཏེ། ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའི་སྤྱོད་པ་དང་པོ་སྟེ། དགའ་བར་བྱེད་པ་ཞེས་བྱའོ། །ཀྱེ་རྒྱལ་བའི་སྲས་དག །བྱང་
D44.035.0308a04.01ཆུབ་སེམས་དཔའ་རྣམས་ཀྱི་སྤྱོད་པ་གཉིས་པ་བདེ་བསྐྱེད་པ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་ཚུལ་ཁྲིམས་དང་ལྡན་པ་ཡིན་ཏེ། དེ་ནི་མི་གནས་པ་ཡིན། གཟུགས་དང་སྒྲ་དང་དྲི་དང་རོ་དང་། རེག་ལ་མི་གནས་པ་སྟོན་པ་
D44.035.0308a05.01ཡིན། རིགས་ཀྱི་བདག་ཉིད་ཆེ་བ་ལ་མི་གནས་པ་ཡིན། རྒྱུད་ཀྱི་བདག་ཉིད་ཆེ་བ་ལ་མི་གནས་པ་ཡིན། ཟས་ཀྱི་བདག་ཉིད་ཆེ་བ་ལ་མི་གནས་པ་ཡིན། གཟུགས་ཀྱི་བདག་ཉིད་ཆེ་བ་ལ་མི་གནས་པ་ཡིན། ལོངས་སྤྱོད་ཀྱི་བདག་ཉིད་ཆེ་བ་ལ་མི་གནས་པ་ཡིན་ཏེ།
D44.035.0308a06.01དེ་ལྟར་དེ་ནི་ཚུལ་ཁྲིམས་ལས་ཡོངས་སུ་ཉམས་པ་མེད་ཅིང་། འདི་ལྟར་ཀུན་ནས་འཁོར་བ་མེད་པ་དང་། ཀུན་ཏུ་བཙལ་བ་མེད་པ་དང་། ཡོངས་སུ་གདུང་བ་མེད་པ་དང་། བར་ཆད་མེད་པ་དང་། གཙེ་བ་མེད་པ་དང་། འཁྲུག་པ་མེད་པར་བྱའོ། །སྣད་པ་མེད་
D44.035.0308a07.01